【公子會】《病港ＩＩ》（４６）

每日一推

水中魚

好貴喎梗留返啦

每日一推

「小姐，你嘅咖啡。」店員送來一杯熱呼呼咖啡。

「克里斯蒂，你係做咩嫁？」

「學生。」

「咩科目？」

「材料學。」

「喔……材料學，我都略有研究。」貴華撫住下巴，談笑自若：「但我更擅長嘅係投資，克里斯蒂我講樣你會覺得好驚訝嘅事你聽！」

「係？」

「呢間咖啡店舖位嘅業主其實係我！就連出面其他店舖都係屬於我，我每日要做嘅事就係嚟收租，如果寂寞嘅話會拎出去大街派，你想唔想試下？」

「哈哈哈幾得意，但倖存區地權唔係屬於皇室嫁咩？」艾匡傻傻假笑，喝口店員剛送來的咖啡，轉移別的話題：「我最近研究緊一種物料，係羊皮紙。」

艾匡眼睛微微抬上，留意貴華的表情變化。

「羊皮紙？呃……」貴華眼珠溜來溜去，明顯是不懂裝懂：「我都聽講過！係一種羊皮做嘅紙。」

看來，貴華並不清楚羊皮紙和國庫的事情，那麼羊皮紙應該在其家人手中。

「貴華先生，你係住邊？」

「我係住……」貴華話到一半，突然吞回落肚：「唔好意思，克里斯蒂小姐，我家人講過，唔可以隨便話俾人聽我哋住邊，只因為我哋家族太有錢，怕有人不懷好意。」

「唔緊要，我理解。」艾匡溫婉一笑，試探性地問：「但就算係女皇問你住邊，你都唔會講？」

「請你諒解，我爸爸媽媽講過，如果我向外人透露自己住邊，日後就會將遺產交俾基金管理，唔會一筆過俾我！雖然我無佢哋嘅錢，都可以自己白手興家，創業超越佢哋成績，但咁樣實在太哂時間，我會蝕唔少時間成本。」

「真係可惜。」

「但我知道克里斯蒂小姐你一定係個好人！」貴華握緊拳頭，落在桌上：「純粹係賞識我嘅才華、外貌同個性，唔存在任何惡意。」

「我係你爸爸媽媽都驚嘅，你哋家族有咁龐大嘅物業，成個商業區喎。」

貴華雖然是個廢柴，奈何家族富可敵國得跟桑菓一樣，掌控整個艾寶琳的經濟命脈。

店員忽然拿匙子敲敲杯子：「各位！相信你哋都互相介紹完，依家係自由時間，可以離座跳下舞，認識下其他人。」

「克里斯蒂小姐。」貴華視線未移回前面，已經伸手想要邀請艾匡共舞：「May i？」

可視線移回正前方時，艾匡身影早已不見，原來她正被其他男生搭訕，貴華越看越不甘心。

欲擒故縱。

「小姐，請問我可唔可以同你跳一隻舞？」一名年輕男貴族誠意邀請。

艾匡靦腆一笑：「我唔識跳舞。」

「踩到我隻腳都唔緊要，可以同你共舞係我嘅榮幸。」年輕男貴族淺淺一笑。

「等陣。」貴華突然殺出。

年輕男貴族抬起頭，保持腰骨挺直：「貴華先生，有事？」

「唔好意思，我諗克里斯蒂小姐應該係我嘅真命天女。」貴華直說。

「憑你？喺到大家都有公平認識異性嘅機會。」年輕男貴族說話都很風度。

「我諗你唔知我同克里斯蒂小姐經歷過啲咩……」貴華表情著緊，說得入心入肺。

「我的確唔知。」年輕男貴族一頭霧水。

「……」艾匡頭上都冒出三個問號。

「由佢入嚟嗰刻，我就知道係佢，係我一生中尋找緊嘅唯一，坐低同佢相處傾計嗰段時光，係我人生中最快樂嘅日子，但我無好好把握機會，就喺佢離開我面前嘅座位，俾你搭訕嗰陣我先知咩叫人世間最痛苦同後悔嘅事！嗚……克里斯蒂小姐，我已經決定好要同佢結婚生子，組織一個小家庭，你鐘意讀書，我會供你一世讀書，呢世都唔洗做嘢！所以請求你！！千奇唔好同呢條友跳舞！！！」貴華激動得指住那名年輕男貴族。

