【公子會】《病港ＩＩ》（４６）

呢解呢排出文咁唔定時

搵唔番個段故
紙言得集數 好難搵

但我記得既係 個老豆只係困住m同艾匡 只係想對付西城薈追兵 係m偷聽兩父女對話搞錯左件事 先下手為強
最後佢都知自己搞錯

https://www.shikoto.com/articles/199978/228570.html

係M發現佢捉左個人係格離屋先 + feel到佢地食人肉
之後比個老豆知道M發現左 困住M
M當時心態係要保護艾匡 佢一直當艾半個女咁
所以要保護艾先會決定殺個老豆
點知個女幫老豆擋 最尾唯有殺哂
我諗如果艾唔係度 而對方冇實際想殺佢
M可能會問清楚or走

M 係殺過好多人
但通常佢都諗清楚係要保護人 or 為大局
印象中佢唔會唔小心殺咗然後好徬徨咁

邊度似

墨巴take care

墨狗邊識寫

每日一推

如果後面講返原來艾匡有精神創傷
搞到人格分裂既話我ok

1. 主人格 公主人格 天真無邪
例子：同港島個條女嘻嘻哈哈既日子
狗狗咁可愛點可以食狗狗
對屍體既尊重（埋左大桔）

2. 堅強人格 可能因為內心太柔軟而產生既相反人格
例子：威迫利誘個唔知咩保皇黨呀伯 要佢比牛皮紙線索
同牛皮紙持有人，港豬鬥智鬥力
逃出大河孝個個唔知咩山賊營

3. 陰暗面人格 99.99%係佢港島做病獵逃兵個陣吸毒而產生
例子：殺左有皇室黑材料條友 講真 d資料係哂地下室 佢快手燒哂佢咪得 點解要滅口
無資料係手都唔會有人信佢講野架
就算真係比人爆大鑊 艾匡都可以推哂比前皇室 班平民個個都知艾康暴政 推比前皇室絕對可行
無啦啦夜晚拉個fd返去肢解黑材料條友
之前明明話黑市個邊山高皇帝遠 根本無人理
無啦啦 拉埋個fd返去尊重屍體 為好玩？

1刀斬死黑材料老豆 人地咁熱情招待你 末日有咁既人已經好難得 無啦啦聽到有人講皇室壞話就手抽根斬9人 再偷人隻雞 又食又拎

然後我唔明既係 其實搵返個國庫好平常 點解要收收埋埋 加上根本實權仲係艾匡到
佢仲要可以直接委任議長 保皇黨個邊是但比d議席比佢就得 同埋水中魚咁易控制 艾匡完全係有實權

戴返頭盔先 以上既都係9up 歡迎補充

一覺睡醒，雨過天清。

側身躺睡的艾匡張開眸子，立馬坐起，急步行落客廳尋找鶴百仙，看看他是否安全。

誰不知，客廳竟然變了樣，原本凌亂不堪的環境都給重新打理一番，傢俱擺設變得井井有條，但破窗和牆洞注定難以修補。

「早晨，女皇……」鶴百仙負著手，從走廊行出。

「早晨……」艾匡抓抓蓬鬆的頭髮。

「我好鐘意依個家，有真正俾人住嘅感覺，唔會覺得單調，呢種陰陰沉沉嘅屋最適合俾我養老……我都唔太喜歡陽光。」鶴百仙回到搖椅坐下，觀賞窗外的景色：「仲有齊基本傢俱，足夠隱蔽。」

