[書蟲］你最近睇緊咩書？8

睇左赤字迷思未？呢本書係MMT學者寫，主張政府只要係貨幣發行者，原則上只要控制好通脹，就可以唔駛理赤字而發行貨幣，唔需要收左稅先可以支出

文科jj 睇緊《星海璇璣》，呢本就比較學術小小
之前睇過余海峯嘅《宙》雖然都有啲位睇唔明，但覺得都算幾易入口
推薦比啲對天文有興趣但本身冇底嘅朋友

https://youtu.be/k-MOeKIkvfs

希望幫到你

未 就睇呢本

多謝巴打分享。

我自己策略係儘量減少抄寫的野。
即係唔好咩狗屎垃圾都抄落本筆記度。要有取捨，淨係jot低d精華野同中心思想。
即係本書有d野，令到自己"叮一聲"有啟發。我先會抄低。

eg. 我最近睇緊本書叫how to be a dictator，佢書中可能講幾個獨裁者的故事，睇多一兩個會發覺班友仔的經歷同手段其實都大同小異。
但可能我本身對佢點影嚮普通人/點影嚮教育會比較有興趣。讀到果d位我可能就會jot低多d野。
即係佢點對佢d政敵果d，反而我冇乜興趣。

所以我覺得人人睇同一本書，因為目的唔同，得到的野都會唔同。

我覺得抄notes得閒睇下係一個好的方法。

但我始終覺得，除非你係做學術研究。如果唔係，休閒睇書，如果果件事係對你有用，有啟發性。多數你都會記得。
例如上面曾經有巴打推薦tyranny of merit。我睇完係覺得好正。咁當然，有d重點我有抄低。但我依家都會記得佢重點係講過咩。因為有共鳴，apply到落香港的情況上面。
或者另一個角度係，睇的時候，因為一路睇，一路反思返自己的社會係咪真係如書中所說的情況。所以就會入腦。

所以我覺得睇書，興趣好緊要。睇d冇興趣，relate唔到自己情況的書係好難入腦。
例如我睇d獨裁者。我都會一路睇一路諗，究竟依家中共班撚樣做緊的野，同本書講的野有冇similarity? 有冇嚮起d咩警號?
例如通常獨裁者都會有建立cult of personality，玩個人崇拜。咁我一路睇一路會諗，維尼係咪都係咁

我都係近期先認真諗點樣先可以將書本知識融會貫通，而且唔會睇完一本書就忘記咗八成內容，我覺得樓上位巴打都講得啱，最重要係興趣，有的話已經事半功倍，特別係閱讀係一件好自發的事，而且唔容易的，囫圇吞棗咁睇完本書好多人都得，但香港始終係個太功利的社會，亦唔太重視知識

我都係出左來做野。
差唔多讀完master先有時間睇下自己想睇的野。

同埋我自己個人覺得姐
“記得”其實係比較低層次。講真，依家個個渣住部手機。有咩查唔到。
但係“記得嚮邊度搵到你要的野”又係另一回事。舊時我大學個professor同我地講過，佢話佢自己都唔會記得曬所有野。但重點係，你知自己睇過乜野，唔記得左要嚮邊度搵返。

所以明白知識背後的意義，點樣應用/有咩implication，我覺得更加重要。
同埋，我覺得書都要睇下邊個寫，依家個年代人人都可以出書。我買之前都會睇下作者係乜水先

最近先睇返動物農莊

同埋我好鐘意玩一樣野....
一路睇書，一路幻想下，如果我將作者言論post上連登，班人會有咩反應。
咁大家都知網民係乜尻都會寸。諗諗下，可能又諗到作者言論有機會有咩漏洞 etc.

咁幾好，會有個聯想

同意
我覺得做筆記嘅其中一個好處 就係方便搵返個你日後可能有用嘅論點

檢查作者身份都幾重要，尤其是睇比較學術性嘅書嘅時候

一樣有兩把聲喺腦海度左右互搏

有睇 啾啾鞋 講 《惡血》

唔知大家知唔知邊個YouTubers叫professor pow pow....
佢d片得幾分鐘，90%內容都係content farm搵返來。
有次我唔知行商務，見到佢出書。
嘩......我即刻覺醒檢查作者身份的重要性....

