羽絨／風褸／旅行用品討論[21](Montbell,Patagonia, Rab..etc)

1001 回覆

11 Like 4 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

梁潮偉 2021-11-09 16:15:08

以下係我個人係唔同溫度, 係旅行會着既配搭. 你跟據你自己體質調整.

17度以上- 普通去街笠衫, 普通牛仔褲, Atom LT Hoody

13 - 16度 - 普通去街笠衫, 普通牛仔褲, columbia 薄保暖內衣, Atom LT Hoody

5 - 12度 - 普通去街笠衫, 普通牛仔褲, columbia 薄保暖內衣, Nuclei AR + 薄身手套 + 頸巾

負10 - 5度 - 普通去街笠衫, 普通牛仔褲, Montbell 中厚保暖內衣/Uniqlo 保暖內衣, Kappa Hoody. 薄身保暖內褲. 因為0度以下d 風開始吹得入牛仔褲裡面. 薄身手套/Burton 厚身手套 + 頸巾 + 耳笠

負15度或以下睇極光 - Kappa Hoody, Mizuno 厚手保暖內衣, Sub zero厚身保暖內褲, Montbell 羽絨雪褲, montbell 頭笠, cashmere 頸巾, Burton 厚身手套, 普通去街厚身hoodie, 耳笠, 負20度適用厚襪, 似樣既厚底行山鞋一對.

你可以見到, 其實17度一直到-10度, 我裡面衣着一路都係普通去街笠衫 + 普通牛仔褲. 頂凍全部靠one and only one 外面件羽絨. 我係將所有保暖要求100% 放晒係一件衫到. 我選擇咁著, 係因為無論你去到邊個國家, 室內溫度都係20靚度左右. 普通去街笠衫 + baselayer 係任何國家既室內都實啱溫度. 所以呢個唔用layer 既著法, 係旅行中會方便好多, 入室內除一件就搞掂. 出室外着番就行得. Drawback 當然係唔同季節要有唔同溫度既大褸. 當然, 呢個post 一樣有著layer 既愛好者. 相對上真係彈性好多, 不過就算layer, 都肯定唔係一件Atom LT 內膽就可以香港用到北海道.

舊post :
Post 0 https://lihkg.com/thread/468281/page/1
post 1 https://lihkg.com/thread/480533/page/1
post 2 https://lihkg.com/thread/518173/page/1
post 3 https://lihkg.com/thread/546419/page/1
Post 4 https://lihkg.com/thread/576052/page/1
post 5 https://lih.kg/715579
Post 6 https://lihkg.com/thread/826179
Post 7 https://lihkg.com/thread/889174
Post 8 https://lihkg.com/thread/917152/page/1
Post 9 https://lihkg.com/thread/936246/page/1
post 10 https://lihkg.com/thread/970714/page/1
post 11 https://lihkg.com/thread/1057053/page/1
post 12 https://lihkg.com/thread/1592594
post 13 https://lih.kg/1746123
post 14 https://lihkg.com/thread/1765907/page/1
post 15 https://lihkg.com/thread/1777761/page/1
post 16 https://lihkg.com/thread/1796094/page/1
post 17 https://lihkg.com/thread/1824756/page/1
post 18 https://lihkg.com/thread/1936985/page/1
Post 19 https://lihkg.com/thread/2305344/page/1
post 20 https://lihkg.com/thread/2363900/page/1

梁潮偉 2021-11-09 16:15:49

Arcteryx 既size 係每件都唔同. 一個model 既M size 同另1個model 既M size 可以差好遠好遠. 唔好博, 係香港試身. Trim fit (Atom LT) 試一件, Regular fit 試一件(atom ar 或 beta ar 或 Thorium ar), 厚褸試一件 (Kappa Hoody 或 Fission SV) , 咁你試左trim fit 同regular fit , 就約莫知online 買咩size. 現時呢個post累績無試身買左番黎唔啱著要放番件衫出黎既巴打, 不少於15個巴打. 另外無人會知你想要fit 晒定鬆身着, fit 晒就裡面着唔多多件衫保暖, 但係望落就靚仔d. 預鬆身既就凍起上黎裡面可以加Fleece, 不過就大舊左個人. 無人會知你想點着, 所以問應該買fit size 定大一個size 既問題, 無人會識答. 請注意, ArcteryX Alpha 系列係無手袋, 即係無得插隻手落衫袋. 所以我無推介. 以下係我個人覺得高保暖度既羽絨, 或功能好既Shell jacket, 介紹如下.

