【公子會】《病港II》(46)

926 回覆
1063 Like 14 Dislike
2022-01-17 15:50:35
真,幾時先到翻m
2022-01-17 15:58:49
少少劇透 艾匡條線冇咁快完
2022-01-17 16:07:07
女角色嚟講真係冇乜特別好感
2022-01-17 16:09:45
好掛住M
想睇打病者國度
2022-01-17 17:32:20
白粉女皇

m呀 仲有唔記得邊個好似都知佢high野
算唔算黑材料 洗唔洗肢解埋
2022-01-17 19:25:00
Same
2022-01-17 19:26:23
其實艾匡呢個角色幾寫實 現實咪就係大把呢啲雙重標準左膠
2022-01-17 19:58:01
2022-01-17 20:04:33
寫到個個都鬧佢 其實係墨巴寫得好
2022-01-17 20:42:23
想睇達尼
2022-01-17 21:21:53
文呢
2022-01-17 23:19:20
認真咩 上面罵緊人設唔掂
2022-01-17 23:30:01
視乎呢個係咪墨巴想要嘅效果
2022-01-18 00:19:42
屌,真心好掛住中二m,我病港1都loop左三次,最近呢幾篇真係有d悶
2022-01-18 00:20:51
2022-01-18 00:30:31
up
2022-01-18 01:27:39
2022-01-18 01:35:06
我而家兩三日先睇一次 仲要飛住黎睇
2022-01-18 01:45:26
每日一推
2022-01-18 02:13:52
我都係,究竟發生左咩事
2022-01-18 02:45:07
轉眼間,三人已經回到正常山路,並順著路徑落到松木村下。

「女皇恕我多口問句,你一個士兵都唔帶,走嚟呢啲山野做咩?」熊小柑好奇。

「我只係想……打個獵。」遇上黃伯後的事情,是她始料不及的。

「呢啲事情大可以交俾獵戶去做。」熊大桔笑一笑,向女皇拋媚眼自薦:「再唔係搵我,我箭術唔差。」

話口未完,一隻野兔面前跳過,咬食路邊的苜蓿草。

三人彷有共識,霎時平靜下來,以眼神彼此交流。

接著,兩兄妹掏出腿間刀袋的匕首,想往野兔身上擲過去,並以嘴型倒數三聲。

「咻──」誰想到,中間殺出個程咬金。

一枝木箭俐落地射殺野兔,不留一口氣息。

「中獎。」一名男獵戶暗處行出,走去撿起野兔:「唔好意思三位,但隻兔歸我。」

說罷,男獵戶吹著口哨離開。

「啊,真係可惜。」熊小柑收起匕首。

「仲想當係禮物送俾女皇你,睇嚟無辦法。」熊大桔繼續背住艾匡,往山下的松木村進發。

回到松木村中,三人再次巧遇那名搶佔先機的男獵戶,他把野兔賣給村口大腹便便的屠戶,賺了不少艾幣滿足離去。

「喂!靚女。」屠戶向剛進村的他們,招一招手:「有冇興趣賣隻雞俾我!」
2022-01-18 02:45:17
「唔賣,唔好意思。」

「我價錢好公道嫁喎!」

熊大桔背著女皇直接走過,沒有理會到那名屠戶。

兩兄妹在村子找了個風涼水冷的位置,看望艾匡的腳傷之餘,給個機會自己休息。

熊小柑一脫掉黑外套,其姣好的身材馬上顯露,吸引不少純樸的男村民偷瞧,但氣勢太強勁關係,沒一個敢貿然搭訕。

熊大桔從工裝褲的某個口袋中,拿出一塊藍色的肌內效貼布,包裹艾匡扭傷的腳踝。

「呢塊係咩嚟?」艾匡生平以來,第一次見這東西。

「呢塊係肌內效貼布,係避免你重複扭傷。」

「哇……哇啊啊……」艾匡輕輕咬著牙,留意著熊大桔的包紮過程:「細、細力啲。」

「已經好細力。」包紮腳踝後,熊大桔拉下她的褲腳。

熊大桔再伸手到外套口袋,拿出一顆話梅:「女皇,整舊?」

「你咁多法寶嘅。」艾匡把話梅拋到口中細嚼。

「我哋成日都喺區外活動,個袋係會帶得多嘢少少。」熊大桔繼續保持警戒,環視周圍。

熊小柑突然有感而發:「如果我哋退休之後,喺松木村渡假過埋餘生嘅話,都咪話唔嘆。」松和村春和景明,不少艾寶琳人都有這種想法。

「山清水秀,的確係幾好嘅,我都想喺到退休。」熊大桔一句說話,打消她的念頭:「但仲有排我哋做。」

「我哋救咗女皇,女皇要喺到整間渡假屋俾我哋住下有咩難度,嘻哈哈哈。」熊小柑說笑。

「呢個係我哋責任,唔應該求回報。」

「都係講下笑,你份人咁唔講得笑。」

「哦?咁你加句講笑,我先知你講緊笑……」

「加咗仲邊好笑啊。」
2022-01-18 02:45:27
「雖然加唔加,我都唔覺得好笑。」

「有時講笑唔係真係要你笑。」

兩兄妹無聊地爭執。

「嚟緊你哋反皇派,仲有咩要忙?」艾匡嘗試打探一下。

「倖存區入面嘅保皇派,基本上都搵哂出嚟,淨低區外仲有一隊保皇派餘黨逃亡緊,但好難搵到佢哋……即使拷問咗好多監獄入面嘅保皇派。」熊大桔捏住拳頭,臉上有種說不出的恨:「我去買啲嘢食俾你哋,兩位要咩?」

