【公子會】《病港II》(46)

926 回覆
1063 Like 14 Dislike
2022-01-13 00:05:25
係嘅 唔通真係請人食狗肉煲咩
btw個廚房咩都冇 咁佢每日食咩
2022-01-13 00:06:04
佢話得返啲蔬菜呀嘛
一般人真係食樹皮都唔掂
2022-01-13 00:08:28
好大鑊喎 一隻都冇 係咪要去港島攞
2022-01-13 00:13:33
港島應該連樹皮都冇得食 人口仲要多幾倍
2022-01-13 00:14:45
達尼課金俾動物園 應該有得傾
2022-01-13 01:34:03
好耐無出沒 得閒上個水先
2022-01-13 01:36:34
有文
2022-01-13 02:47:52
完美表達到個種自私偽善同雙重標準既大愛左膠文化
2022-01-13 04:06:08
2022-01-13 04:35:45
睇嚟生理時鐘係調唔翻
2022-01-13 08:04:23
世上最多就係左膠 無辦法
2022-01-13 08:46:42
Push
2022-01-13 09:06:32
可能佢係驚犬學派呢
2022-01-13 10:11:54
艾匡做左理想左膠
2022-01-13 17:40:42
艾匡好撚煩
2022-01-13 18:59:36
每日一推
2022-01-13 19:44:26
墨巴可唔可以透露下關於虔誠者會唔會出書?
定等到弒神者先一次過?
2022-01-13 21:06:12
差啲唔記得咗佢哋 唔知會唔會又搵返
2022-01-13 22:20:21
艾匡腳有些累,原地坐下休息喝水,順便暗暗觀看老人的釣技。

「咕咕咕……」艾匡一口氣把水喝盡,等會到水塘再添。

水剛喝完,水塘旁的老人便拉起釣竿,釣到一條活魚上來。

「睇嚟入面都幾多魚。」艾匡轉看水面。

老人沒表現出一絲喜悅,就好像是理所當然的事情,他將魚鉤解下,把魚兒掉到水桶後,繼續拋出魚鉤靜待下一輪收穫。

艾匡雙手托住後腦勺,全身躺到泥地上,享受林野間片刻的安寧,把復國的煩惱拋諸腦後。

這個短暫而寧靜的時刻,讓她回想起以前跟朋友們,一起山上居住的日子,是個不可多得的體驗。

想著想著,水塘「咚」的一聲,打斷了艾匡的回憶,她側首往老人那邊望去,只見他又多一條魚兒上釣了。

老人純熟地解鉤,再次拋出魚鉤。

依著這個進度,要裝滿一桶魚不是難事。

艾匡都頗為好奇,老人是否有什麼方法輕易釣出魚兒,而默默注視著他的舉動。

可正所謂事不過三,老人釣竿雖有反應,但總算碰壁,水塘下那傢伙不是單憑他一雙臂能釣出,老人和他僵持了許久。

過程中,老人需盡力保持釣竿穩定,不被水下的魚兒甩出脫手,待魚兒動作稍為停下,才快速收線將其收至岸邊,十分考驗技巧。

「啊嗄……究竟係咩魚王咁大力……」老人幾乎要把釣竿拉斷了。
2022-01-13 22:20:31
「呯啪呯啪!」水中的魚王激烈的抖動。

「逼我出絕技,呢條魚真係……」老人全身重心向後仰靠,以腳跟維持平衡:「完美的四十五度角!睇你點同我鬥。」

「咕咄咄……」池中物又再靠岸一點。

「喝!」

老人雙臂再度發力往高一拉,水中物給硬生生拉出來了!

耆者。

那隻咬住魚鉤的生物,是病者品種中的耆者!

「嗚嘩!!!」老人嚇得釣竿脫手,雙腳發麻。

看到這幕,艾匡一個轉身墜落地面,並以雙腳著地,然後壓著身子快步衝刺,朝準備撲到老人身上的病者一斬!

生命力脆弱的耆者,給一刀了結。

「無事?」艾匡瞧向老人。

「呢位女俠……多謝你……」老人心跳尚未平復,按住起伏不停的胸口:「嗄、嗄,居然咁都遇到人幫手。」

「下次見到耆者直接跑就得,佢哋爬得好慢。」艾匡輕踢耆者頭顱。

「多謝你……」老人慢慢站起來,重拾地上的釣竿:「桶裡面嗰兩條魚,就當係我送俾你。」

「咁好?」艾匡正好為食材煩惱。

「如果可以嘅話,我直頭想邀請你嚟作客。」老人說。
2022-01-13 22:20:42
「嗯,心領。」艾匡垂下刀劍,放回鞘中:「你住喺松木村?除咗佢哋,都無咩人會去北面嘅山林。」