Arcteryx Beta SL Jacket 呢件係Shell jacket. Arcteryx 裡面最平價既shell jacket. 只檔風檔雨, 唔保暖架. 100% 防風防水. 件褸 315gram 重 $299 USD (有女裝版)

Arcteryx BETA SL HYBRID JACKET - 件褸350gram重 , 70cm 身長. 只檔風檔雨, 唔保暖架. 100% 防風防水. 呢件好過普通Beta SL 版, 係因為佢博頭位用新料Gore® C-KNIT. 同埋有 Pit zipper. 格肋底有得拉鍊透氣. 對於呢d hardshell 最大問題9成9都係透氣度. 所以我會搵有pit zipper 既款. 我好驚侷住. USD 399 (有女裝版)

Arcteryx ZETA AR JACKET - 件褸425gram重 , 82cm 身長. 係shell jacket 裡面算最長身. 只檔風檔雨, 唔保暖架. 100% 防風防水. 成件都係 3 layer GORE-TEX® with C-KNIT . 應該呢個物料著起上身軟身d 既. 如果你會着短袖Tee 著佢的話, 皮膚接觸到會舒服d, 普通Goretex 料好似砂紙咁. 一樣有 pit zipper 格肋底有得拉鍊透氣. USD 475 (有女裝版)

Arcteryx BETA AR JACKET - 件褸460gram重, 74cm 身長. 只檔風檔雨, 唔保暖架. 用 Goretex Pro 3 layer 既料. 隻料好明顯標榜係耐用. 不過對如普通旅行, 我唔會行到有樹枝勾爛既情況, 我揀呢件原因係因為Goretex Pro 3 layer 係比上面幾件既料透氣. 一樣有pit zipper 格肋底有得拉鍊透氣. 而且仲有Drophood. 即係個帽同條頸個領口位唔係黐埋一齊. 叫做方便d. 同呢件真係主打滑雪用. USD 575 (有女裝版)

Arc'teryx Atom LT Hooded, 初冬天氣用. 有60g 既Coreloft人做羽絨, 12 - 18度適用. 件褸360gram重, $259 USD (有女裝版)

Arc'teryx Atom AR Hooded , 有120g 既Coreloft人做羽絨, 0-12 度用, 日本旅行大部份地區啱用. 不過呢件係無防風. 件褸470gram重, $299 USD (有女裝版)

Arc'teryx Nuclei AR - 係Atom AR 既Windproof 版 [2019年已經無再出]. 有100g 既Coreloft人做羽絨, 100%防風, 冼水, 0-12 度適用. 件褸460gram重, $425 USD. 2019年應該已經無再出. 我自己香港嚴冬係著呢件. 我好奇怪點解無再出, 又防風又夠暖, 又未有kappa hoody 係香港著過熱.

Arc'teryx Kappa Hoody - Nuclei AR 加強版. 有140g 既Coreloft人做羽絨, 負10度 - 10 度適用. 我追極光負15度著佢仍然ok. 100% 防風, 冼水. 件褸735gram重, $425 USD

Arc'teryx OSANNA COAT WOMEN'S - 2018年Kappa Hoody 女裝版. 有140g 既Coreloft人做羽絨, 負10度 - 10 度適用. 100% 防風, 冼水. 我自己都係着男裝版Kappa Hoody 去睇極光. 件褸645gram重, $449 USD

Arc'teryx KODA JACKET - 同Kappa Hoody 差唔多係完全同spec. 最大既分別, 係個look casual d, 同有XS 碼. Kappa Hoody 係無XS 碼. 有140g 既Coreloft人做羽絨. 負10度 - 10 度適用. 100% 防風, 冼水. 件褸720gram重, $449 USD

Arc'teryx Cerium SV Hoody - 850 Fill 羽絨, 負10度 - 10 度適用. 本身係暖過Kappa Hoody, 不過佢無防風亦無冼水, 外層加Shell jacket 應該可以再頂到凍d 都得. 有風的話, 就未必頂到負10度. 件褸415gram重, $525 USD (有女裝版)

Arc'teryx Fission SV Jacket - Arcteryx 全系列唯一又防水又係羽絨. 100% 防風防水. 負10度 - 10 度適用. 件褸890gram重, $689 USD (有女裝版)

Arc'teryx Firebee-AR - 整個Arcteryx系列第二暖, 850 fill羽絨，負15度 - 5 度適用 ,100% 防風, 冼水. 件褸680gram重, $949 USD. 佢係貴絕, 不過日本仔當佢潮樓咁着. (有女裝版) 第一暖係Ceres SV Parka. 應該無機會用得著佢.

實裝圖
---------
Beta LT

Beta LT Women

Fission SV

Kappa Hoody

Firebee Parka

梁潮偉 2021-11-09 16:19:16

想要平d 既選擇? 我推介日系血統 Montbell!!!!!!!

