[書蟲］你最近睇緊咩書？8

我少睇咁勁嘅書，呢兩本啱一個casual reader?

war and peace應該唔係for casual reader

hi 我終於得閒寫書介啦
今次想講嘅係大名鼎鼎嘅民族主義研究經典、由Benedict Anderson寫嘅《想像的共同體》


話說呢本書喺各地出版嘅情況同埋封面設計都幾有趣，作者題跋嘅時候分析咗一大輪

論點
Anderson首先定義「民族」做「自我設限、有主權嘅想像的共同體」
- 「想像」，係因爲無一個民族嘅成員會識晒所有其他成員；呢點唔係民族獨有嘅特性，基本上比較大嘅羣體都係通過想像建構出嚟嘅
- 「自我設限」，係講緊民族同eg 宗教唔同，民族點都有邊界嘅，唔會話全世界嘅人都可以成爲某個特定民族嘅成員
- 「主權」，就係因爲民族主義誕生嘅時代，正正係 面對宗教多元，加上君權神授理論慢慢失效，人民追求自由嘅年代。

而Anderson喺呢本書嘅目標，係想解釋民族主義思想最初點樣喺特定嘅歷史時空生成，然後慢慢模組化，畀唔同地方嘅人copy-paste

民族主義興起有三大先決條件：
1. 隨住航海大發現、歐洲人接觸不同文化、拉丁文逐漸少人用，人唔再相信只有某種特定語言（拉丁文）先能夠追求真理
2.不再相信君權神授
3.不再相信古往今來盡在天命註定-->人開始有「時間在流動」嘅歷史感

正正因爲呢三項變化，令人要尋求宗教以外新嘅方式，去解釋羣體情感、權力同埋時間

(Chapter 3) 拉丁文嘅衰落，主要係源於印刷術同埋資本主義嘅興起。

一直以嚟，大部分人都淨係識自己嘅母語㗎啫，得少數教會精英識得講拉丁文。印刷術興起之後，爲咗吸引讀者買書，噉啲書自然係用唔同地方嘅母語嚟印刷，再加上宗教改革，就加速咗拉丁文嘅衰落。

印刷資本主義有三個影響：
1.一方面削弱拉丁文主導地位，一方面整合類似嘅方言，令到越來越多人用同一種語言想像出共同嘅社羣。
2.減慢語言變化嘅速度，令到民族呢個羣體嘅歷史睇落去好似好悠久噉
3.令某啲語言種類變成「標準語」，其他種類就淪爲方言

留意呢種歷史趨勢原先係無意嘅發展嚟，後來有啲國家eg 蘇聯、土耳其 會刻意採用呢種做法嚟調控民族主義；正如一開頭所講，民族主義嘅流播，就好似將個template加啲變化然後不斷抄嚟抄去。

嚟到呢度，你會留意到國家嘅疆界 同埋 語言嘅分佈往往都唔一致，點解會噉呢？Anderson就追溯到佢認爲嘅民族主義嘅發源地——唔係歐洲，而係美洲國家嘅歷史。

(chapter 4) Anderson提出咗語言以外另一個塑造民族認同嘅機制：殖民主義下嘅行政調遷以及地區媒體，塑造殖民地人民嘅身份認同。

正如宗教社羣嘅認同感，好多時候係靠成大班信徒一齊聖地巡禮嘅共同經歷嚟維繫
而類似嘅心理，亦都可以喺官員嘅派遣調遷上面搵到

Anderson比較咗歐洲帝國喺本土以及喺美洲殖民地 兩種官員調遷機制嘅差異：
喺歐洲本土， 官員會喺全國唔同地方調嚟調去

喺殖民地，墾殖者後裔（creole）就唔同，佢地因爲出生地乃至種族混血嘅緣故，喺種族主義嘅影響下不被中央政府信任，調遷嘅範圍來來去去都係喺返所屬殖民地嘅，頂盡都係去到殖民地首府。

呢個時候加埋上面講到嘅印刷資本主義，美洲殖民地嘅墾殖者後裔就開始培養出自己身份認同，乃至後來有一連串殖民地獨立革命建立共和國。Anderson覺得呢點重要過 自由主義啓蒙思想帶嚟嘅影響。

Anderson喺chapter 6有提到，蘇格蘭民族主義相對遲出現，主要與人除咗語言同化之外，亦都係因爲蘇格蘭人官位升遷上無受到特別阻礙，所以無培養到自己嘅身份認同

