【公子會】《病港II》(46)

926 回覆
1063 Like 14 Dislike
2022-01-24 23:04:08
2022-01-24 23:12:04
2022-01-24 23:23:56
有文
2022-01-24 23:59:47
正似女皇唔似公主
2022-01-25 00:32:43
呢排冇認真睇,其實佢殺呢兩條友係為乜
2022-01-25 00:55:04
放人走
2022-01-25 01:38:40
發現反皇派有陰謀
想搵保皇派老野幫佢手
所以果兩條友一定要死
2022-01-25 05:52:15
恭喜艾匡公主成長為女皇
以後係敵人就要果斷斬殺 唔好心軟
2022-01-25 07:24:19
艾匡篇希望就咁告一段落
睇小六都好過睇艾匡
2022-01-25 07:40:11
喺港島艾匡班fd死哂佢都有特登去報仇啦

返到嚟知道原來反皇派當佢係一隻棋 又係有班人係背後操控想推動仆街嘢

咁呢個都唔係艾匡想要嘅艾寶琳 佢咪寧願自己話返事用自己方法解決 大家都係想睇佢有所成長姐 好似上面咁講左膠又屌 依家黑化又屌

佢暫時用牛皮紙搵返之前唔見嘅國庫同埋用職位換修建皇宮都成功㗎

佢意識到自己身邊冇人幫手 死老嘢對佢嚟講好重要 咁咪要咁做

我反而覺得講港豬背後原來係仆街呢個轉折仲奇怪
2022-01-25 07:51:33
你上帝視角咁睇咪係囉
但艾匡視角睇係所有野都聽人講 人講就係
2022-01-25 08:22:20
其實佢死左完左仲好
呢條女對提起故事吸引度沒咩幫助
2022-01-25 08:29:01
艾匡四處搜索的電筒光源,最終照見了熊小柑!摔得全身扭曲的她,屍體被某種黏稠的分泌物固定豎立於屍山頂端。

可以certify了
2022-01-25 12:43:19
「呯、呯、呯、呯、呯」

回到鶴百仙那兒,驚見他舉著石頭一上一落的敲,不斷敲打屍體頭部:「虐……待我……報應!報應!」

全身濕透的艾匡渾身微微顫抖,可不是外界冰冷的雨水所致,而是發自內心產生的慍怒。

「停手!」艾匡拔出刀劍,指著他脖子。

「呃噫……呃呃噫……」鶴百仙高舉雙手,一臉無辜的放下石頭:「女皇佢只係……」

「人都死咗,俾返啲尊重佢!」艾匡嚴明責罵。

「我……我為自己剛才無禮嘅行為致歉……」鶴百仙雙手捂胸,由衷道歉。

「幫手掘個洞。」艾匡把刀劍插到泥土上,蹲下雙手挖掘。

「咁……個女仔呢?」

「佢已經……」艾匡回想那個病爪洞穴,若有所思的說:「唔會再有人搵到佢。」

鶴百仙稍為挖掘一陣子,十指便夾雜血液,不其然提出另一種方法:「我哋其實踢佢落山……扔落佢海就得,埋葬太哂力氣。」

「埋葬,純粹係出於對死者嘅尊重。」
2022-01-25 12:43:29
「嗯……」鶴百仙點個頭,照做便是:「咁女皇你會用咩藉口返去?」

「就話俾病爪襲擊,你同兩個幹部為咗保護我都不幸身亡。」

「好……原本我仲諗住你可以嫁禍俾其他反皇派嘅人,但諗落去太高難度。」鶴百仙同意說法。

艾匡突然雙手停下,盯住面前的鶴百仙:「之後……就係我哋講好咗嘅第四張羊皮紙,喺邊個手上?」

看著艾匡那冷淡無情的眼神,鶴百仙爽快說出羊皮紙下落:「喺一班流亡嘅騎士手中。」

「繼續講。」

「騎士團副官指揮官顏澤天,君釗旗下嘅左右手,奪國戰發生嗰陣……」鶴百仙都停下,抬高頭回憶:「佢哋喺外面嘅戰略據點駐紮緊……」

「即係倖存區外面?」

「無錯……佢哋已經有家歸不得,成為咗一班流亡騎士,你可以去據點搵搵佢哋……」鶴百仙豎出食指,謹慎提醒:「但記住!佢哋唔係桑果可以輕易威脅、唔係貴家可以收買,亦唔係我好似咁好人免費俾你……佢哋係一班著住笨重盔甲,只係識愚忠於受封佢嘅上一代國王,即係你阿哥。」

