我唔覺意穿越咗時空 遇到個神秘女仔？！（2）

更新到Chapter 82

文呢？

Chapter 82 委託上再委託

「係啦吖恆，你哋點解會咁遲先返嚟嘅？」Erika突然喺我身邊問我...！

『Er... Erika！？』我比佢嚇咗一跳！只見佢眼仔碌碌咁望住我...

『欸... 點解釋好呢？！頭先其實我哋發現火箭果陣... 出咗啲意外。吖，Sorry，以你哋嘅角度嚟睇係7日前...』我喺度諗緊點樣解釋...

『我哋嘗試去攞啲樣本果陣...』我講返頭先嘅經歷比佢哋聽...

...

「咁癲？！真係入咗去一個鐘咋？！」Erika聽完之後眼都凸埋！其他人都表示不可置信！

『係吖，你諗下如果我哋真係去咗7日嘅話，晨早餓死咗啦！』我拎住手上個發咗霉嘅水樽比佢哋睇...

「真係咁神奇...？」大家都滿頭問號...

就算你問返我，我都真係問撚晒號！

「嗚... 恆？！」Jennifer醒咗... 跟住佢發現咗佢唔喺司機位...

「恆，你... 頭先揸咗車返黎？」Jennifer有啲驚訝咁望住我...

『欸... 係。仲有傷者交咗比Jessie處理啦。』我指一指隧道方向...

突然，我身後有一個矮小嘅身影閃咗出嚟！

「JENNIFAAAAA姐姐！！！！」Christina跑咗埋去好大力咁攬住Jennifer！

「Jennifer姐姐吖！！我仲以為你永遠消失咗吖！！！！佢哋... 佢哋唔話我知你發生咗咩事吖！！！」Christina喺度指住海防基地嘅其他人喺度同Jennifer告狀！

「唉吖~ 攬攬啦Christina... Jennifer姐姐攬你~ Jennifer姐姐喺度吖~ 我返咗嚟啦~」Jennifer好溫柔咁攬住Christina，喺度摸佢個頭呵佢...

Christina都望住我...

「恆哥哥... 你都無事？」Christina打量住我...

『欸... 我無事吖...』唔知點解我對住Christina會緊張！明明佢只係細路女！

「係啦，車頭入邊裝住土壤樣本，你哋千祈唔好掂！我會盡快處理咗佢。」Jennifer指住Model X警告大家！

「收到！」大家都好聽話...

「Angie，一切正常嘛？」Jennifer關心咁問...

「佢哋呢幾日試過派戰機飛過嚟，但係比你哋隻偵測機見到，跟住就識趣咁掉頭走。」似乎無咩大礙...

「好，我繼續放手比你管住先。」Jennifer似乎好放心...

「Jennifer... 咁樣係咪唔係太好呢？始終呢度你嘅地位最高...」Angie反而好似冇信心...

「真正叻嘅老師，係比空間同埋比機會自己嘅學生展翅飛揚。Angie，我睇咗你幾年，我相信你。」Jennifer誠懇咁望住Angie...

「咁好啦！」Angie跟住就同大家一齊上返大本營...

Jennifer似乎未有返去房嘅意欲...

『Jennifer？』佢打算拉我去邊度？？出面已經天黑啦喎...

「我哋返房攞啲嘢，跟住就出發。」去邊？！

只見Jennifer打開咗枱上其中一台儀器嘅蓋，拎咗兩粒紅色水晶出嚟...

點解我覺得啲水晶嘅紅光仲光過上次嘅呢？

跟住Jennifer帶咗我摸黑行出去太古城...

沿途我都拖實Jennifer... 唔敢鬆手！

我淨係望到對面岸有燈光... 但係香港島呢邊就伸手不見五指！

「吚...」Jennifer打開咗單位嘅門...

警惕咁望住客廳嘅位置... 咦？人呢？

「隆！」Jennifer粗暴咁打開房門！

跟住佢手上拎住一支小電筒... 開咗低光模式...

我慢慢適應周圍嘅燈光... 只見着住小吊帶底衫嘅綽姿同埋佢個拍檔喺度訓緊...

佢個拍檔側身攬住綽姿訓... 雙手仲摸著佢果對未發育嘅小饅頭...

死幻幻控！訓緊覺都咁變態！

「綽姿。」Jennifer第一次認真叫佢個名...

綽姿佢擘大眼，警惕咁望住Jennifer同埋我... 打量住我哋兩個件情侶衫...

