1063 Like
14 Dislike
椒鹽蝦米
2022-01-28 23:37:07
有文
寂寞的都市人
2022-01-28 23:52:04
江東小霸王
2022-01-29 00:10:46
其實艾匡個行動都真係有d蠢
完全無危機意識佢都係公子會既人
佢唔信少佐都合理 佢地未熟到咁
但好彩佢依家遇到湘b幫佢
小松
2022-01-29 01:02:00
即刻好睇左
沙治·羅拔圖
2022-01-29 02:05:00
跟董倫嘅人應該喺大本營俾人打柒嘅時候跟左董倫去不良人
推理返 所以留得低喺大本營嘅人都係好人
33X西灣河特快
2022-01-29 02:14:29
弟壹圓恥
2022-01-29 03:33:57
但係既然董倫都出曬名咁聰明
應該諗到對方留低一兩個自己人做間諜都唔出奇
萬言
2022-01-29 08:49:05
好掛住韓湘
椒鹽蝦米
2022-01-29 08:56:35
推
只愛魚同美
2022-01-29 11:11:41
用咗四日 終於清哂上年7月到而家live嘅文
好滿足 但隻眼好攰
在空中聽風
2022-01-29 11:23:34
夜行傘
2022-01-29 18:18:00
每日一推
關唔關我事啊
2022-01-29 20:25:21
艾匡做一樣野:(十萬種內心戲)
韓湘:暈左啦 唔洗扮 𠳕野啦
墨說
2022-01-29 21:08:30
小小一個房間找了將近十分鐘,二人終於有所發現。
一個厚厚的檔案被放到銀白色的文件櫃底層中,韓湘一拿上手打開查看便中了大獎。
「喺到。」韓湘飛快掀開這百幾頁紙。
每一頁,都代表著一名大本營居民的資料。
與其說是心理測驗,倒不如說是背景調查更為合適。
居民的基本資料,大致上都會記錄到裡頭,即使不是對方說的,阿玲都會親自觀察、跟蹤、調查對方日常的舉動,包括興趣和嗜好等,例如韓湘正查看的那一頁,是個名為「阿寶」的居民。」
居民資料:
姓名:阿寶
性別:男
加入大本營年齡:十歲
末世前職業:學生
學歷:小學
背景:被搜索隊救援,帶到大本營中
興趣:吃東西、看圖書
嗜好:咬手指
其他:擁有六指症
心理評估:
危險等級:安全
社工評語:缺乏自信的小男孩,經常被欺凌,需要給予正面導向
幸好的是,大本營居民僅有上百人,眼明手快點的話,相信會找到相關的人物。
但韓湘拿上檔案後,就沒有交給艾匡的打算,獨一人跪在文件櫃前不停翻掀檔案,像有個自己都想知道的對象。
可是掀到最後,都找不到那個人。
「無佢資料嘅……」韓湘呆住。
「……韓湘小姐你搵緊邊個?」艾匡慢慢的從她手裡,接過厚厚的居民檔案。
韓湘深深呼吸一口,重新翻找整個房間,艾匡則忙著查閱每名居民的資料,抽出其中最可疑的。
「韓湘小姐你仲搵緊咩?」聽到門櫃拉來拉開的聲音,艾匡不禁一問。
「呢堆資料唔係全部,肯定仲有另一份。」韓湘說。
墨說
2022-01-29 21:09:24
「點解你咁肯定嘅?」
「因為無M嘅資料。」
「鳥嘴先生行事咁隱秘,會唔會有機會係阿玲無記錄落去……」
「無可能,呢個阿玲以前成日跟蹤佢,點會無記錄到。」韓湘仍然記得M在長洲時,他給自己說的大長篇故事。
看著一臉認真的韓湘,艾匡不禁佩服起來。
最終,皇天不負有心人,竟然真的給韓湘尋找到另一份記錄居民資料的檔案,但那份檔案叫作「危險人物」,裡面只有十個左右的居民資料。
「會唔會係呢份……」
韓湘迫不及待打開檔案文件,想要認識更多關於M的事情,即使是那麼微不足道。
掀開封面皮後,迎面而來的第一頁就瞬間讓韓湘高興得紅了眼眶,後來忍不住破涕而笑。
危險人物資料:
姓名:M
性別:男
加入大本營年齡:約二十六歲
末世前職業:不詳
學歷:不詳
背景:原為外面生活一年的孤狼,被少佐和夏晴帶來加入
興趣:不詳
嗜好:不詳
其他:不詳
心理評估:
危險等級:危險
社工評語:神神秘秘的傢伙,喜歡獨自行事,懷疑有隱性中二病、反社會人格、偷竊癖、殺害老賢的兇手……賤人!
