【公子會】《病港ＩＩ》（４６）

推

每日一推

殺曬d人就沒事啦 調乜鬼查
佢大佬真係勁太多皮

開始講大話唔眨眼..

佢冇人幫諗橋 又冇打手
未俾人覆桌之前可以殺得幾多人？

「好熱！」史高維想噴出嘴裡的水。

艾匡及時捂住他的嘴，不讓他吐出來：「唔好整污糟地方地下……」

「嗚嗚嗚──」口腔滾燙的史高維，霎時臉頰紅脹。

舌頭一陣打滾，史高維勉強吞下混合安眠藥粉末的水到肚中。

「女皇，我以為你對我用緊酷刑……」史高維伸出紅腫的舌頭：「我唔想患食道癌，你嬲我唔俾空間你？我都唔想……」

「你唔攰嫁咩，下下咁睇實我。」

史高維苦苦一笑，擦擦嘴角水跡：「哈……攰嫁，但你嘅安全係第一位。」

「你真係唔洗訓先好嘢。」

史高維舉目仰視天花板，像想起什麼往事：「我以前……俾艾康某種方法折磨過……叫做「熬鷹」。」

「即係？」一提到皇兄，艾匡變得認真。

「剝奪睡眠。」史高維嘆出深長的鼻息，訴說那段經歷：「嗰陣我被迫坐喺張老虎凳到，無時無刻俾兩盞大燈照住，只要我想訓覺士兵就會掌摑我、喺我耳朵大叫、無神神拍檯，刺激住我大腦，唔俾我有任何休息嘅意圖……到後嚟用手指強行撐開我眼皮，嗰段日子我可以話係無完整咁訓超過一粒鐘。」

「咁你……」艾匡一時間覺得，這幹部都是個可憐人：「嗰陣有咩感覺？」

「意識好模糊，分唔清現實定幻覺，連飯都唔想食，只係想訓覺訓覺同訓覺……捱咗差唔多一個月，終於有個人嚟救我。」史高維揚起嘴角，眼裡浮出救命恩人的樣子：「係姜副領袖，佢救咗我出去，我幾乎訓咗三日三夜，如果人唔係會餓死渴死，我都唔會想醒……」

難怪無論熊大桔或史高維，都對她如此忠心。

一個人在飽受虐待後，能遇到生命中唯一能拯救自己的對象，真的會成為他世界的神。

正如鶴百仙對待自己，也如自己看待白魂。

「雖然我救得番出嚟，但都留低咗嚴重嘅睡眠障礙……」史高維越說越小聲，眼皮都餘下一線縫：「個腦……經常好似要裂開咁……仲有失眠症、淺睡症，少少事都可以令我醒番……包括你推開門……」

史高維正式睡著。

「史高維。」艾匡喊他名字。

「……」史高維睡得很沉。

「好好訓番覺。」艾匡離開醫療大樓，進行調查。

終於不用被目光注視的艾匡，第一個前去地方是七樓圖書館，直接去少佐房間詢問事情。

「艾匡？」房間內練習揮棒的少佐，有點愣然的看著她：「你搵我有事？身體見點。」

「好好啊，只係有件事想問……」

「隨便。」少佐攤手揚眉。

「你知唔知，大本營曾經存在一個叫「公子會」嘅組織？」

「我哋大本營只係得「第一大本營棒球部」同「第二大本營棒球部」兩個合法組織，除此之外就無其他。」少佐招牌性地拉拉貝雷帽，掩藏視線中的餘光：「艾匡你聽聞有其他組織混入咗大本營？」