Montbell Permafrost Light Down Parka - 呢件800 fill 羽絨. 件褸 Goretex Windstopper 100% 防風, 冼水. 負5 至 10 度適用, 件褸434gram重, $1980 HKD (有女裝版)

Montbell Permafrost Down Parka - 上面個件 "Light" 既加強版. 日本北海道負10 度 - 10度著都無問題. 800 fill 羽絨. 件褸 Goretex Windstopper 100% 防風, 冼水. 件褸558gram重, $2340 HKD . [不分男女]

Montbell ALPINE LIGHT DOWN PARKA - 800 fill 羽絨, 件褸368gram 重. 同Permafrost light 差唔多一樣, 負2 至 10 度適用. 除左唔係100% 防風, 不過有冼水. 所以價錢只係 $1480 HKD (有女裝版)

Montbell Alpine Down Parka - 上面Light 版既加強版, 一樣 800 fill 不過再厚d. 唔係100% 防風, 不過有冼水. 負5 至 10 度適用. 件褸414gram 重 , $1790 HKD (有女裝版)

Montbell Flat Iron Parka - 人做羽絨 120gram EXCELOFT. 保暖度大約同Arcteryx Atom AR 差不多. 唔係100% 防風, 不過有冼水功能. 0 至 12 度適用. 件褸522gram 重 , 17800 yen

Montbell 3in1 Fall Line Parka - 人做羽絨 EXCELOFT, 不過唔知有幾多gram. 件野分2件, 一件面着, 一件著底. 不過肯定底個件人做羽絨唔會暖得過就咁一件過既羽絨. 3 in 1 主要用途係俾d 行山既, 滑雪既有防風防水既2 件頭. 0- 12 度適用. 件褸739gram 重, $2390 HKD. (有女裝版)

Montbell Storm Cruiser - Montbell 最抵着Goretex 3 layer 全防風防水shell jacket . 絕對抵著過任何Arcteryx 既shell jacket. 只檔風檔雨, 唔保暖架. 100% 防風防水. 重254g. 20800 yen. (有女裝版)

Montbell 各類型羽絨暖度比較圖

梁潮偉 2021-11-09 16:20:35

最接近Atom LT/AR 既選擇, 有以下呢4件

Montbell Thermawrap Parka Men's - 用EXCELOFT人做羽絨, 13 - 18 度適用. 冼水. 件褸304gram重, 15300 yen
https://en.montbell.jp/products/goods/disp.php?product_id=1101559

Patagonia Men's Nano Puff® Hoody - 有60g 既PrimaLoft Gold人做羽絨, 13 - 18 度適用. 冼水. 件褸363gram重, $249 USD
https://www.patagonia.com/product/mens-nano-puff-hoody/84222.html?dwvar_84222_color=ADAB&cgid=mens-jackets-vests

Rab Xenon X Jacket - 人做羽絨 Primaloft Gold 60 gram. 暖過 Arcteryx Atom LT 少少. 件衫343gram 重. 12 - 18度適用. $235 USD

Patagonia Men's Hyper Puff™ Hoody - 有100g HyperDAS 人做羽絨. 約莫係Atom AR 既暖度. 即係 0 - 12 度適用. 防風冼水. 不過物料唔係用Goretex, 係用Pertex Quantum. 件衫重524gram, $USD 299 . (有女裝)

接近Kappa hoody 既有以下選擇

Nanga aurora - 用760fill power 既鴨絨150g. 負10度 - 10 度適用. 防風, 冼水. 件褸650gram重, 日本製. 44000 yen.
https://nanga.jp/product/wear/tops/aurora-down-jacket-2/

Patagonia Men's DAS® Parka - 有133g 既PrimaLoft Gold人做羽絨, 負10度 - 10 度適用. 防風, 冼水. 件褸556gram重, $449 USD
https://www.patagonia.com/product/mens-das-parka/85350.html?dwvar_85350_color=CTRB&cgid=mens-jackets-vests-insulated-synthetic

Patagonia Men's Fitz Roy Down Hoody - 用800 fill power 既真羽絨, 負5度 - 10 度適用. 防風, 冼水. 件褸485gram重, $399 USD
https://www.patagonia.com/product/mens-fitz-roy-down-hoody/85500.html?dwvar_85500_color=SPRB&cgid=mens-jackets-vests-insulated-down

Patagonia Frozen Range 3-in-1 Down Parka - 用700 fill power 既3合1真羽絨連shell jacket, 負10度 - 10 度適用. Goretex 防水料 100%防風, 100%防水. 件褸1600gram重 (極重), $799 USD
https://www.rei.com/product/207926/patagonia-frozen-range-3-in-1-down-parka-mens