「哈哈哈,我外面獨居。」老人打量艾匡,兩秒猜出:「睇你應該係倖存區嘅人?」

「係。」艾匡沒什麼好隱瞞的。

「如果你唔嚟作客嘅,介唔介意送我依位獨居老人返屋企?哈哈哈哈……」老人笑道。

「我……」艾匡有點顧慮。

「唔得嘅話,都唔緊要,好近嫁啫。」老人小步小步的,行去收拾釣具:「桶入面兩條魚,阿妹你就收咗佢。」

「如果近嘅話,都唔係唔得。」艾匡幫他拿起釣具和水桶,淺淺一笑:「你帶路。」

林中的少女和老人,就這樣無故交集一起。

水軟山溫的泥路上,兩人一問一答的聊天。

「伯伯,點叫你?」

「叫我黃伯就得。」

「黃伯點解你唔去倖存區住嘅?」

「我好早期嗰陣仲住喺寶琳倖存區嫁,病毒爆發頭一年嗰陣囉,但係無啦啦有個有錢佬行出嚟,話要搞咩皇室制……呸。」黃伯一副輕蔑的語氣,訴說艾氏皇朝:「我先唔會做佢哋嘅奴隸。」

艾匡點一點頭:「喔……」既然這麼早脫離倖存區,不認識艾匡都不奇怪。
2022-01-13 22:20:52
「咁你呢阿妹?睇你衣著同身高,都唔似普通百姓,應該係倖存區入面食好住好嘅人。」黃伯說。

艾匡笑一笑:「還好啦。」

「我差唔多每個月,都會去松木村都買啲木柴,聽講倖存區又有新女皇登基,你覺得點?我買柴嗰陣,見到就算係附屬國嘅佢哋,都好開心呢位女皇上任,早一、兩年明明係死老豆嘅樣……」黃伯純粹八卦。

「我無咩睇法。」艾匡選擇最安全的答案。

「你做咩一個女仔出嚟呢座山到咁危險?」黃伯換別的話題。

艾匡抿笑:「哦,我原本想嚟打獵,咁啱經過你,咪出手幫你。」

「打獵我好耍家。」

「咁要請教下你。」艾匡轉念一想:「但你自己一個打捉咁多年獵,都幾厲害,無遇到其他病者?」

「鷓鴣山算少嫁喇,呢到係森林王嘅地盤。」

「森林王?咩嚟……」

「一隻高高大大嘅怪物,總係拎住碌好粗嘅樹幹當係武器,只要邊個入佢地盤,無論係人類定係病者,佢都會無差別攻擊……我係聽松木村班人講。」黃伯搔搔耳朵,續說:「我都係當故仔聽,只係曾經喺樹林間見過佢身影,佢行路嗰陣塊地會震震下,幾得人驚……」

兩人閒談之間,回到黃伯的住所。

那是一間兩層村屋,位置大約是壁屋附近,屋外圍上小柵欄,有隻母雞咯咯的叫著。

「係雞?」牠是艾匡的心水食材之一。

「我有冇得拎太陽蛋做早餐,都係睇佢。」黃伯灑了一把蟲子,讓那隻母雞低頭啄食:「我得呢一隻雞,好難捉到!」

進到屋內,艾匡想說放下釣具,意思意思的拿一條魚當酬勞作罷,殊不知黃伯再三邀請她留下作客。

「阿妹你行到嚟都辛苦咁耐,順便留低飲碗魚湯啦,好好補充下身體。」黃伯行去廚房,二話不說宰條最肥美的魚:「斬咗個頭啦,伯伯我一個人飲唔哂。」

「好啦好啦……」艾匡就當成是探訪獨居老人。

艾匡特意坐到靠近門口的椅子上,萬一有什麼事情都能立即逃跑。等待黃伯做菜期間,她留意到電視機上相架,照片中是個三十出頭的男生。

「相入面嗰個人後生嘅你?」

「哈哈哈,緊係唔係……」黃伯視線移頭瞧來,再移回鉆板上:「佢係我個仔。」

「唔好意思……」

「佢仲未死,只係住喺寶琳個倖存區到,間唔中會書信來往下。」

「咁都幾好啊,你都唔係完全一個人。」

黃伯彎腰打開廚櫃,拿出做湯的材料:「頭個幾年我成日同佢吵大鑊嫁,佢好支持嗰個乜鬼嘢艾氏皇朝,佢要做人哋嘅走狗係佢嘅事,但係後尾可能慢慢睇清成件事啦,開始對呢個皇室失望,先同我有番兩句計傾……」一份水、一塊薑、一條蔥、一點鹽,再加一條鮮魚,放到鍋裡等待煮熟。
2022-01-13 22:25:04
又黎斬完人個仔
2022-01-13 22:33:56
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