「咩事。」綽姿把聲，就算啱啱起身都係咁冷淡，一啲都唔嗲...

「我有嘢想同你傾，出嚟客廳。」Jennifer示意佢起身過嚟。

「點解咁耐先嚟？」綽姿佢第一次問我哋嘢！

「我哋遇到啲意外，花咗少少時間處理啲事情。」Jennifer似乎唔想多講...

我唯有喺旁邊聽住佢哋嘅對話...

Jennifer對發住綠光嘅眼睛望住綽姿... 但係綽姿佢似乎都唔怕，亦都唔驚訝。

「你哋原定要帶我去邊度？」Jennifer認真咁問...

「你比Sil我，我先話你知。」綽姿佢似乎都同Jennifer一樣... 自己嘅行動細節都唔多願意講...

「你唔講，我唔比返你。」Jennifer拎住手上發光嘅紅色水晶比綽姿睇...

「咦？！點解？點解會變咗Level 3？」綽姿驚訝咁望住Jennifer手上嘅發光紅色水晶...

「綽姿，你肯講未？」Jennifer佢都唔耐煩...

「我講咗你知，你就要比返呢兩支精神能量液我。」綽姿佢呢個條件...

可惡，如果佢而家即刻用紅色電池嘅話，我同Jennifer都未必夠佢打！分分鐘手都比佢斬斷！

我拉一拉Jennifer... Jennifer望過嚟...

『如果而家比咗佢嘅話，佢突然反口殺咗我點算？』我喺心入邊同Jennifer講...

「我哋照比佢帶我哋過去先，我去到中途先比佢好冇？」Jennifer都同我商量...

嗯，我反而突然諗到，我哋可以搵另外一個人商量下...

「綽姿，我哋出發果陣就還返比你，到時你就要話我知我哋會去邊度。仲有，你話點解變咗Class 3吖嘛？ 因為我研究到佢係咩嚟囉，所以先唔比返你住。你收到果陣想要Class 2 定係Class 3吖？」Jennifer搖一搖手上嘅紅色水晶...

「咁嘅話就要兩支Level 3嘅。」綽姿認真咁望住Jennifer講...

「咁你拍檔支劍就要成為我嘅報酬架啦喎～ 係啦，點解綽姿你要捉我嘅？佢哋比幾多錢你咁樣做吖...？」Jennifer嘅語氣好溫柔... 好似安慰緊個做錯事嘅細路女咁...

「100萬Sil。SPIRIT係要一直做委託，一直賺Sil先可以換返自由。我見到呢個任務果陣諗住好簡單，所以就接。做完，我同佢都可以自由。」綽姿佢難得會講咁多嘢...

「綽姿，不如你哋兩個換咗自由之後，返過嚟港島啦。我哋呢度可以照顧你架。」Jennifer佢... 打算收留埋綽姿？！

「你咁樣係氹我唔到架。」綽姿冷冷咁講...

「我準備埋啲嘢，聽日我哋就出發。到時我交返呢樣嘢比你，你就比一把劍我，同埋話我知帶我去邊度。」Jennifer做出一個「一手交錢一手交貨」嘅姿勢...

「好。」難得綽姿佢會妥協...

「聽日日出後，我就會揸車過嚟。」Jennifer講完之後就帶我返去海防基地果邊。

『Jennifer，我想借你部電腦用下。』我打開Nextcloud Talk...

跟住Call咗Professor Y...

校對緊

Jennifer諗住送羊入虎口？

無錯
如果係綽姿押佢過去嘅話
佢可以靠買通綽姿 偷運埋阿恆過去

但係如果淨係得阿恆同Jennifer去嘅話，就會兩個都被生擒

呀恆有架餐嘅話，應該都可以救到Jennifer

冇見到Jennifer話要把劍咩？

更新到Chapter 83

Chapter 83 不捨

「晚安阿恆，又用Jennifer部電腦吖你？」Professor一接咗個Video Call見到係我就同我打招呼...

『吖，係係... Professor，我有嘢想請教你。』我誠懇咁講...

Professor嘅眼眉稍為揚起，示意我繼續講...

『PLA果邊派咗啲叫SPIRIT嘅傭兵嚟生擒Jennifer去九龍。但係我同Jennifer就勸服咗佢哋兩個。而家佢哋打算帶Jennifer去九龍，但係我哋唔知交收地點，想睇下你會唔會有頭緒...』我一一解釋俾Professor聽...

只見Professor皺皺眉頭，跟住喺度托頭諗...