「呃……」艾匡呆住。

「我帶你去玩更有趣嘅嘢！」貴華牽住艾匡的手，跑出咖啡店外。

「你帶我去邊啊，我只係鐘意玩牛皮紙……」艾匡說。

「信我！呢種物料更加好玩！」貴華牽住艾匡到街上，一手掏出鈔票：「你準備好未？」

「艾幣？」

「手舉高呈四十五度將艾幣飛出去！」貴華使出華麗的技能──灑錢。

漫天飄舞的艾幣，吸引途經的民眾前來搶錢。

「哇艾幣呀！」、「有人派錢啊！」、「呢張我嫁！唔好推我呀！」

「你都試下。」貴華拿出一疊艾幣，給艾匡玩玩。

艾匡為了增進和貴華的關係，順他的意思大撒艾幣。

「我第一次派錢係咁開心！」貴華一隻手牽住艾匡，一隻手持續灑錢。

貴華把自己的艾幣掏空後，才滿足地垂手，抬頭望向比自己高的艾匡：「你覺唔覺得好滿足？我諗過嫁啦，有一個方法可以俾你嚟我屋企。」

「係？」

「見家長！」貴華樂不可支，處於亢奮狀態：「只要你肯同我傾婚事，就有理由嚟屋企，見我嘅屋企人！」

「玩到咁大？」艾匡反而有些卻步。

一張羊皮紙，竟然會扯出婚事。

「我對你認真嫁克里斯蒂小姐！」

「好，就傾下。」艾匡為了羊皮紙繼續順順他意思，反正不會談得成。

「She say yes！」貴華高舉拳頭，大聲高喊。

街上個個顧著撿錢，完全沒人理會他。

傍晚時分。

住址一向隱秘的貴華，先帶艾匡到商業區的地下停車場，再利用鎖匙開啟一些封死的職員門，穿過長長的密封通道。

路上靜得只有兩人的腳步和呼吸聲，更讓艾匡不禁思疑是陷阱，而手握劍柄處處提防……

「你每日咁返屋企都幾麻煩下。」艾匡說。

「呢啲都係我屋企人設計，防止有人吊住我尾跟返屋企，都係少少安全措施。」貴華手指套著匙圈旋轉：「呢個時代咁危險，點都要一啲保障。」

商業區是貴家擁有，這些暗門通道自然都是他們做，一切都是用來掩飾他居住在一期商業區正上方的屋苑──都會豪庭。

雖說是商業區大王，但貴華家族真極為低調，不是居住什麼過萬呎豪宅，而是只有一千多呎的單位，要不是特地調查絕不可能知道，是傳說中的隱形富豪。

好不容易，花了將近十分鐘時間，終於來到貴華家門外。

「喀喀──」貴華敲敲門。

不到十秒，防盜孔有隻眼睛觀察著外面情況：「仔……你隔離嗰個女仔係邊個……」

「佢叫克里斯蒂！係我嘅心儀對象。」貴華答。

「你係咪唔記得媽咪同你講咩！」門內的人，是貴華的母親。

「但好快佢就會係我哋家人，我同克里斯蒂已經去到談婚論嫁嘅階段！」貴華捉住鐵閘喊。

「你哋識咗幾耐……」貴華母親始終不敢輕易開門。

「半日。」貴華答。

「半、半日！？」貴華母親像嚇倒。

「實際上係唔超過三小時左右。」貴華得意地說。

「咁同陌生人有咩分別！？」

「開門啊！」貴華用力搖著鐵閘。

面對膠著的情況，艾匡很想自揭女皇身份，但若對方都死不開門，自己都很難拿他們辦法。

終歸那一句，現在皇室財力緊絀，人家商業區大王根本不用害怕自己。

咁容易跟到返屋企

笑死

有文

一期商業區正上方的屋苑──都會豪庭。

應該係三期上蓋

水中魚．貴華
呢個名並唔係浪得虛名

「我肯定唔會開門，如果你仲係想帶女仔返屋企，就自己訓街啦，女人信唔過，你唔好咁大意。」貴華母親說得決絕。

「Damn it！」貴華用力踢門。

貴氏家族實在固執，艾匡漸漸打消進去的念頭。

貴華把艾匡帶到轉角，低下了頭：「克里斯蒂小姐，睇嚟我哋有緣無份。如果可以嘅話我真係想爆門入去，但係我屋企係根據安全屋設計，淨係道閘都幾十個鎖頭……」他又一次為愛情奮鬥。

