我唔覺意穿越咗時空 遇到個神秘女仔？！（2）

屌你攞呢舊出嚟鍾乜鬼姐！？

後面發生咩事我唔講啦
寫就寫咗嘅
係唔知幾時post姐

你係咪打飛機打到傻鳩咗？

我係隻抽王嚟架！

炸到老鏈咁大個窿

事實證明壓力係要釋放架

哇！你生cancer呀？咁大諗頭嘅？

我屌吖？！支嘢俾人撻咗？！

而家打算我寫一篇就出一篇
等今日寫完就出 應該大概今晚

今日突然寫咗文... 陣間食完飯校對埋就出

更新到Chapter 100

Chapter 100 中伏！

「嗚！恆！唔得吖！」Jennifer慘叫！

「碰！」呢個黑色身影突然捉住Jennifer支丫叉，大力一甩！

「吖！」Jennifer隻手撞到牆，手上嘅丫叉都甩埋！

「就憑你這個玩意？哼！」把聲有啲恐怖咁講！

豈有此理！已經超過咗10秒！無辦法啦！

我舉起MP7，瞄準呢個身影！

「冧檔，要幫手。」Jennifer盡僅餘嘅力拉住我隻手，跟住對住隻錶講...

誰知個身影突然發難衝過嚟單手捉住Jennifer條頸！

「呵呵呵呵呵～ 抓到了！抓到了！懸紅的GD份子！」個身影好詭異又興奮咁喺度講！

「啪啪啪啪啪啪啪啪！」我即刻對住個黑色身影嘅背部開槍！

「嗚吖！阿恆！救... 命吖！」Jennifer俾佢箍住咗條頸！

可惡！我而家適應咗呢度嘅燈光我望到啦！

呢個人着住全套嘅防彈裝甲！佢大力捉住Jennifer，推到佢去牆角！

我手上嘅MP7根本就打唔穿佢套甲，甚至我開槍佢都未必會覺得痛！呢種裝甲睇怕要真正嘅步槍先可以對付到佢！MP7呢啲PDW，搞佢唔掂！

只見Jennifer就快窒息... 而我手上嘅MP7根本就冇用！

『放開佢！你個仆街！』我行前兩步，改喺前面用槍撞呢個裝甲人！

「嗡！轟！」裝甲人另一隻手用力一打，將我撞落牆邊！

我連MP7都跌埋落地！我即刻踎低執返！

痛！可惡！好痛！我感受到頭部有個位撞傷咗！加上我隻手嘅舊患...！

我摸一摸... 好似濕咗？係血...？我聞到味...

但係Jennifer！我就算受傷都好，我唔可以俾你死！

我拎起MP7換彈盒，今次對準裝甲人嘅頭部！

「帶路... 搵... 搵人... 搵人... 救命...」Jennifer虛弱咁喺我心入邊講...

裝甲人留意到我嘅舉動... 佢稍為鬆一鬆手，目標改向想搶我支槍！

「嗚！」Jennifer突然墮地，我聽到佢撞到啲嘢！

「碰碰碰碰碰碰！」我不停開槍掃射佢，同時確保Jennifer唔喺我掃射嘅範圍！

『走！』我即刻用盡九牛二虎之力，拉著Jennifer嘗試返去頭先樓梯嗰度！

吓？！點解！？點解有門架？！ 鎖咗嘅！？

「隆... 隆！隆！」裝甲人慢慢行緊過嚟我哋個方向！

佢套甲好笨重，唔行得快！但係道門唔知點解鎖咗！

『Professor！我哋俾人圍攻，對方嘅裝甲厚到好似EOD咁！MP7對佢完全無效！』我對住隻錶講！

「企開啲。」傳嚟Professor把聲？

等等，唔係喺隻錶度傳嚟架喎？

「咳咳...」Jennifer喺度喘氣，似乎仲未抖順條氣！

「咇！」我聽到身後有聲？

道門突然打開！一個身影閃咗入黎！

「咔擦！」係Shotgun上彈嘅聲！

「碰隆！」眼前突然出現大型火光！

嘩！把槍好大聲！我隻耳好痛！

「噹！」聽到好似係裝甲中彈嘅聲？！

係Professor佢！冇諗過佢居然會親自出馬！

「你這傢伙，肯定是嫌命長了。」Professor把聲突然變得陰森恐怖...