「你哋係咪已經攞到土壤樣本？」Professor突然醒起咁問...

『係，不過攞嘅過程，我哋遇到啲不明嘅物體，出返嚟亦都發現自己穿越咗7日...』我好簡潔咁解釋比Professor聽，我諗佢聽完唔會覺得奇怪掛...

「嗯。你攞到土壤樣本呢件事，絕對唔可以比果兩個傭兵知道，一定要保密！另外，我有頭緒啦。」Professor佢開咗張政府地圖出嚟...

佢喺個畫面上面用光筆圈住咗一個地方... 係玻璃大學隔籬嘅槍會山軍營！

「PLA知道你哋重兵駐守東面同埋南面，唔會同你硬碰。佢哋知道如果捉咗海防果邊嘅首領，海防嘅人就會殺過去... 而西面嚟講... 交通最方便嘅軍營就係槍會山呢度，隔籬就係紅隧。」Professor佢指一指...

『你覺得係呢度？』我望住軍營嘅位置...

過多條街就係玻璃大學嘅A Core... 如果Jennifer要逃走嘅話... 最好嘅選擇就係匿入玻璃大學！

「嗯，恆，你叫Jennifer過嚟。」Professor佢似乎有計劃？

我轉身搵Jennifer... 只見佢喺張床度碌緊，成個細路女咁好可愛！

「嗯？Professor？」Jennifer都過咗嚟睇...

「我覺得好大機會係呢個位置。Jennifer，拎你部手機嚟。」Professor佢好似send咗個File嚟...

「你哋聽日小心啲，比埋呢樣嘢你哋。」只見螢幕上面有兩個QR Code...

我同Jennifer佢一齊save低過落電話...

「如果你哋要入黎玻璃大學嘅話，可以用呢個。」原來係入閘嘅QR Code... 雖然我仲有學生證姐！

跟住Professor佢就收咗線...

Jennifer佢示意我去沖涼先... 跟住輪到佢沖涼...

Jennifer沖完涼之後真係好香... 明明我哋兩個都係用同一隻沐浴露...

跟住Jennifer坐喺床上面揸住風筒幫我吹頭髮...

俾人照顧嘅感覺真係好幸福~ 尤其是係Jennifer照顧我...

...

「恆...」Jennifer佢攬住我，喺我耳邊細聲叫我...

『嗯？』我感覺到佢嘅心情... 佢想...？

係色色嘅心情！

「估唔到我哋兩個仲未死... 記唔記得我話如果仲有命嘅話...」Jennifer細細聲咁講...

佢仲喺我耳邊吹咗一口氣！

『你想...？』Jennifer佢... 開始喺度撫摸我...

佢又想開戰？

...

『嗯... Jennifer... 唔得啦！嗰度好舒服...！』

「差唔多架啦... 差唔多！嗯！」Jennifer佢繼續扭動佢嘅身體...

Jennifer佢突然攬住我嚟嘴，佢一路嘴，我仲感受到佢嘅情感！

就好似我哋兩個靈魂連埋咗一齊咁！

而家嘅我哋... 真正哋擁有緊對方！

Jennifer佢係咁扭腰！

『嗚吖！Jennifer你咁樣我會...咩架！』

我感受到嗰度就快到極限！

「吖～ 嚟啦嚟啦！」Jennifer佢更加賣力咁騎...

『Jennifer吖...！』我忍唔住呻吟...

佢仲特登用力收緊嗰度嚟刺激我！

佢雙手拖住我... 雙手同我十指緊扣...

佢發住綠光嘅雙眼望住我...

佢面上嘅表情... 好滿足...

...

「嗯...」Jennifer用滿意嘅眼神... 望住佢身上嘅體液...

『欸... 我去攞紙巾。』我嗱嗱聲去枱面攞紙巾比Jennifer...

「你話啦～ 如果你可以留喺度陪我... 又幾好呢？」Jennifer望住天花板，有啲感慨咁講。

『但係... 我好似唔係屬於呢個世界咁... 喺呢度都唔知有冇容身之處... 同埋我哋打緊一場無可能打得贏嘅仗。』我其實仲係覺得有啲唔舒服... 但係而家有Jennifer喺度...

「但係真係好難得搵到一個同我咁夾嘅人... 你又會明我諗乜嘢，又可以配合我，又同我有默契... 危險嘅時候又可以互相保護...」Jennifer有啲大力咁攬住我... 好似唔想俾我走咁樣...

「我而家有啲想自私咁... 留你喺度...」Jennifer細細聲咁講... 好似俾人發現咗佢做錯嘢咁...