「你想住喺到？」艾匡坐上殘破的沙發，面向著享受搖搖樂的鶴百仙：「我茅湖山另外有間屋係專登整俾你……」

「我住喺到就夠，都一把年紀，既然遇到鐘意嘅嘢，就唔再行嚟行去，我唔想再行太遠……」

「但可能有病者、強盜、野生動物，如果你唔介意。」

「呵呵呵，唔需要擔心我。」

艾匡點點頭，看著他想說什麼：「……你，你副老骨頭都真係幾硬。」

「嗯？」鶴百仙斜瞧過去。

「由喺牢房俾反皇派虐待，到魔鬼山差唔多俾人打甩成副牙，都仲頂到依一刻……」艾匡不由得感嘆，他的生命力是何其強大。

「嘿嘻嘻……」鶴百仙笑而不答。

外面生長茂盛的葉枝，透過窗口伸展至屋內範圍，螞蟻利用這些翠綠植物進出屋子。

和煦的光線被隔絕屋外，兩人待於昏暗的屋內所望出去的世界，是多麼碧綠青翠。

「我一陣落山……會去大本營先，我估姜珒都好快會嚟探我。」艾匡伸手觸摸昨晚刻意弄成的額角傷口，看來經已結焦了。

「女皇，記住唔好露出馬腳……而且你需要一段時間沉澱下……等風頭靜落嚟，再去搵第四張羊皮紙。」

「唔洗你教。」艾匡停止觸摸，另外提問：「除咗琴日你講俾我聽，保管第四張羊皮紙個騎士叫顏澤天，仲有冇事情要特別留意……」

「佢手下據點嘅騎士團，應該都有十人以上，每個都披甲上陣……如果有槍，解決佢哋可以話係不費吹灰之力。」鶴百仙笑一笑，再嘆氣：「但槍權暫時喺反皇派手中，估計佢哋唔會咁順攤交俾你用，你要諗諗辦法……」