(chapter 5) 源自美洲嘅民族主義思想，連帶佢地嗰套民主共和思想，成套嘢set好晒模組好似盜版軟件噉樣傳返去歐洲

而呢個時候歐洲本身都起咗唔少變化。

首先，歐洲同其他文明古國（印度、中國之類）接觸後，開始意識到可以借鑑其他地方嘅思想改造自己社會；另外，語言學同埋文獻考據學嘅興起，再次削弱拉丁文等經典語言嘅地位，歐洲人意識到唔同語言都有平等價值，無話邊隻神聖啲，自己母語自己救

跟住就有好多學者去研究自己嘅語言、整下字典、寫下文學噉；然後喺印刷資本主義推波助瀾之下，中產階級以及新興嘅工商業資產階級，就係呢啲母語作品嘅主要消費者同時佢地亦都受到 美洲傳嚟嘅共和主義、民族主義影響。

值得留意，喺呢度歐洲同 美洲殖民地就有唔同
美洲就係單一語言嘅殖民地；而歐洲嘅帝國往往都係多語言嘅，尤其是皇室/統治階層用嘅語言往往係少數。

噉班中產覺得國家係屬於講同一種語言嘅人民嘅，所以佢地就開始挑戰皇室嘅統治

(chapter 6) 面對住嚟自民間嘅民族主義挑戰，一向離地、連語言都同普羅大衆脫節嘅皇室統治階層自然都要作出回應啦。

噉佢地就有樣學樣玩民族主義，搞咗套「官方民族主義」(official nationalism)出嚟；德意志帝國皇帝，都要強調自己係德國人嘅皇帝；

同時日本倒幕「尊王」之後，爲咗「攘夷」，就抄德國套民族主義自強。噉Anderson就話因爲日本係島國，無乜國際互動意識，加上當時西方國家殖民主義「教壞」日本，所以日本嘅民族主義就有帝國主義色彩。

然後其他國家例如暹羅（後來嘅泰國）皇室驚中國辛亥革命思想傳入、奧匈帝國等等，又走去copy-paste呢套官方民族主義。

但係因爲帝國嘅疆域，同埋按語言決定嘅民族國家界線，兩者係唔同嘅，所以官方民族主義總係伴隨住語言同化；但係被同化嘅人，又會被帝國腹地嘅民族主義者排擠，無辦法進入「核心嘅內圍」，所以就有後來嘅殖民地獨立。

(chapter 7) 帝國採取嘅官方民族主義，本身亦都影響到 殖民地自己嘅民族主義想像，最重要嘅方式就係教育。
爲咗培養多啲殖民地官僚，二十世紀後嘅殖民地開始提升人民嘅教育水平。
而帝國因爲官方民族主義政策，開始用民族角度詮釋自身歷史，而當佢地灌輸呢套歷史畀殖民地人民嘅時候，就順帶灌輸埋民族主義。呢班學生，好多都係第一代接受殖民教育，佢地上堂嘅內容就係圍繞住殖民地嘅疆界，佢哋嘅同學都係同一個殖民地嘅人，升學都係去殖民地首府嘅大學；於是乎就好似當年美洲班creole噉，呢班雙語知識精英就培養出以殖民地疆域爲想像嘅共同體意識，成爲民族主義先驅，copy-paste歐美嘅民族主義，並且用新嘅科技傳播資訊，令到共同體想像甚至可以跨越語言邊界。

有趣嘅係，「官員升遷」同埋「教育升遷」兩種機制，塑造出嚟嘅共同體意識可以指向唔同疆域；而「官員升遷」嘅影響力係大啲。Andersen就舉咗「印度支那」同埋「交趾支那」地區嘅民族主義想像做例子，指出呢兩種地域想像點解最尾keep唔到落去，而係變成而家嘅中南半島國家——老撾、柬埔寨同越南；對比印尼，點解咁多島嶼都仲keep到一個國家。

大致上Anderson本書就係講呢啲
仲有啲point我無提到，想知就去睇書啦


評價
Anderson舉咗好多歷史例子做論證，好多detail，睇到頭都大埋
建議第一次睇的話速讀（可以用上面嘅大綱做guide）
唔使太focus啲細節位
睇完大致get到講乜，先再睇多次。
我因爲睇一陣又放低噉，睇完第一次其實已經唔記得開頭講咗乜
爲咗打呢篇書評 好快噉擸多次，先至有比較整全嘅了解。