『你不如諗下聽日比人捉完點樣逃走先啦...』我其實係想避開唔答佢...

我都開始動搖... 但係又唔敢應承Jennifer留喺度陪佢...

「唉... 我希望綽姿信得過。」Jennifer嘆咗一口氣...

跟住我哋兩個就訓咗... Jennifer仲成個細路女咁攬住我訓...

...

...

朦朦朧朧... 好似又聽到有啲嘢喺度叫...

「咕咕故~ 故！」嗯？係斑鳩？

我慢慢擘大眼... 真係果隻斑鳩！

只見Jennifer拎住盒麵包蟲餵緊佢... 佢又食得好開心咁~

「醒啦，恆？」Jennifer望住我嘅眼神... 好溫柔...

我好中意呢種感覺... 兩個人一齊住，互相照顧嘅感覺。

只見Jennifer餵完佢之後，就雙手捧住隻斑鳩去窗邊...

「出去玩得開心啲啦~」Jennifer就咁放走咗佢...

跟住Jennifer開始執嘢... 拎埋果兩碌水晶...

「恆，呢個係追蹤器。我會帶著喺身，你開你電話望望。」Jennifer拎起一個白色圓形碟嘅物體...

『嗯，見到。』我拎起電話見到有個箭嘴指住Jennifer，寫住距離佢1米...

係Air Tag嘅原理掛？

跟住Jennifer帶我出去大本營果邊...

「我覺得，我有需要話比你哋知... 我打算今日同阿恆佢過去九龍，可能未必返到嚟。PLA有機會趁我唔喺度果陣攻擊呢個總部，你哋自己執生。Angie，之後呢度就交比你啦。」Jennifer舉起手拍一拍Angie膊頭...

誰知... Angie稍為踎低，攬住咗Jennifer！我有啲驚訝咁望住佢哋...

「我知我以前都有份杯過Jennifer你... 但係... Jennifer... 我一直都想講對唔住架... 我一直都... 唔敢開口講...」Angie有啲嗚咽咁講...

我諗係大家都冇諗過Jennifer同我咁快要走...

「Angie，我無怪你喎... 果陣的確係我唔好，所有嘢都收埋唔話俾你哋知...」Jennifer好溫柔咁講...

「恆...」係Erika把聲...？

我擰轉身... Erika佢眼仔碌碌咁望住我...

「應承我，要同Jennifer平安無事咁返黎... 我之後仲想見到你。」Erika伸出手指尾，想同我勾手指尾...

我有啲猶疑咁同佢勾... 我都唔敢講之後會發生咩事...

『嗯，盡量啦。』我有啲唔敢應承Erika...

「我等你返黎吖。」Erika誠懇咁望住我...

『嗯。』

「好啦，我哋出發啦。各位保重！」Jennifer拖住我，同大家道別...

我嘅心情有啲沉重... 我根本都唔知道九龍果邊而家嘅情況如何...

Jennifer都無出聲，淨係拖住我去𨋢塔搭𨋢...

跟住我哋開車去太古城道... 再落車去搵綽姿佢哋兩個...

「你想我揸車定係你揸車？」Jennifer望一望綽姿問...

綽姿唔出聲... 但係佢眉頭一皺...

我撞一撞Jennifer手臂...

『個𡃁妹仔喺港島唔識路吖，遷就下人啦你～』我忍住笑咁喺心入邊講...

「綽姿，一係我揸到去銅鑼灣，去到隧道嗰度我同你交換位？」明明應該係Jennifer俾人「挾持」架喎...

「可以。」綽姿冷淡咁答...

「應承咗嘅嘢，喺邊？」綽姿佢攤開手板問Jennifer...

「有～ 當然有啦～」Jennifer拎出兩碌發光嘅紅色水晶...

「你呢？」Jennifer都想望下佢哋有冇帶把劍比佢...

綽姿望住佢個瘦弱拍檔... 佢個拍檔就即刻有啲淆咁！

連忙攞把劍出嚟比Jennifer睇！

「嗯，陣間去到海底隧道嗰度交換。」Jennifer滿意咁點點頭，然後開車入太古城...

鑑於之前有人譴責我 冇甜

真正地擁有緊對方

我會想睇主線多過甜

放心
甜只係外加嘅 絕對唔多

主線不溜都重要
我唔會為左寫甜而整爛個故嘅

pin錯

寫到果種感覺，已經好好👍👍

pin漏姐
搞掂啦

原來係咁嘅