艾匡倏地站起，說走就走：「希望我下次過嚟，唔係搵你算帳。」

「我都希望女皇你記住要定期搵人帶糧食俾我，最緊要係水果……」

「你啲牙都甩哂，食咩水果。」

「帶俾我聞下都好啊……」

「唓。」

艾匡帶著昨晚一身碰碰撞撞留下的傷痕，向山下離開重回市區。

離開林中古宅後，艾匡孤獨看著前路，一人身影單薄，耳邊好像缺少朋友的打鬧聲，而漸漸產生朋友熱鬧歡笑談天的幻聽。

可待她一回神過來，聲音就全然消失。

漫漫長路上，唯獨手中的刀劍陪伴。

艾匡抽泣一聲，緊緊的抱住了刀劍。

成為皇的道路上，或許注定是孤獨的。

上山困難下山易，艾匡好快去到大本營外頭，一副虛弱的樣子向鐵門上守衛求救。

「我有冇眼花，係咪艾匡公主！？」大舊十年如一，緊守崗位。

「應該就係啦……」、「真係女皇！」、「佢唔係應該喺艾寶琳咩？」、「呢家艾匡唔係公主，係女皇喇大舊！」、「落去救人先！唔好講咁多廢話！」

縱使大本營議論紛紛，大舊還是第一個下去救人，把艾匡公主抱到醫療室去。

接下來的發展，正如艾匡所料，大本營方面通知了艾寶琳，姜珒當日就帶人前來查看情況，

此前，都有夏晴和少佐看顧著艾匡，給她最基本的治療。

「艾匡女皇，可以講我聽發生咩事？」夏晴像對待孩子，溫柔地問。

「我遇到襲擊……」

「襲擊你嘅係？」

「應該係病爪……」

「但你係一個人出嚟？」

「仲有三個，不過佢哋都……」

「明白。」夏晴輕輕拍她手背。

姜珒帶同幾名幹部到來後，夏晴把事情大概轉告他們，再由姜珒去接觸艾匡。

本來艾匡以為，姜珒會來一輪公式的問候，再對襲擊過程問長問短，然後接自己回艾寶琳去。

沒想到是，姜珒一開門看見艾匡，兩人互相凝視幾秒，眼神流露出急切的姜珒，不由分說的來到病床旁將艾匡抱住。

這個擁抱，卻讓艾匡兩目流出淚水。

「對唔住……艾匡女皇，我無保護好你。」姜珒說話像個姐姐，洋溢著溫暖。

艾匡就這麼抱著姜珒她，真正哭上了一次。

艾匡哭了多久，姜珒就抱她多久。

待鼻水都收乾，艾匡才緩緩開口：「我保護唔到佢哋……」

「你無事就好。」姜珒按著雙膊，直視雙眸。

「但係我……真係好錯……」艾匡低下頭。

「事情都既定咗，就唔好諗落去。」姜珒暗嘆一口氣。

「嗯……」

「你可唔可講我聽，你喺邊到俾病爪襲擊？」

「彩明苑對上嗰座山上面……實際位置，我已經唔記得。」

「山，咁搵得番佢哋機會比較細。」姜珒雙手插腰，懊惱地問：「咁大桔同小柑佢哋，你係親眼睇住佢……」

即使是謊言，艾匡都難以啟齒：「我睇住佢哋，俾病爪殺咗。」

姜珒突然吞喉，好像難以接受事實，而想要反胃。

「咁嗰個保皇派都一樣？」姜珒續問。

「係……」

姜珒捂臉嘆氣，逕自沉思：「我始終想回收番大桔小柑嘅屍體……但係，佢兩個無理由會輸俾病爪，佢哋生存咁多年，都好清楚病爪正面唔會打得贏。」

「……」

「會唔會係中間發生咗咩事？女皇……」姜珒垂下手，慢慢轉身望向艾匡：「佢兩個一定唔會正面迎戰病爪。」

艾匡有想過姜珒會深入細問，但沒想過是會根據兩兄妹的行為邏輯。

「鶴百仙……我哋見到病爪之後，原本都匿得好好哋，但佢突然間大叫吸引病爪注意……所有事情都嚟得太快……」艾匡沒有猶豫太久，不然顯得可疑。

「要我陪你今日返去艾寶琳？」

「我想喺到休息多陣。」

「咁我先留低個幹部喺到，有需要你搵佢。」姜珒轉身行出去，兩秒後又回來，手上多提一壺湯水：「我煲嘅鯇魚湯，對你有益。」

「多……謝。」艾匡接過湯壺，扭開蓋子。

一陣鮮白魚湯的蒸氣，撲上艾匡的臉蛋。

「早日康復。」姜珒摸摸艾匡的頭，然後真的離開了。

艾匡低頭看著誘人的白魚湯，忍不住雙手捧住抬頭大喝，始終一日一夜沒有吃到什麼了。

艾匡喝得很急，失去應有的皇室禮儀：「咕咕咕咕咕……」本來冷著的身子很快變得暖和。

艾匡舔舔嘴角，一口氣喝到渣滓不剩，飽經一夜風霜的心靈，頓時被魚湯治滋。

放下湯壺後，艾匡準備扭好蓋子，卻發現病房窗外，站著個奇怪的人。

他的骨架子高大，跟度身定做的西裝完美相襯，跟頭上所戴的龍頭套相映成趣。

他就站在病房外，一聲不發的凝視艾匡。

艾匡好像想起什麼：「你係……」

龍頭男子見艾匡有下床的舉動，旋即轉往走廊出口方向離開。

「等陣啊！」額頭包住繃帶的艾匡，想要追出病房。

「呯」才剛離開病房，她便撞上前來心理輔導的阿玲。

阿玲馬上扶住她：「艾匡你無事啊嘛？我諗住幫你做個小小嘅測……」

「無事……」艾匡眼裡只有那名西裝男子的背影。

「女皇你唔應該落床，你需要休息，有咩事等我處理。」一位走廊閒站的反皇派幹部史高維，他拉住了艾匡手臂：「姜珒小姐委託咗我睇住你。」

「唔好阻我！」艾匡推開幹部並一路追到梯口，卻發現龍頭男子消失了。

艾匡雙手握住大樓欄杆，將身子伸出去查看地面和周圍，始終不見剛才的人，亦或……可疑的人。