雖然檔案諸多項目上,都寫上「不詳」兩字,但韓湘卻把它視為珍寶,凝視良久。
「艾匡,佢應該就快醒,兩份檔案你交俾我先,一陣上去天台你會見個帳篷,我會喺嗰到,到時再慢慢抽絲剝繭。」韓湘拿去另一份居民檔案,帶著離開心理咨詢室:「佢醒之前,你將呢到還原,然後等佢醒番,搵個藉口話佢突然暈咗。」
「係!」艾匡點頭。
「係咁。」
墨說
2022-01-29 21:09:56
有韓湘在場和指導,調查可說是事半功倍。
艾匡快快還原房間,然後將阿玲抱到沙發上,默默靜候她的醒來。
二十分鐘過去,阿玲手指微微郁動,終於轉醒。
「呃……我……咩事……」阿玲頭腦一片空白,摸摸自己腦勺:「點解好似突然斷片咁……」
「你醒啦!」影后艾匡上線。
「艾匡?啊,我啱啱好似望住你,然後突然間就……」阿玲打量全身,一陣愕然:「好似有股能量湧入我身,將我完全麻痺……最後眼前一黑。」
「你啱啱無啦啦暈咗,我仲諗緊洗唔洗幫你搵醫生……」艾匡說。
「我係咪有咩隱性疾病……我個頭仲係好脹,個身仲係好麻。」阿玲久久未有起身。
「阿玲不如你繼續休息下,我第日再搵你咨詢。」
「……好啊好啊,唔好意思啊。」阿玲閉上眼睛,繼續休息:「啊……真係死啦……」
收拾攤子後的艾匡回到天台,前往韓湘約定的位置。
露營帳篷中,韓湘正在裡頭細心查閱文件:「搞掂?」
「嗯,搞掂,佢唔會懷疑。」艾匡彎腰進到帳篷內。
「一齊睇下,呢份叫「危險人物」嘅檔案,可能會有你想要嘅資料……」韓湘放在正中,跟艾匡一同觀看。
DR.D和董倫兩人不出所料,一同出現在檔案之內,之後還有些資料普普通通的居民,沒有什麼特別地方。
直至掀至中間某一頁,某個人的資料,艾匡看得呆住了。
只因,那個人被記錄的嗜好為抽雪茄,學歷為牛津大學心理學一級榮譽畢業,末世前任職國際大型企業。
社工評語:怎麼看都是一表人才,雖然眼神清澈,能夠容易欺騙他人,但十句說話中夾雜五句謊言,心理狀態極難捉摸,無時無刻隱藏自身想法,刻意嘲笑測驗問題創作者,而且煙癮極大,渾身煙味
「佢嘅背景幾乎同港豬一致……我喺病港咁耐,都只係見過一個人會食雪茄。」韓湘說。
「呢個就係白月草嘅真名……」艾匡凝視其真實的名字,雙手又驚又喜地顫抖:「可以搵日突然叫佢名,測試佢會有咩即時反應……第一下係呃唔到人。」
「真係估佢唔到,唔聲唔聲,原來一直都係M嘅同鄉。」
「韓湘小姐,你係幾時返咗嚟大本營?」
「大約都係一、兩個月前,前排我喺港島區嘅醫院,不斷搵緊隻抗生素……叫四環黴素,即使動用咗唔少王達尼嘅友情牌,成個港島都差唔多搵到盡哂……只係幫到我家人延續多一陣性命,仲未足夠根治……唯有嚟將軍澳區睇下,會唔會可以搵到更多。」
「咁王達尼先生呢?」
「我無特別去理,但個社會似乎重新運作返,將個國家當係企業咁管理,同咗好多基層市民簽員工合約,幾十年綁死喺倖存區做苦工,報酬係基本嘅衣食住行,但低底薪,加班人工會有雙倍,似係激發員工主動加班,所以成日發生超時工作嘅問題……聽聞已經有幾個人做到猝死咗。」
「韓湘小姐你係主要嘅功臣,唔留低唔分一杯羹?」留在港島區,肯定能跟王達尼共富貴。
韓湘低著頭,說出那卑微的願望:「我只係想我家人無事。」
「咁……」
「港豬?」韓湘猜到她想問誰,答:「我唔清楚佢,但佢留喺港島咁耐應該有啲咩打算……始終同佢做過好一段時間盟友,我都唔去猜忌太多。」
韓湘留下居民檔案,供艾匡繼續查閱:「艾匡,你鐘意就將依到當係自己嘅秘密基地,我差唔多時候返去照顧屋企人。」時間過很快,韓湘是時候說再見。
「韓湘小姐如果無你!我都可能真係唔會搵到呢啲線索出嚟……」艾匡衷心感謝。
「唔洗。」韓湘淡淡一笑,步出帳篷。
「不如……你同我一齊,喺身邊繼續輔助我啊?」智囊來說,韓湘比鶴百仙可靠得多。
「我仲要幫屋企人搵藥,唔會再有時間做任何事情。」韓湘一口拒絕。
靈異生物
2022-01-29 21:27:37
早文祝福
靈異生物
2022-01-29 21:28:42
M被評為隱性中二病其實係咪讚緊佢
連貓
2022-01-29 21:41:12
揾嗰隻血乜咪有解藥?話說隻嘢去咗邊
迷迷糊糊
2022-01-29 21:50:27
去咗滿天醫院
牧羊記
2022-01-29 22:37:53
第一局大家嘅期望終於有
牧羊記
2022-01-29 22:40:53
第一部