Professor嘅身子突然一矮！跟住拎住半自動嘅Benelli M4大力插向裝甲人嘅下巴！

「碰隆！碰隆！碰隆！」Professor連開三槍！我見到好猛烈嘅火光！

跟住個裝甲人就跌咗喺地下...

終於搞掂咗佢啦...？

雖然有啲殘忍，不過殘忍得過佢咁樣對Jennifer？

「好彩啱啱趕得切，我一早就知唔對路架啦！」Professor有啲懊惱咁講！

Professor佢拎住電筒，打開咗電筒照住天花板...

天花板反射咗啲燈光落嚟...

嘩... 呢度而家血液四濺... 個裝甲人痛苦咁喺地下抽搐緊！Professor一腳踩住佢，右手揸住Benelli M4指住個裝甲人嘅面罩，左手拎住子彈入落去槍管...

「你哋兩個，趁而家佢哋嘅增援仲未到，快啲跑返去R Core！」Professor捉住我同Jennifer兩個人件衫，緊張咁同我哋講！

同時Professor將把激光劍交到Jennifer手上！

『咁你呢？！』我哋今次已經敗露行蹤！

「我要再諗下辦法，呢度等我收拾啦！」Professor推推我哋兩個走...

我拖住Jennifer上返去我哋頭先入黎嘅四樓...

只見呢度多咗兩個身影？！

Jennifer緊張咁舉起槍指住！

「喂！係我哋吖...」咦？呢個係...

係一男一女兩個身影... 係阿謙同埋Sabrina！

Sabrina左手揸住手槍，右手拎住電筒...

阿謙佢手上揸住一支地拖棍，棍尾綁咗把軍刀喺度...

係自製嘅矛...

我而家先望真Sabrina... 原來佢都好靚...

佢有種可以照顧人嘅大姐姐嘅感覺...

誰知，走廊嘅燈光突然閃一閃... 跟住啲燈全部着返晒！

真係估唔到，佢哋咁快就可以恢復到電力！

「阿謙，立即帶佢哋去廁所迴避先！萬一俾CCTV見到你哋，到時真係水洗都唔清！」Professor佢通過隻錶同我哋講！

「跟我嚟！」阿謙佢帶我哋一直跑...

跟住我哋四個人匿咗入其中一層嘅殘廁入邊...

我哋三個都喺度唞緊大氣... 始終太弱，冇做開運動！

聽住Sabrina同埋Jennifer嘅嬌喘聲...

唉吖！我頓時面紅！

反而阿謙佢就好似冇乜嘢，原來佢嘅身形都幾紮實，睇落平時應該有操開...

「俾少少時間我，我Reconfigure緊佢哋嘅閉路電視...」聽到Professor佢繼續匯報...

『我哋... 會唔會俾NSD捉到架...？』我有啲擔心咁問...

而家諗返根本其實佢哋一早估到有人會走入控制室，特登設局嚟陰我哋！

只係好彩Professor佢有預感覺得有啲嘢唔對路，咁先啱啱趕得切過嚟救我哋！

如果佢再遲多兩分鐘... 咁樣困獸鬥法！睇怕Jennifer同埋我都會冇命！就算有槍都冇用！

「可能捉我哋嘅人... 未必係NSD。」Sabrina細細聲咁講...

「嗯。佢哋要捉人，仲有更恐怖嘅方法。就算CCTV壞咗，佢哋都可以捉到。」阿謙佢都好嚴肅咁講...

吓？！冇CCTV點樣捉到Jennifer吖？

「我淨係知道佢哋...」阿謙佢講到一半，望一望Sabrina...

Sabrina搭一搭阿謙嘅膊頭擰擰頭，示意佢唔好繼續講落去...

「阿謙，唔好嚇親啲細路啦。佢哋而家已經夠驚架啦。」Sabrina有啲擔心咁望住我哋兩個...

「阿恆！阿恆！」Jennifer大力拉著我手臂緊張咁叫我！我見到Jennifer嘅表情好驚... 驚到就快崩潰咁！

『咩吖？！』Jennifer點解咁驚...？唔通佢知道咗所謂嘅恐怖方法？

「係腦聯嘅信號... 好強！」Jennifer撳住佢個頭，又驚又絕望咁講！

我哋三個人好驚訝咁望住Jennifer！

所以話你豬肉佬無文化就無文化

用腦聯搞Jennifer