後來的史高維幹部趕上來：「艾匡女皇！到底咩事……」

「嗄……」艾匡愣住，嘆口氣。

「啱啱你見唔見到有個戴住龍型頭套嘅人！？」艾匡想確定自己沒有眼花。

「喔！見到。」史高維點頭。

「你做咩攔住佢……」

「攔……住佢做咩？」

「你唔覺得好奇怪！？」

「喔……戴住鳥嘴面具，著哂黑袍扮瘟疫醫生嘅人我都見過，而且白月草先生都係咁，呢啲人我都見怪不怪。」史高維解釋好像合理，但又好像說不上哪裡正確。

艾匡低著頭，若有所思。

剛才，那不知是直覺還是推測的思緒，讓她聯想起四隻字──

影子菁英。

他們一直都在監視自己嗎？艾匡如此思考著。

「女皇洗唔洗我落去幫你條嗰條友，對方應該走唔遠……」史高維進一步問。

「唔洗……」艾匡瞅他一眼，感到被冒犯：「但點解姜珒會派你嚟睇住我，我無記錯你原本係睇監獄？……我又唔係囚犯。」

「我都唔知點解姜珒小姐指定搵我睇住你，但我相信佢唔係當你犯人嘅，我對你有住十分嘅尊敬！」史高維站得筆直。

究底姜珒有意還是無心，可能只有她本人才得知。

艾匡回到病床後多躺了半天，史高維則坐在走廊椅外無聊發著呆，幻想自己正下棋。

有好幾次艾匡單純想去如廁，史高維都能立馬醒來問長問短，時刻監測著女皇的一舉一動。

受不了私隱被侵犯的艾匡，忍不住命令史高維不要再跟住自己。

「你到底係咪唔洗訓？」

「女皇你係關心我，定係責怪緊我……」

「史生，你係好盡責，但我都需要一啲空間。」

「女皇，即使喺大本營入面，都唔一定係安全，我只係想保障你安全。」

「我都識保護自己，你咁樣我同坐監有咩分別？」

「有，你唔喺監獄，同埋只要你返到艾寶琳，我就唔會睇住你。」

「但艾寶琳咪更加多……」艾匡說到一半，把話吞回肚內：「算，即係無論點，你都會喺我兩米以內？」

「我盡量……俾兩米半距離你。」職位是夾心層的史高維最難辦。

一天好快又過，艾匡本來打算於大本營裝傷一、兩天，就回去艾寶琳中再作打算，包括尋找羊皮紙、送食糧給鶴百仙等，但是龍頭男子突然出現，觸動到艾匡的神經，讓她想要留下來調查影子菁英，即「公子會」一事。

艾匡記得黃佳玉的調查報告上說，公子會起源於大本營的知識份子，那麼這裡多少都應該有些線索可尋。

但想擺脫史高維得想點法子，那傢伙無論什麼時候，都好像不用睡一樣，頂著眼窩看守病房。

艾匡有問過大本營的護士，配藥庫會否有安眠藥，護士回答有，但只能提供給經社工批准可派發的市民。

當下，艾匡想到個小方法。

第二朝早上，給艾匡心理輔導的阿玲再來報到。

「如果要說什麼是世上最煩人的事，那大本營阿玲會是其一。」──M

阿玲作為大愛的社工，在末世前期是不少人的心靈雞湯和導師，但後期人人都習慣後世界的樣子，她就變得空閒起來，有事無事都會職業病發作，找些疑似不開心的居民輔導，什麼婚姻輔導、朋輩輔導、情侶輔導，基本上都由她一人包攬，願望是共建沒有爭鬧和暴力的美好大本營，可說是最執著繼承老賢倖存區核心的人。

「艾匡，琴晚訓得好唔好？」阿玲燦然一笑。

「唔好……」艾匡答。

「諗好多嘢？」

「我都唔知。」艾匡摸著腦袋，一臉疲倦：「有冇咩係可以令我即刻訓到……」

「不如我俾粒糖你？」阿玲從口袋拿出一顆水果糖，糖身黏稠住包裝紙。

「我仲當我係細路……」艾匡一臉無言。

「呃！哈哈哈，你雖然仲高過我，但係你個樣，總係令我覺得你仲係個個小小艾匡。」

「我總係諗到佢哋死嘅畫面……」艾匡語氣沉重。

「你只係需要啲時間，依個世界生生死死，已經變得好平常。」

艾匡抬起頭來，再問一次：「所以，有冇咩可以幫我即刻訓著？」

艾匡畫肚畫出腸了，阿玲才不得已批准她使用一顆安眠藥。

末世後，藥物固然是珍稀品。

但安眠藥等只適用在睡眠上的藥物，相較其他真正治癒身體的藥物來說，價值可謂低一些，至少如果妳真需要吃一顆的話，倖存區仍然會有存貨提供，而決定是否給出的人不是醫生，是較屬心理範疇的社工，通常會給予被病者或惡意倖存者襲擊後，留有陰影而失眠的前線人員服用。

得到一顆安眠藥的艾匡在阿玲注視下，把藥丸拋到嘴中假裝吞下。

「乖！」阿玲給她一個大姆指，結束今天的心理輔導，很有滿足感。

待阿玲離開，艾匡吐出那顆藏在舌頭下的安眠藥，然後偷偷把它磨成粉狀，等到護士送來早點時，把手中的安眠藥粉末倒落熱水，用食指攪拌一下，再拿出去給史高維飲用。

果然，一推開病房的門，本來閉著眼的史高維猛地睜開，長期維持淺睡狀態。

「史生，琴日係我語氣重咗。」艾匡把熱水杯遞他，抿嘴一笑：「辛苦你，成晚無訓，定係你訓咗？唔緊要飲杯水，我驚你口渴。」

「哦……多謝女皇。」受寵若驚的史高維站起來，雙手接過水杯喝掉熱水：「咕咕咕……」

已補琴日文

咁今日呢

都出了

早文祝福

魚湯無試毒
艾匡跟咗M搵食咁耐 都未學精

我覺得嗰個位試毒反而會俾人懷疑，反正反皇派要留艾匡條命，就算落都唔會落到咁重手，反而唔使驚

推