「你識邊得一個叫董倫嘅人？」

「董倫……」少佐唸著名字，一段段陳舊的記憶都被翻開：「我記得，佢咁討人厭，但無記錯嘅話……佢好多年前失去下落，傳聞已經死咗。」

奈何現階段中，艾匡無法透露太多訊息：「嗰陣時大本營係唔係有好多知識份子？」

「嗯。」少佐輕輕點頭：「就喺八樓，但佢哋好多已經離開咗大本營。」

「仲有冇人留低？」艾匡想問問當年那些人。

「係有兩、三個，有良知嘅留低咗，如果你想搵佢哋，其中最正常嘅一個應該長期喺天台，因為佢好鐘意觀星，叫方學華。」

「好……唔該你，少佐。」艾匡轉身準備離開。

艾匡離開前，少佐多加一句：「如果你有任何事想調查，我都唔介意同你一齊分析。」

「……嗯。」艾匡點個頭，這就上到大本營天台。

空間寬闊的天台主要放置一個個儲藏雨水的大箱子，唯獨某個角落放置著露營帳篷，艾匡本以為那是方學華的居所，但那裡頭沒有人，更似荒廢一段時間，看來不是。

艾匡多繞幾圈，最終看見少佐口中那位觀星的中年男子，他利用昂貴的望遠鏡，持續觀察天空周圍，完全沒留意艾匡的接近。

「你好。」艾匡一句問候，嚇了方學華一跳。

「哇！」

「嚇到你唔好意思。」

「哈哈哈，唔緊要。」方學華收下慌色，變成和善的笑臉：「小姐你係艾匡女皇？我應該無認錯人……」

「嗯，我嚟搵你只係想問一件事。」

「任何天文學嘅事搵我都合適，只要唔係有關打打鬥鬥，哈哈哈哈哈……」方學華拿出抹布，擦擦鏡頭。

「你知唔知，一個叫「公子會」嘅組織？」

「公子會？無聽過。」方學華想了想，如實交代。

「咁你識唔識董倫依個人？」

說到董倫，方學華臉色變得僵硬：「呢個人……當然識，以前喺大本營，佢幾乎權傾朝野。」

「咁佢身邊有冇咩跟班？」艾匡記得調查文件說，影子菁英就是他身邊的跟班。

「咁佢呢種人實有嘅。」

「有幾多個？」

「我諗嗰陣幾乎成個八樓都係，董倫佢尖酸刻薄，但就係有種魅力令人跟隨佢，因為有佢喺身邊總係唔會悶。」

「咁有冇人係比較特別，明顯係親近啲？」

「你想搵嘅「公子會」係佢成立？」方學華摸著下顎，深入回憶：「講起上嚟，其實我周不時都見到有班年輕才俊跟喺佢身後，但係咪你想搵嘅公子哥兒，我就唔清楚。」

「好……」艾匡有些失望，問不到重要的訊息。

可艾匡正要離去時，方學華突然記起一些事情，讓事情有意想不到的發展。

「啊！女皇，我記得啲嘢。」

「係？」

「我哋八樓嘅人曾經全體影過大合照，或者我可以指出嚟俾你睇，係邊幾個人，依稀都有啲印象。」

艾匡釋懷一笑：「真係嘅！？」

「你跟我嚟。」

如是者，方學華把艾匡帶到八樓，某間前身像俱樂部，現在經已荒廢的課室中，牆上掛著個相架，上面是大本營全體知識份子當時的大合照。

方學華踏上一張沾塵的桌子，小心拿下那相架並拆出照片，跟艾匡一同查看：「嗱，嗰陣係週年晚宴，我哋影嘅相。」

照片中大約五十多人，身穿晚裝禮服面向鏡頭，其中手握金鷹頭拐杖的董倫，就站在眾人最前方。

「呢個就係董倫。」方學華指著戴高帽、穿皮草的董倫。

「我睇得出，咁其他呢？」

方學華努力尋找著：「唔……搵到啦！呢個，仲有依個。」

「仲有呢……」

緊接著，方學華都憑著記憶，給艾匡指明那些的跟班。

最後，他認出了五個人。

「其他我無咩印象，淨係影到依七個，佢哋算係成日係董倫左右嘅跟班。」

艾匡在課室中找來枝乾乾的紅油筆，勉強圈住五人的大頭。

「好……」艾匡拿起照片，點了點頭：「我想拎走幅相。」

「當然可以，反正留喺到都已經無用。」

「但我有冇其他方法，可以知道更多關於佢哋嘅訊息？」嫌疑的影子菁英外貌是有了，但差不多將近十年的時間，一個人的外表可以改變許多，如果有基本訊息會可縮減不少範圍。

「呃唔……我諗係有方法，但唔係幾好。」方學華咬著指甲，猶豫著是否說出。

「可以講我聽？」艾匡一副盼望。

「唔。」方學華閉上眼，給艾匡放話：「嗱，女皇，講明先，我唔係想收受利益、唔係想要賄賂、誘惑之類……」

「想要幾多錢？」艾匡了當地問。

「我都唔需要錢！我只需要一樣嘢……」方學華行前一步，凝視艾匡。

「要……咩……」

「地球儀！」方學華張開雙手，開眉展眼地說：「我想要一個地球儀，之前俾班細路拆咗當波去踢，搞到唔見咗，所以你會唔會搵到一個地球儀俾我！？」

艾匡又是無奈又是好笑，一個單純的大本營人。

「可以啊，呢啲奇怪嘢艾寶琳商業區應該會有得買。」艾匡答應了。

「奇、奇怪嘢？」方學華一愣。

「咳，我意思係指……奇趣嘢。」艾匡怔住，重回正題：「可以講你嘅方法未？」

「你識唔識阿玲？」

「識。」今早才輔導完艾匡。

「佢份人有少少強逼症，每個入嚟大本營生活嘅居民，都曾經俾佢用問卷做過心理分析同一啲調查，可以話係掌管住每個人嘅資料背景，雖然八樓班人已經走咗好多年，但佢應該唔會掉咗啲寶貴嘅居民心理問卷分析，你可以去睇睇……如果佢肯俾你嘅話。」