「我要份蛇肉串。」熊小柑說。

「同你一樣。」艾匡沒什麼主意。

「好……」

約莫半個小時後,熊大桔帶著三串油炸蛇肉串回來,樣子看上去像燒鰻魚,吃上去口感挺筋道,滿滿的膠原蛋白。

待體力稍為恢復,熊大桔繼續背著艾匡回去艾寶琳倖存區,途中遇見的普通病者都由其妹處理,她一把匕首便足以走天下,殺了大耳、病嘴、病翼等不同類型的品種。

兩名熊姓幹部一路送到叠翠軒,才讓艾匡落地一拐一拐的行,然後先行離開,去向姜珒回報任務。

橋前守候一個晚上的星宇,見到女皇回來便馬上迎接,但艾匡沒跟他噓寒問暖什麼的,一來便問聚餐準備成怎樣。

「星宇,要你擔心唔好意思,餐飯搞成點?」

「女皇你平安歸來就好,場地已經準備妥當,蔬菜類嘅食材都準備好,好彩桑果先生早前送咗批新鮮水果嚟,大廚話我哋可以做到一場豐盛嘅果宴。」星宇完整交代。

「但肉始終係主角。」艾匡拿起那隻母雞。
2022-01-18 02:45:37
「艾匡女皇你真係了得,一個皇室獵戶要搵隻雞,可能都要用上成個星期時間,但你居然一日就狩獵到返嚟……」星宇接過母雞,甚是感嘆。

艾匡有些難為情,始終母雞是從黃伯家偷來的。

「我會安排大廚,好好妥善處理呢隻雞。」星宇說。

「咁仲有冇咩要準備?」

「女皇陛下你嘅衣著,似乎買個件比較好。」星宇指出。

「我間房嗰啲唔得?」

「你嗰陣仲係公主,都係一啲公主服,但你依家係女皇陛下。」星宇微微一笑。

「都係……我仲未有件女皇服。」

「可惜係皇室嘅裁縫人員,一早喺戰亂嗰陣意外身亡,女皇我推薦你到揀民間嘅裁縫,有一間深受貴族歡迎……」

「瓦禮小姐?」艾匡聯想到。

「艾匡女皇真係聰明。」星宇總是改不了呵護艾匡的口吻。

如是者,艾匡又請瓦禮到叠翠軒一趟,讓她記錄好三圍,並用兩天的時間製作好一件女皇服裝。

雖然有些趕頭趕命,但瓦禮還是發揮出超水準,成功做出一件不失禮的皇室正式服裝,並在宴席當天的早上送到艾匡手上。

放有女皇服裝的盒子裡,放著一封瓦禮寫的信件,艾匡未穿上前先讀讀信件,大致內容是說,服裝尚未達完美的標準,希望來日會再有機會,給女皇做一件新的衣服。

一切準備就緒,只欠客人就座。

紅日西墜,晚霞的絢彩燒燃半個天空。

貴華整理著紅色的蝴蝶領帶,準備以最好的面目視人,他身後是向來足不出戶的父母,即使商業區租金也是依靠兒子代收,所以經常發生派錢事件。

「爸爸媽咪,我突然間諗到個生意!」即使是行路中途,貴華進水的生意頭腦還是源源不絕:「我想成立一間拳擊合法化嘅比賽舉辦機構,或者我一陣可以同女皇商討下。」

貴華的父母親沒有回答,因為他們知道兒子即將有個重任。

「三位肯定係女皇尊貴嘅客人,貴氏一家。」星宇迎接三人。

「餐飲應該係免費?都係多口問句。」貴父問。

「係。」星宇回應。

「有冇話限時?」貴母問。

「絕對無,可以慢慢食。」

「咁就好。」貴父母兩人寬懷一笑。

貴華小聲偷偷的說:「呢位管家唔好介意,我父母有少少庹縮。」

星宇笑而不答,帶著三人進去宴席中。
2022-01-18 02:45:56
宴席廳中擺放一張長長餐桌,檯面上擺放白色的長蠟燭,燃亮著幽黃的火光,一團團紅白玫瑰給單調的桌子點綴,形成一種高貴典雅的氛圍,讓人賞心悅目。

縱使氣派沒以前皇宮那般奢華,皇室管家星宇都已經力臻完美。

「女皇,客人已經到。」星宇為兩三位客人,分別指示座位。

父親坐在女皇右面,母親坐在女皇左面,至於兒子貴華則坐在餐桌一端,跟女皇成一頭一尾。

「喂……管家,有冇搞錯咗?」貴華愕然,自己座位就像被流放孤島:「我坐到咁遠好似完全唔關事咁。」

「座位係女皇編排,你無權要求更換座位。」星宇保持禮貌說明。

事實上艾匡這麼編排座位,是有心不讓貴華聽見關於羊皮紙的事。

「見到你係我嘅榮幸,女皇。」兩位父母雖然不常交際,卻不是什麼社交怪人,他們都有應有禮儀。

「貴德先生,林瑰麗夫人,兩位請坐。」艾匡溫文一笑。

「可以成為女皇第一位受邀請嘅客人,我真係倍感光榮。」林夫人一手按住胸口,無意展示出漂亮的戒指珠寶。

「首先多謝你哋咁多年嚟,一直對艾寶琳嘅努力。」艾匡給予兩人肯定。

「作為貴族之一,係我哋本份。」貴德語氣謙厚。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