細個因為父母嘅職業覺得好羞恥

我啊媽係清潔工人
覺得佢地做嘅職業好羞恥
所以從來都唔敢同人提起父母職業
朋友問起都係求其作過職業一句帶過
有次同朋友起街見到啊媽 (佢番緊工, 做緊清潔)
佢同我打招呼, 但我扮唔識佢當佢透明
自此佢都無再起街見到我同我打招呼
我知道自己好衰唔認自己啊媽
但我內心深處覺得好羞恥如果起街應佢
其實我父母都已經好好
盡左佢地可以能力滿足我生活需要
奈何外左環境好多野都冇辦法
所以見到好多人有我冇嘅野
我都冇強求過同冇怪責(亦冇資格)過佢地

所以我依一種羞恥心, 算唔算係性格缺陷?

窮人生仔係你老豆老母嘅錯

可以唔同人地講

叫專業潔淨師咪得lor

職業無分貴賤




就呃人嘅

不過點都好起碼你體驗過呢種感覺
向好嗰邊諗 可以可能幫你發奮 搵份係好啲嘅工呢






向壞嗰邊諗 就唔好撚生仔 窮人生仔正仆街
生個仔出嚟同你一齊受苦？把撚呀？

痴線 你呀媽一定好唔開心

應該咁講 你太在意人地點諗
得閒請下屋企人食返餐好既

啊媽一定好hurt，如果佢地已經盡左能力滿足你生活需要其實已經好好，雖然清潔工人唔係人地眼中高尚職業但唔偷唔搶，伯母自力更生呢份情操十分高尚。

你個時幾大而加幾大先

如果你阿媽對你唔好,你有咁既諗法好正常,

但相反,佢都叫對得你住,
咁你唔洗理人點睇,社會就係咩階層都有架啦,個個都律師醫生咩,又唔係作奸犯科,憑咩睇唔起人,

再講,你d朋友真係有咁既諗法,咁無品識黎都無用,social下就算

清潔工其實有咩問題

正當職業靠自己勞力賺錢有乜問題

用勞力賺取金錢我覺得都值得尊重,
點解要覺得差恥?佢又唔係偷呃拐騙.

清潔有貢獻過炒賣好多

人無完人，過左去唔好死chur自己，無人唔會犯錯

向前看，做到咩就做咩

調返轉，如果你知道你父母返office 工，但其實係一個閪老闆，為左自己既地位，搞鳩其他同事，甚至搞到人無左份工，養家成問題，咁你有咁既父母係咪好自豪呢

好多人都會口講話做清潔無問題
但如果你知身邊有朋友，或者佢地嘅屋企人係做清潔嘅，其實或多或少都會睇低佢地
即使係心腸好嘅人，都可能會有覺得做清潔嘅人可憐嘅想法
呢啲想法，無論正面定負面，其實都係一種歧視

因為起大眾嘅心目中，清潔就係一份唔體面嘅工作
好多人把口講到幾咁高尚，職業無分貴賤，但現實就係有分

如果無屋企人係識諗嘅，佢根本唔應該特登叫你，而係應該扮唔識你，因為社會上比人知道出身貧窮絕對唔係啲咩好事

雖然聽落有d hurt
但其實都明白，由其如果你細個個陣

冇計啦
屋企係點又控制唔到，係人都想有鍚自己同抵鍚又叻既屋企人

發高長大 做個地產仔保險佬，多多少少都叫著西裝梳油頭 呃到下d無知父輩

見到d人講話有咩問題真係好好笑
其實每個人都唔會睇得起低下階層，只係唔會敢認
出去識朋友遇到兩條友，一個中六畢業普通文員仔，一個大學畢業會計師
通常都一定係會計師易識人多d
世界就係咁現實，你有價值，人地先會睇得起你對你有興趣
樓主唔好理班離地戇鳩仔，就係要記住老豆老母係社會底層既恥辱，咁先有動力去努力做返一個有價值既人

反而覺得佢地好犀利 捱得咁辛苦就係為左養屋企
細過屋企人做司機 佢條線係的學校隔離 見到既話都會沖過去搵老豆
習慣左 同學有坐過佢車話佢渣車好勁 都會覺得好自豪
其實主要都係睇身邊咩人？如果識既人斬係有錢家底得自己係平民既咁有難免會羞恥

轉一轉個情況，如果你係叻仔收入好高例如做醫生，你仲會唔會介意俾朋友知媽媽做清潔先？

做污糟既工作賺乾淨既錢

BTW, 以前細個唔識野
覺得垃圾車司機好污糟無出色
大個發現原來垃圾車司機搵既錢多過好多人