「但我點知邊份問卷，係屬於董倫嘅跟班？」

「呵呵，呢層就你自己諗下！女皇，期待收到你送俾我嘅禮物。」說罷，方學華離開課室。

獲得新線索的艾匡，轉往阿玲的房間去。

相比其他大本營前線人員，阿玲貢獻看像卑微，但作為大本營元老之一，她在B幢大樓第四層擁有一間心理咨詢室，不時為居民提供心理輔導，但說白點就是私人房間。

站在四樓梯口前的艾匡，眼睛盯著房間的牌號，腦海浮現幾個進去查閱文件的方法。

一，鬼祟地潛行進去。

不可行，房間中窗戶緊閉，門口只有一個。

二，光明正大進去查閱。

難以實行，阿玲表面上是個好好社工，骨子裡卻有著偏執和倔強，重視原則的她不會輕易透露居民敏感資料，特別艾匡現在是一國領主，這樣的行為更加讓人猜疑，嚴重程度跟犯了偷竊國家機密差不多。

三，假裝需要輔導，然後見機行事。

比較可行，但未知因素太多。

決定採用第三個方法的艾匡，猛地左右搖頭改變表情，變至頹喪失落的樣子，再行去敲響心理咨詢室大門。

「喀、喀」

「係！？」阿玲就在裡頭。

「阿玲，我想搵你傾傾……」艾匡說。

「喔……但我仲同一位病人傾緊，艾匡你出面等等？」阿玲答。

艾匡往門縫內看入去：「好，我等你……」

咨詢室的橙色沙發上，坐著個身穿鴨綠風衣中年婦女，她戴著口罩並不時咳嗽，臉色看來憔悴非常，真的比艾匡更需要輔導。

「你仲會唔會夢見自己老公？韓素太太。」剛才被打斷說話的阿玲，續問眼前的病人。

「少咗……咳咳咳……」韓素聲若如蚊，眼光泛露著莫名的哀傷：「有時我會對住空氣講嘢，希望佢會聽到……我知道要走出陰影，但係心入面，都總係有個缺口。」

偷聽偷看著的艾匡心裡忽然被觸動，瞳孔一時間放空。

「我哋每個人都會離開，但有人會走快一步，有人會走慢一步，傷痛係唔可以刻意去忘記……要等時間去磨平。」阿玲身子前傾，輕輕握住韓素的手：「你要做嘅就係搵興趣分下心，咁時間先會過得快，加上你有病喺身，更加要搵樣寄託。」

艾匡無意想起，自己曾經不斷練劍的日子。

不是因為勸奮努力，單純劍是自己和白魂唯一的聯繫

「我個女、咳，令我更加擔心，我知自己事，咳咳……佢日日夜夜幫我去搵藥，我怕佢最後失去我……會變得接受唔到，世上可以令佢上心嘅人唔多，咳咳咳咳咳……但佢到最後都係得番自己一個……」