「咁你覺得佢哋會聽新君主命令?」
2022-01-25 12:43:45
「如果係服女皇你,一早返咗艾寶琳投降,呢班武官睇怕只可以……要用武力折服。」

「咁應該唔係問題……」

「你好似仲未講佢哋區外據點位置。」

「女皇你都未帶我去嗰間屋……」鶴百仙神情有些猶豫,可能是怕自己成為棄子。

艾匡盯著他,不說一句話。

鶴百仙渾身不自在,最終嘆出口晦氣,說出騎士位置:「清水灣半島……嗰到可以監測哂康城倖存區、聯合倖存區仲有大本營三個地方……去到你應該會有發現。」

「我之前去訪過康城,經過咗清水灣半島,點解我會無發覺?」艾匡皺緊眉頭,質疑鶴百仙說話真實性。

「女皇你……」鶴百仙呆若木雞,語氣帶點慌張:「你認為我欺騙你?」

「我因為依件事,做咗好多違背良心嘅事情……」艾匡垂著頭,分不清滴下的是雨水還是淚水:「你真係唔好呃我。」

「我、我、我鶴百仙發誓……」他舉出三隻手指,當著天地發誓:「如果有半句假話,半夜訓覺就俾人亂刀斬死!」

「轟隆──」一道雷電閃過天空。

屍體事情處理完畢,艾匡和鶴百仙並肩下山,可是無法辨別方位,加上樹林不時傳來病者叫囂緣故,兩人繞了不少的路,最後竟在一條隱秘的小路中,發現一幢林中古宅。

像具有歷史的古宅兩層高,外牆深色的設計與森林自然融合,加上離正常路徑偏僻,一般常人不會來到古宅前頭。

「嗄……嗄……」披了半晚雨的鶴百仙,面色蒼白而僵硬。

艾匡怕他老人家淋雨病倒,自己體力都所餘無幾,最終決定進入古宅中,暫避風雨。

因為虛門半開,艾匡毫不客氣開門進去,並以手中的劍指路,慎防遇到不明來歷的危險。

鶴百仙畏畏縮縮躲在艾匡身後,口中喃喃唸著:「睇落唔似有人住……」

古宅內部一團糟,骯髒、凌亂、殘破,三組詞語足以總結屋子環境。

艾匡上下層每個地方都查看一遍,確定沒有病者和人類居住後,鶴百仙第一時間坐到客廳的老人搖椅上,讓彎跪多時腰骨舒適。

因為古宅牆窗有些破漏的關係,外面淅淅瀝瀝的風雨聲能夠傳入屋內,當然是少不了病者詭異的笑聲,時近時遠讓人無法真正安心。

「啪──啪──啪──」大門鎖頭壞掉關係,木門不受控的受風勢影響,像鬧鬼般開開合合。

艾匡不想休息中途需提劍戰鬥,把客廳豎立式的古老大鐘,推到門口擋住入口。

屋子裡休息期間,艾匡經常半睡半醒,因為每當屋外有病者經過,總會傳出踩踏花草的細碎聲音,閃電偶然照亮天空時,亦會反射病者的影子到屋內。

整晚無法安眠的艾匡,十分羨慕能在搖椅上安眠入睡的鶴百仙。

每當閉上眼睛,艾匡都會回想起害死熊氏兄妹的畫面。

為了分一分心,便在古宅參觀起來。

在上層的主人房看了會,艾匡發現屋子主人應該是個科學家,因為書櫃放的都是化學書本。

古宅看來曾經有過一場大戰,艾匡在牆身摸到不少子彈孔,可能是被人入侵時屋主本人持槍反擊,或是反過來被持槍入侵,但真相誰知道呢?

主人房內有個黑色夾萬緊緊封閉,密碼六位數共一百萬個組合,或許裡頭的秘密注定永遠封藏。

艾匡無聊試了幾個密碼,當然是不打開,但作用跟數綿羊差不多,試多好幾十遍後,她就不禁打了個呵欠,再嘗試十次,便自動自覺躺到床上去。
2022-01-25 12:44:49
中午出文
2022-01-25 13:00:39
嘩,咩事呀!係唔係俄羅斯開咗火?
2022-01-25 13:01:10
退
2022-01-25 13:11:52
有文
2022-01-25 13:12:42
連登讀者表示 我都覺得唔係話差到咁 雖然我都中意睇M條線多d
2022-01-25 13:15:22
黑化咗=雙標仆街死左膠
2022-01-25 13:17:12
係咪余博士間屋
2022-01-25 13:23:50
午文?
2022-01-25 13:27:18
真早文
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