話說假設將香港代入殖民地嘅位置的話，中共叫香港班公務員上中國實習，又叫學生去大灣區讀書，想達到嘅效果就好明顯

不過正如殖民帝國對邊陲帶有戒心，而呢種戒心又會造成離心，究竟中共係咪真係會冒險吸香港啲公務員上去呢，拭目以待

btw btw 正體中文譯本係由臺灣嘅吳叡人教授翻譯
初版係由時報出版（中時佬細創立）
Anderson特別屌鳩時報出版無學術素養，私下容許中國盜版以及喺未經吳叡人嘅同意之下將成個chapter 9鏟走咗（因爲提到某個玻璃心嘅囯家嘅前領導人）。

中時臭名遠播，實非朝夕之功。

Horse, Wheel and Language

有冇人睇過追憶似水年華 À la recherche du temps perdu 小弟睇嚟睇去都讀唔完第一本第一個chapter

打大佬

補充返《想像的共同體》

chapter 6嗰度 Anderson講奧匈帝國點樣copy-paste 官方民族主義
講咗好。撚。耐
如果本身唔熟嗰邊歷史的話，真係睇到一頭霧水（利申本人就係例子）
anyway佢其實係想講下唔同國家 copy-paste 官方民族主義 都有唔同成果
奧匈帝國係失敗例子嚟
Anderson就係想講下佢點失敗

不過對於你理解 成本書整體嘅論點其實無乜影響
所以唔明的話就直接飛啦

求攻略
睇完刺蝟的優雅 The elegance of the hedgehog 見得意先想追嚟睇
但小弟真係代入唔到嗰setting

未睇過

好少睇文學

Lm

ching睇得咁快嘅
呢本書我試咗4次
最多都係睇到chapter 4
最近呢次睇到chapter 2又停咗喇...

你個讀後感我都感同身受

好多細節，又有唔同地方歷史，仲要我對世界史唔太熟，睇完成本淨係記得少少講乜

一路睇巴打個歸納一路就醒翻起，係喎有講過呢啲嘢

呢本已經係Jeffery Archer呢個系列中最精彩果本 佢後面果兩本續集仲爛，如果唔想浪費可以即管啃埋佢，overall唔差的，但完咗呢本就可以收工

家人經歷過文革，佢話睇呢本書就好似睇緊自己嘅前半生

我睇哥陣覺得佢好似好少篇幅去講文革
輕輕帶過

咁的確本書唔係只講文革，係由解放開始，跟住三反五反、全民煉鋼、批鬥地主…. 家人出世果年就係1949年，所以入面講嘅嘢除咗拉壯丁去長征唔關佢事外其他全部都經歷過，佢有親人都係咁樣死的

我覺得好好睇
果陣睇到唔捨得擺低

其實我覺得幾啱，特別pride & prejudice. War and Peace 作者會簡唔耐叉開講下佢對人生睇法，但絕對冇純哲學書咁難睇。
對於Casual （睇英文嘅話）嚟講最難應該係語法同專注力。p&p 啲句子結構會比較難明。而w&p 語言上最難搞係佢有法文同德文嘅對白，但英文嘅語言上我覺得簡單過p&p. W&P最大嘅心理關口係長篇大論
我自己都唔係好hard core睇書，我相信你都應該得

呢本正，我都排緊

睇左Anna Karenina, 家陣返睇緊Les Miserables，對比上本A Tale of Two Cities。 都覺得英譯易讀個英文原著

其實中間拖咗一個月

睇完上面個大綱可以試下再嚟過應該容易啲follow

我第一次睇嗰陣無寫筆記
睇完就知道仆街嘞完全唔記得前面講過嘅嘢
然後喇喇臨skim第二次

噉都有個好處
就係唔會見樹不見林

所以我上面嘅建議係第一次速讀，之後翻睇先細讀

歷史細節嗰啲真係唔太記得
佢唔似其他歷史書噉有個時序敘事，而係直接抽某時某地做例子
所以成日睇到如墮入五里霧中

係咪有好多近代歷史的？聽完你地講都好想睇

我會形容為中國近代苦難史。係好好睇的一本書，余華好少用方言，基本上都係流暢的白話，我哋會睇得舒服