「唔好咁講，我哋大本營所有兄弟姊妹，都好歡迎韓湘小姐。」阿玲說。

突然，有個人拍拍艾匡膊頭，艾匡嚇得轉身，下意識做出拔刀的姿態，但沒刀在身自然拔了個空，動作如蒙面超人高舉腰帶變身，引得拍膊者嫣然含笑。

「韓湘小姐……」艾匡不見她都快有半年，只見其鵝臉蛋上顯露疲態，是經常熬夜的證明。

韓湘卸下了沉重的軍服，身穿黑色高領衣配搭牛仔褲，整個形象觀感上簡潔有力，不失軍服加身時的氣勢。

「估唔到會喺到遇到你，小女皇。」韓湘抱著手，背靠向欄杆：「你都需要心理輔導？」

「我……」艾匡無端眼泛淚光，聯想到十分可靠的鳥嘴先生：「我……好掛住你哋啊。」

韓湘觀察到艾匡的真情流露，於是上前輕抱安慰：「咩事？」

「我遇到好多敵人……感覺一直都孤軍作戰……」

「你仲有成個反皇派支持你。」

「反皇派……」艾匡張開眼，如梗在喉：「正正就好似係我嘅敵人。」

「懷疑係統治者嘅本性，正常嘅心理狀態，你需要時間去適應。」

「唔係……我真係搵到唔少情報，係關於呢件事。」艾匡覺得韓湘，就如鳥嘴先生一樣可以無條件相信，只因他們都是喜歡獨來獨往的人，不輕易被任何人與事影響正確的思考。

「你粗略咁講下。」

接著艾匡把自己發現「影子菁英」的過程，全數告訴韓湘，當然忽略了自己殺人的事情。

「我明白，即係你懷疑反皇派背後有個幕後組織，係真正決策住所有事情，依家推翻艾康後，佢哋想干涉艾寶琳末來嘅發展……」韓湘簡略地概括事情，然後說出自己感想：「我覺得……如果係港豬嘅話，成件事係真都唔出奇。」

「我好驚艾寶琳會變成佢哋理想中嘅國度，令到成個社會只有無盡嘅壓榨同收割……」

「其實你應該要怕，佢哋會令你出「意外」，再名正言順接替你，令艾寶琳最後嘅象徵都消失。」細心分析的韓湘輕撫眉額，隨後抿嘴一笑：「但你放心，距離依日應該仲係好遙遠，我諗十劃都未有一撇。」

「你咁講完我更加怕……」艾匡疑心再度深化。

「所以你嚟大本營搵心理咨詢，係連艾寶琳入面嘅心理治療師都信唔過？」

艾匡都不怕直說：「我嚟依到係為咗影子菁子嘅線索……可能係重要嘅線索，就放咗喺入面。」

「阿玲就係影子菁英？」韓湘腦裡出現這樣的疑問，但沒有問出口，因為對方前看後看都不像。

「心理咨詢室入面記載住唔少居民嘅資料，我查到影子菁英即係「公子會」嘅起源，就喺大本營……如果拎到居民嘅資料，至少可以逐個對比分析下。」

「唔……」韓湘點點頭。

「但我都唔知一陣點入手……」艾匡看著那對灰黑的門。

韓湘想了想，讓艾匡跟自己暫時進去四樓殘廁。

一會兒後，阿玲打開了門，送韓素出去：「韓素太太，記住！尋求無悔真生活，路漫長也靜候，你唔一定要保持樂觀正面，多啲搵其他事分下心，有時間叫個女帶你行下山？講起又講，佢今日無嚟接你喎，不如我送埋你返去好無？」

「咳咳咳，唔洗麻煩你阿玲姑娘，可能我個女仲喺出面，我自己行返去就得。」韓素笑著說。

「咁你小心喇。」阿玲探頭往走廊左右一望，關門回到房間中：「咦……艾匡又話佢需要心理咨詢……唔見咗人都有嘅。」

四樓走廊回復平靜一段時間後，韓湘帶著艾匡離開殘廁，分別站在門口左右兩側，再輕敲心理咨詢室的門。

「邊個？嚟緊。」阿玲推開門。

「係我啊。」站在右側的艾匡揮揮手。

阿玲視線移向右方，笑向艾匡：「終於嚟啦，仲以為你……」

話未說完，左側的韓湘利用電擊手套，將阿玲一下弄昏，眼前一黑。

「阿玲！阿玲……」艾匡馬上扶她，輕聲呼叫。

「得啦，唔洗扮。」韓湘拍拍艾匡的膊，跨過阿玲身體踏入房間：「佢已經暈咗。」

「喔……」艾匡左望右望，把暈倒的阿玲拖拉到房間中。

韓湘環視房間幾秒後，迅速搜索咨詢室中的所有東西，其目光極為敏銳，完全是一副專業的。

相反，艾匡顯得慢了些，還在翻找第一個櫃子。

「多謝你肯幫我，韓湘小姐。」艾匡無法不道謝。

「小意思，換轉係佢都會幫你。」韓湘說話俐落，不帶半點情感。

找了約莫五、六分鐘，仍然未找到那份居民文件，看來藏得十分隱秘，不在一般眼睛見到的範圍。

「如果阿玲突然醒咗咁點？」艾匡很怕，阿玲會突然睜開眼睛醒來。

聽見艾匡擔憂的韓湘轉身伸掌，多電擊數秒本身已經昏迷的阿玲：「放心未？」

「夠啦，夠啦……」

補上po 250正評

早文祝福

韓湘好果斷，btw墨b生理時鐘係咪又暫時回歸正常？

無國界標準時區

想當年，少佐都比董倫捉過

麥霸時區

我終於出返場

艾匡序章終於算完左

點解會咁肯定觀星嗰個唔係公子會
問得咁直接
如果對方係其中一個成員
咁咪會比佢哋知道艾匡查緊佢哋

想睇艾匡殺港豬

阿玲係Anthony