夠多fans買就得

睇緊早幾頁ching講既西藏生死書


推薦project hail mary
今年度最好睇既sci fi

https://news.now.com/home/local/player?newsId=456605&fbclid=IwAR0pVw2xIaObxoUQEaHV_nFRuASoGOGK8lkc8sXpGi9yliHVNqGVi6lHmno

睇下本地書店

Hi各位我又返黎啦
因爲今次睇嘅係中文書，所以你見我睇書嘅速度快咗。

要講嘅係人類學家王柯撰寫嘅《消失的國民：近代中國的「民族」話語與少數民族的國家認同》


係咪睇到個標題都覺得好juicy，實會犯囯安法呢

我最初都係噉以爲，但其實作者立場就比想像中溫和嘅（當然由中共角度睇都係顛覆國家政權啦）
又，如果你係獨派的話，睇呢本書前最好調節下心理預期。

我建議要睇呢本書的話，睇咗最尾「結論」嗰part先，基本上sum up咗全本書嘅論點

我嘅理解係，作者嘅立場係反對任何過分着重中國任一「民族」意識嘅論述。所以佢一方面會批評中國政府以「中華民族」爲名，行「漢民族中心主義」之實；另一方面亦都批評中國政府某啲過分強調以及劃分少數民族身份嘅政策；而佢對於少數民族強調自己身份嘅行動，亦都係傾向審視同懷疑。

佢最尾嘅目標，係希望唔同民族都能夠融入中國社會，成爲平等嘅中國人。所以佢本書成日用嘅例子就係中國福建省嗰班姓丁嘅回民，講佢地點樣將反對祖先崇拜嘅伊斯蘭教信仰，同埋強調祖先崇拜嘅中國宗族文化 二合爲一，發展出同「中國人」身份兼容嘅「回民」身份認同。

同埋你會見到作者好強調西方講嘅“nation state”應該理解做「國民國家」，而唔係「民族國家」用佢自己嘅講法：

通過國民的視點想像共同體時，看中的只是政治文化層次上的同質性，不會去在意（包括突出或否定）一部分成員的、在民俗文化層次上的特性；而通過民族的視點想像共同體時，看重的則是民俗文化層次上的同質性，至少從語意上來看，它並不看重共同體在政治文化的層次上是否具有同質性。也就是說，如果將通過民族的視點想像出來的共同體作爲「國民」，就是通過「民族」的視點去想像一個nation state，這樣就有將部分成員的在民俗文化層次上的特性認定爲全體成員在政治文化層次上形成同質性之基礎的可能。這種情況在一個民族佔絕對優勢的國家中最容易發生。筆者認爲，這也正是近代中國最終沒有無法在平等、公平和公正的基礎上建設一個讓全體國人、即「國民」都能夠共享的政治文化的根本原因，而不同民族之間的不平等和對立就會由此發生。因而通過民族的視點想像出來的nation state，自然難以使受到壓迫的成員對它產生認同。

p 312

大致上本書嘅主旨就係噉，詳情可以去睇下

以下摘錄啲我覺得有趣嘅point：

- 本書有提到「漢奸」呢隻字，最初其實係滿清政府開始用先當時滿清鎮壓西南地區叛亂，噉爲咗強調滿清政府同漢人嘅利益一致，所以就鬧喺西南嗰度有份一齊叛亂嘅漢人，係背叛漢族利益嘅奸細；一直去到清朝末年革命派挪用咗隻字，調轉槍頭，批評幫滿清政府做嘢嘅漢人，先至變成而家理解噉樣。

