見大家講緊,就開咗娛樂至死嚟睇
但可能係時代背景知識不足,有個位唔係好諗得明,想知大家點去理解佢上半部對比印刷品同電報年代入邊講嘅「電報製造大量失去語境嘅資訊」?
作者話電報發明之後加速咗新鮮但瑣碎嘅資訊傳播,令我地接收大量與自己無關而且冇實際作用嘅資訊。佢強調電報時代資訊無法促成我地嘅實際行動,亦會增加我地因無法回應資訊而產生無力感。
比較唔明嘅地方係,因為佢係以印刷品時代做對照,但其實啲人睇完書獲得嘅資訊又係點樣促成佢地嘅行動?
同埋如果話電報增加咗我地日常得到嘅資訊(即使對我地冇實際用途),咁其實只係「知咗,但距離我地太遠/同我地關係唔密切,做唔到嘢」,但對比以前其實係「唔知有件咁嘅事,唔做嘢」,其實大家嘅行動冇變,咁樣知多咗反而係冇咁好咩