【公子會】《病港ＩＩ》（４６）

每日一推

想問大貓寺最快幾時會出到市面 好期待墨b繼續出多啲作品比我課金

墨b ig啱啱講話最後校對緊，開心
仲有女童軍制服插畫，正呀

期待今晚水中魚出場

話說墨b，ig story 幅圖個女仔係咪就係小松

希望係齊曬女童軍 最愛阿妤

應該會少啲？畢竟唔係其他女童軍做主角，最多唔同女童軍戲份好似就係「變態佬」定唔知係「死神」嗰本，唔係好記得

幾時先會有離魂記睇

等～寂寞到夜深

等個孫燒比我

等虔誠者

我由2020二月開始睇
到上星期先終於睇完

你好似就出喺本書度喇啵

應該新年前 2月左右

「得咁多資料？」滿嘴果肉的艾匡，兩腮鼓鼓：「會唔會知佢哋住邊。」

「佢哋喺艾寶琳咁多物業，你大可以自己查下，我只係個階下囚，唔係你嘅神仙呵呵……」

艾匡不休息，趁還有半日的白天，想去皇政府機構查查戶籍，要在人數少量的貴族中，找到一戶姓貴的人家應該不困難。

可是，相關部門人員的答覆，卻是讓她可惜。

「女皇唔好意思，我哋都想整理下資料，但係戶籍冊喺奪國戰嗰陣遺失咗，我哋只可以人手重新逐個登記。」

在皇政府機構得不到想要的答案，艾匡唯有到皇室花園上詢問賞花喝茶的貴族。

「你好，我想問下……」艾匡還未說完，兩名洛可可服飾的少婦馬上行禮。

「呵！」她們拉著裙子兩邊微蹲，以誇張的口吻和表情：「女皇你好！你今日依然容光煥發！」

「兩位都十分……」艾匡學習她們虛偽的口吻讚賞：「明豔動人！」

「呵呵呵……」兩位少婦掩嘴輕笑。

「呵……呵……」艾匡毫無感情的呵了兩聲。

「我哋喺到賞花已經賞足八年，估唔到今日終於得到女皇你賞識，你有事想問我哋？呵……」每當提到皇室花園，總會出現這兩名少婦的身影，可謂超級路人甲。

「你哋識唔識姓貴嘅一家？」艾匡直接問。

「當然識。」貴族圈子果然夠小。

「佢哋住喺？」

「呵！」說話前，貴婦都高音呵一聲：「艾寶琳有幾多地產，就有幾多個可能性。」

「即係你哋都唔知……」

「但我哋聽講佢家少爺，去咗商業區到參加某項活動，女皇你可以去睇睇，如果你唔怕你所散發出嘅聖光，太過無比耀眼嘅話……」八卦，是貴族少婦的技能之一。

「麻煩你哋。」艾匡不跟她們打混太久，立即出發去。

臨走前少婦多提醒一點，讓如若女皇下去平民生活區的話，最好更換衣裝出行，可以免掉不少麻煩。

艾匡沒將提醒放心上，一路前往新都城商業區，結果真的惹上不少無謂的目光，諸如各種商業傳銷推廣、擁戴皇室的支持者、宣傳病者共生的教會，總言之就龍蛇混雜，各式各樣的人都存在。

「女皇陛下！請你一定要試試呢款健康產品，能醫百病嘅藥丸──神奇大補丹。」

「女皇萬歲！艾寶琳皇朝萬歲！！」

「病者愛你！大自然應許我哋共生！請寬恕病者！」

艾匡有想過會被人注意到，但沒想到是那麼多人。

耳朵不斷轟炸，身子無間斷推擠，艾匡開始了解到，自己落去一般平民的生活區是多困難，於是快步甩開身後的市民，前去某間女性服裝店隨隨便便購買一件衣服和假髮。

服裝店的鏡子前，艾匡戴上淡金色假髮，穿上件灰色的毛衣，照舊一條長牛仔褲和靴子，霎時間換了第二個人一樣。

「要唔要配埋眼鏡？」一直待在收銀檯前的老闆娘，拿起一副黑框眼鏡：「更加容易掩藏你嘅身份，女皇。」

「呃。」艾匡透過鏡子的反射，看著身後的老闆娘。

知趣的老闆娘笑一笑：「副眼鏡無鏡片。」

艾匡轉身接過黑框眼鏡並把它戴上，再湊近鏡前好好打量一眼，由個一個乖巧善良的女皇，變成個氣質文靜的大學生，艾匡差點都認不得自己。

「只係戴個假髮同眼鏡，就咁大分別……」艾匡輕輕一托眼鏡框，覺得很不可思議。

「你個假髮可以再戴好啲。」老闆娘終於行出收銀檯，行至艾匡背後為她梳理假髮：「當我好奇，女皇你嚟商業區做咩？」

「噫……」艾匡一時想不到借口。

「係嚟偷偷拍拖？」老闆娘續問。

「嗯……你就當係。」艾匡借花敬佛。

「噢哈哈，咁希望你約會順利。」

經老闆娘精心打扮後，艾匡腕上多綁條手繩，有種淡淡的清新。

「你咁出去實無人認到你。」老闆娘把艾匡推到門口去。

「總共幾多錢？」

「唔洗收你錢，你嚟我鋪頭，係我榮幸女皇。」

艾匡閉住眼睛行出店外，本來想著有什麼人潮騷動的話，便折返回皇室區再算，可是竟然沒人察覺到女皇就在身邊。她一雙明眸張望環視周圍的世界，發現擺脫長久以來聚焦自己身上的目光，得到不被注視的自由，可以好好觀看閒逛人來人往的商業區一次。