「其實你媽媽講得無錯，我係想要你屋企一樣嘢。」

「係？」貴華愕然。

「我想要嘅嘢，就係羊皮紙。」艾匡拿出那兩張羊皮紙。

基於貴華的智商，她不怕把羊皮紙的事情洩露。

「咁嘅爛鬼羊皮紙，我買幾多俾你都得啊。」貴華摩挲羊皮紙，感受它的質感。

「唔係，我需要你哋屋企嗰張。」

「但點解……點解你會知我屋企有？」

「總之你信我嘅話，就搵出嚟，然後拎俾我，做唔做到？」艾匡真摰相視。

「我、我絕對做到，日防夜防，家賊難防，我會搵哂成間屋，睇下收埋喺邊。」貴華完全墜入愛情的陷阱。

「咁我交俾你。」艾匡雙手按住貴華肩膀。

「今晚同你分開之後，我要點樣拎俾你？」

「你去皇政府機構到，將羊皮紙交俾一個叫星宇嘅人。」

「好！」貴華點頭。

「係咁。」艾匡都點個頭，轉身而去。

「等陣……克里斯蒂小姐！」貴華把她叫住，雙拳緊張得握實：「最後有件事……」

「係？」艾匡轉半張臉，瞟向貴華。

「可唔……可唔可以……錫你一啖。」

「唔可以。」艾匡毫不猶豫。

話畢，兩人約會結束。

貴華是靠不住，但眼下只能拜托他。

如果貴華沒能拿到這張羊皮紙，就留待日後再想辦法。

艾匡回去皇室區的路上，將毛衣脫掉、假髮摘下、眼鏡拿掉，變回那個清純的少女。

今日，可真是個充實的一天。

第二朝，艾匡繼續尋寶活動，去艾寶琳監獄查問下一位羊皮紙持有者。

「係時候講第三個我聽。」艾匡帶來一袋果肉飽滿的蘋果，那是桑果送來的貢品。

「呵，你居然搞得掂貴家嗰班守財奴……」鶴百仙一副意想不到的語氣。

「搞唔掂，佢哋真係好謹慎，完全唔俾機會我見下，嗰個桑果至少都可以同佢傾幾句計，或者我應該用女皇嘅身份……去探訪佢哋一次。」

「我講樣嘢你聽，即使係第一、二任國王嘅時期，呢一家貴族都奉行住光榮孤立，唔介入任何權鬥利益嘅鬥爭，而桑果就山高皇帝遠，可以喺翠林做個土皇帝……即使係你兄長同父親，都好難拎到呢兩班辦法，你搞掂到其中一個已經好叻女嘿嘿。」

「如果用武力，我諗係無可能？」艾匡說個假想。

「呵呵……你想成個倖存區失去生產力，當然可以咁做。」

「咁係時候講第三個我聽。」

「第三個……」鶴百仙一邊嘴嚼，一邊仰顎思考：「嗯，我只係俾到個地址你。」

「咁俾我。」

鶴百仙招招手，讓她把耳朵湊來。

「講你就講，懶神秘。」艾匡說。

鶴百仙自討沒趣：「慧安園商場地下B104號舖位……」

艾匡聽完地址，喃喃記住便出發去。

然而艾匡離開後，鶴百仙嘴角弧度卻越來越彎，似有什麼陰謀。

倏地，艾匡折返監房門外，鶴百仙迅即收起笑容。

「嗰個持有者係咩人嚟？」艾匡問。

「我都唔知呢。」鶴百仙答。

「咁你又……」

「呵呵，你去睇下咪知。」

事不宜遲，艾匡馬上出發到慧安園去。

同樣地，為了掩飾身份，艾匡進行了少少的偽裝，但沒像昨天那樣改變換面，而是包上一條印花紋阿拉伯頭巾，只露出張清雅的臉孔，足以瞞過不少人。

奪國戰之後，黑市比以前要發達得多。

不少商人為逃避課稅，都選擇將貨品賣到黑市上架，最日常如油、米、茶、鹽、醋，使得本來生人勿近的禁地，變成菜市場那樣，想要趁機撈一筆的黑心商人不少，地溝油和假米等都在黑市活躍起來。