- 我覺得最好睇係第九章講維吾爾族嘅身份認同，提到烏茲別克族同維吾爾族歷史文化淵源深厚，而烏茲別克族—維吾爾族—哈薩克族三者之間有由高至低嘅排序，所以維吾爾族見到哈薩克獨立嘅時候，會有種「佢都獨立到但係我仲未得？？」嘅心理不平衡狀態 。噉上述固然係一方嘅講法，姑妄聽之；王柯本人有寫過書研究上世紀東突厥斯坦獨立嘅歷史，我覺得佢嘅意見都值得參考嘅。

以下有啲直接批評中囯嘅段落：

反言之，即使在一個實現了工業化的近代的國家中，如果沒有平等、公平和公正的社會流動的可能，就等於沒有形成共享的高級文化，那就同樣不可能出現「政治權力與同質性文化結合爲一」的國民（nation）。而這一思想，正是探討少數民族爲何難以產生對中國的國家認同的本書所想要強調的。

p314

從中可以看到的是，問題的表相雖然是少數民族中對中國的國家認同逐漸消失，問題的根本卻不在少數民族一邊，而是在於漢族社會的「漢族中心主義」，在於以漢族爲中心建立起來的歷代政權沒有能夠將少數民族真正當做「國民」的普通一員，不能建設一個不論民族出身、地域出身、宗教信仰、歷史背景和「階級」（其實是政黨）、「國家」（其實是政權）利益的，讓全體國人甚至外來者也能夠共享的政治文化，這就是平等、公平和公正。

p320

如果不能在民主主義制度之下明確少數民族作爲國民的政治地位，不能建立讓漢族和各個少數民族能夠平等共享的政治文化，不能實現民族間的平等、公正和公平的社會流動，即使也多麼有力的「維穩」政策，也將無法改變少數民族逐漸放棄對中國的國家認同的趨勢。

p321

Btw 王柯之前有幫端傳媒寫過三篇長文，分析中國民族主義點樣起源於日本，值得一睇（有paywall）

https://theinitium.com/article/20210509-opinion-wangke-nationalism-china-japan-1/

https://theinitium.com/article/20210515-opinion-wangke-nationalism-china-japan-2/

https://theinitium.com/article/20210522-opinion-wangke-nationalism-china-japan-3/

開罪與罰 中文版

睇緊My sister’s keeper
未睇過睇戲 但最近有朋友講起所以買咗本書黎睇

而家睇緊《Lectures on Dostoevsky》
感覺唔錯

終於睇完本《莫斯科紳士》，如果對蘇聯有興趣嘅不妨一看，以一個被軟禁嘅沙皇時期貴族做主角，用比較有趣嘅角度寫人係極權時代點保持自我

今日睇咗一半《戰廢品》，趁住呢排長X湖上映，呢本從中共戰俘角度寫嘅韓戰小說真係特別應景

啱啱睇完《恐懼與自由》，係講二戰後世界嘅改變，特別嘅係佢每章都係透過一個人物嘅經歷去帶出要講嘅主題，敍事穿插議論，有啲甚至係作者第一手訪問。就咁睇書名會以為係戰爭結束，人民從恐懼之中解放，走向自由新世界，但其實內容可以話係啱啱相反作者希望我地摒棄對二戰傳統嗰種英雄就係英雄，妖魔就係妖魔，受害者就永遠擁有殉難光環嘅stereotype，佢希望我地唔好再用二元對立嘅眼光看待二戰。而書名所謂嘅「恐懼」同「自由」則係推動唔同國家人民選擇唔同嘅路嘅factor，值得一提嘅係，書中嘅「自由」故事唔一定係左膠式大愛嗰種，亦都有為咗從帝國主義、殖民主義中解放而走向國族主義。整體嚟講，本書談及好多過往未必會注意嘅面向，都算幾好睇。

其實上個月睇咗《烏合之眾》、《反動的修辭》同《娛樂至死》，仲有一本講中國古代性文學叫《重審風月鑒》，但完全唔得閒寫

莫斯科紳士嗰本，如果無蘇聯相關知識就睇，會唔會大打折扣