不曾探索商業區的艾匡像來到奇妙世界，各種有趣的玩意，無論是實用性、娛樂性還是毫無用性都一應俱全，不同類型的商品都有所販賣，重點是熱鬧非常，彷彿融入了社會群體的一份子，讓她極為自在。

艾匡嘗試很多平常不會做的事情，去琴行胡亂彈奏結他、去燒烤店吃一串辛辣的魚卜、去性用品店參觀幾秒、有去籃球機投射幾個籃球，對她來說商業區就像個花花世界，幾乎忘了自己主要任務，是找到第三張羊皮紙。

要不是經過一戶店家，裡面老闆談論起交租給貴家的事情，艾匡可能都不會回過神來。

「太得意忘形，差啲唔記得搵貴家嘅事……」艾匡捂住臉頰。

重整思緒的艾匡到訪每間店舖詢問店主一次，由於貴家兒子行事高調的作風，每個見到他的市民，都會給外表斯文的艾匡提供情報。

一路上，艾匡追尋到商業區三期的咖啡店。

「就係依到……」

艾匡沒急著進門，而是稍為整理一下儀容，再以從容自然的姿態推門進去，畢竟能在咖啡店消費多半是中產階層。

「鈴鈴」咖啡店的門鈴被推得輕輕搖晃。

咖啡店內沒預期中多人，僅擺放一張長桌在正中，兩邊分別擺放三張椅子，一邊坐著都是男生，另一邊坐著都是女生。

艾匡全神凝望三名男生的後腦勺，一不留神撞到門口的店員。

「哎、對唔住。」艾匡小聲道歉。

此時，背向門口坐著的一名微胖男子，聽見那帶著歉然的聲音後，緩緩轉頭望向身後，跟艾匡對上了一眼。

兩人好像尋找對方許久，那刻世界彷彿只剩下他倆。

被推的店員站穩後，友善的打量艾匡一眼：「小姐，你係嚟參加Speed dating？」

「我其實單純想嚟飲杯咖啡……」艾匡望一望周圍，開始搞清楚情況：「我無報名可以walk-in？哈哈哈。」

店員卻這麼說：「小姐如果你願意嘅話！我哋可以請你飲杯咖啡，只要你肯參加speed dating。」

艾匡照字面解讀：「快速約會？」這項舊社會聯誼活動，艾匡都是初次聽聞。

「即係我哋中間主辦方，提供一個場所供男女互相快速認識嘅場地，最終目的係希望參加者搵自己心儀伴侶！當然參加者嘅質素經過我哋審合。」店員再打量艾匡一次，目光甚是賞識：「嗯！我認為你十分合適。」

「原來係咁……」艾匡再望去那一桌人，這才了解到為何男女分開一邊坐。

「我哋活動都只係啱啱開始，要參加嘛？」店員小聲偷偷對著艾匡，說：「呢到仲有貴族階層嘅男士！好好把握機會。」

艾匡聽完後笑一笑，為免給店員趕出去，浪費時間等待，唯有選擇參加：「我諗識多少少人，都無壞。」

「哈，我即刻去沖杯咖啡俾你。」店員回到吧檯中。

艾匡行往女生那一邊坐下，其餘幾位女生都是穿著華麗洛可可貴族服裝，跟艾匡一身樸素卻雅靜不同，霎時間成為男生的焦點。

貴華持續凝視住行來的艾匡，內心不斷浮出大量讀白：

「你係邊個？」

「你簡直令我震驚！但點解我今日先發現你……」

「上身毛衣濃濃書卷味，步伐散發住貞德端莊，但下身牛仔褲又顯得你好隨性，你唔似嗰班虛偽嘅貴族，至於微捲嘅金髮都幾大膽……」

「係主修文學系嘅學生？你身上嘅氣質已經出賣咗你。」

「你鐘意睇嘅書會唔會包括哈姆雷特？如果係阿拉伯文版本，我哋就有共同話題。」

「歸根究底都係嗰個問題……你係邊個？」

「你依家坐喺我面前，你想俾我認識，或者你測試緊我。」

「好，我接受。」

誰想到，艾匡單單是由門口行到去座位上，貴華都能想到那麼多的事情。

貴華怔了幾秒，立即伸出手：「你好，我係貴華。」

「你好，我係艾……」艾匡握著他手，差點暴露身份：「Christy。」

艾匡兩眼凝望住貴華，心裡想著：「原來就係佢。」

貴華內心興奮不已：「你好克里斯蒂！你食咗飯未？」

「仲未。」

「唔食？」

「一陣食。」

「食咩？」

「可能係雜菜飯。」

「邊到食？」

「求其一間舖頭……」

「即係邊間？」

艾匡語頓了。

「唔好意思，我係好關心女性，你會覺得我急進，但其實係上進。」

「係……」艾匡發現眼前的傢伙，完全是個奇怪人。

「希望我無令你留下壞印象。」貴華說。

「無啊，都係識個朋友啫。」

感恩墨b
新年唔使再送嘉頓什餅 藍罐曲奇

水中魚

貴華

早文祝福

屌 毒撚一蘭對話圖

然後水中魚就開post話自己係好男人但冇女