隨著艾匡深入慧安園商場，發現菜市場盛況的畫面，只限黑市前半部份，後半部份依然冷清，進行真正的黑市生意。

艾匡一個女生孤身到來，自然被不懷好意的惡徒用古怪的目光盯上，猶如聚集的狼群看見一隻可愛的小白兔，但因為她有劍護身的關係，暫時都沒有一個男子膽敢亂來。

來到鶴百仙所說的店舖，艾匡好好打量店家一眼，發現店主都用報紙封住店舖的落地玻璃窗，門口僅擺放一塊看板說明是什麼類型的店子。

「佳玉攝影館

個人照：二百艾幣

二人同行：三百五十艾幣

全家福：五百艾幣

提供多種背景佈板和服裝」

不知為何，艾匡感覺詭異。

自己的皇兄又怎麼會將珍貴的羊皮紙，交到這個水盡鵝飛的地方，一點保障都沒有。

沒法子，既然一場到來，艾匡都不想空手而回，於是她敲一敲玻璃門：「請問入面有冇人？」

十秒過去，沒有得到任何回應。

艾匡又敲敲門，決定問一遍：「入面有人？」

依然沒有人回應，似乎店內沒有人在。

艾匡把門輕慢推開，納入眼內是間小小的攝影館。

有部珍貴的相機用腳架豎立於正中，後方是可任意更換的佈景板，其餘都跟正常的影樓沒什麼分別，只是這間規模很小。

底片、電池、鏡頭、反光板、燈架等等，凌亂擺放不同地方，有個掛衣架上面放的衣服，居然是艾寶琳士兵制服、皇室管家制服、皇室侍人制服和貴族服裝等……

「係俾人扮下皇室人員？」艾匡皺一皺眉。

一想到羊皮紙很可能就在這裡，艾匡就忍不住四處亂找，胡亂打開別人的抽屜，又進去沖洗照片的暗房，搜尋羊皮紙的下落。

結果尋個得空，只找到一堆照片。

照片內容多以偷拍角度拍攝，看起來是跟蹤著某些人，然而有一張照片讓艾匡感到了毛骨悚然，因為那一張照片的主角居然是艾匡自己！。

「係邊個……」艾匡手上看著的照片，是她早前跟王芷諾外出參觀艾寶琳時所拍下。

可惜是，這間攝影館並沒有一點店主的個人資訊。

艾匡有些害怕，但強忍著不明的恐懼，將暗房搜索得更為仔細，最後拉開一張地墊，竟發現暗藏木板製的暗門，將它打開後能夠通往地下室。

好奇心驅使下，艾匡拔出了劍，細步行入地下室中，但環境太過漆黑，她又上去拿去別人的手電筒並裝上電池，探索地下室存在的事物。

玻璃密室。

地下室最吸引眼球的是間玻璃密室，密室中放著張工作檯和電台設備，其餘都是收納文件的櫃子。

艾匡發現密室沒鎖，於是行到裡頭，並把自己的劍擺放門口位置，以防它突然關上。

「睇嚟係個地下電台……」艾匡檢查檯面上的文件，發現到一份調查報告：「影子菁英？」

「影子菁英」第二十四次調查報告：「艾寶琳存在影子菁英的事情，幾乎是可以斷定。反皇派的興起顯然受到了影子菁英的幫助，他們潛藏在倖存區最陰暗的角落，掩飾自己的身份試圖控制干預倖存區的運作，經過多年深入調查，我在他們為籌募資金而進行「遊戲」的地方，找到了一張卡片……估計是組織的名字──公子會。」

「公子會？」艾匡不太明白，報告在說明什麼。

於是乎，艾匡翻找第一次調查報告，看看他調查目的。

找到那份佈滿灰塵的文件時，艾匡被上面的日期震驚到，因為紀錄日期大約是八年前，父親還在掌權的時期。

「影子菁英」第一次調查報告：「受艾寶琳皇室委託，開始調查艾寶琳深層組織，僱主懷疑艾寶琳存在某個勢力，正干涉皇室及其父親的政治決策，正調查背後關係……」

早文！

早文正啊

每日一推

推下
好似推得好慢咁