[書蟲］你最近睇緊咩書？8

想搭單講下別讓我走
你覺得有幾多分
（買咗長日將盡但未睇

細個對睇書冇興趣 大個先嚟睇 淨係識搵出名嚟睇 有冇咩經典或必睇推介 偏向小說類 睇過村上春樹 大部份， 1984 動物農莊 ，余華-活著 都覺得好睇

我淨係睇過呢兩本，等你分享
好中意佢將所有野寫到好subtle，但底下有種想火山爆發但又自欺欺人既感覺

如果你想睇別讓我走嘅話
唔好睇簡介 唔好睇入面咩編輯序同推薦序
直接由正文開始睇 因為呢堆嘢全部都劇透咗佢個核心
我開頭以為佢個核心講出嚟都無乜所謂 正文好快就會揭曉
頂佢原來去到中期先會講 即係前面寫到好故弄玄虛咁但其實讀者一早知咩事
仲有啲位我覺得爭咁啲 但overall係ok嘅

坦白講係有啲失望 早知應該睇長日將盡先

長日將盡遲啲會睇 買咗擺咗喺書櫃度
其實我都唔係導讀中伏 咁買一本書點都會睇下簡介
無諗過佢簡介就直接穿橋咁癲
(btw村上春樹話呢本係佢最鍾意嘅一本書

啲導讀成日爆晒啲核心出黎，穿唔穿橋都覺得好無癮，似讀後感多啲
村上春樹乜q都話佢最中意，又麥田捕手又Great Gatsby作者

有冇師兄睇文科，日日睇journal 同學術書(自己個field)，攪到唔想睇課外野。

仆街打錯字，“讀文科”

課外書同本科肯定隔開
就好似放工都唔想覆公司whatsapp一樣

在終將告別前，學習衰傷

又唔會喎
反而會更加珍惜可以揀自己嘢睇嘅時間

睇既時候係側邊jot notes，睇完之後整理書中既重點同寫低自己既心得感想
通常睇完一排就唔多記得本書既內容，之後提起我會睇翻筆記，喚起當時睇既記憶同感受
睇小說通常會記得與眾不同既劇情發展，特別既寫作技巧，或者激發起個人情緒既情節
非小說類既書會記得作者既觀點，特別係唔同意既見親呢啲我個心谷住谷住好想反駁佢

如果唔係做研究或食嗰行飯，冇話咩必唔必睇
經典既產生同話語權有好大關係，滿足到當時某啲批評家、國家政治、意識形態等等既條件或標準
固然，經典有其獨特性、先鋒性、影響力，有跨越時空既藝術價值，但唔係個個人受落
所以好睇你自己點樣評價作品，自己既審美情趣係咩，比較鍾意邊類型既作品
既然有睇1984、動物農莊 ，咁梗係推薦你睇《美麗新世界》

我對major既嘢冇好大興趣，課外嘢吸引好多，有時間會想睇課外嘢多過course既reading
不過文科好大包圍同埋好多時融會貫通，課外嘢對部分major既course都有唔少幫助
好似近年我睇咗啲女性主義同性學研究相關既書籍，有啲用得落份assignment度
反而平時太多嘢想做，寫小說/打機/寫game評/書評等等，的唔起心肝睇書/reading

你有寫game評？

睇緊
陸王
Mountaineering: Freedom of the Hills
第二本應該唔會睇晒，會抽啲章節睇

我三分鐘熱度加上唔會重溫，好易遺忘，所以睇書/動/漫/打機等多數會寫下感想吐嘈下
game評既話，睇鍾唔鍾意，有啲無聊到棄game/玩完就算，通常熱門作唔會寫好多
冷門/中伏先會寫多啲，前者想推薦隻game俾更多人認識後者想避免大家中伏

睇經典可以扮下野同人吹下水
同埋揀經典作品可以省略唔少揀書過程同避免中伏，但好認同唔一定岩口味。以前大學有個教授話佢只會睇擺係圖書館30年以上屹立不倒既書

推薦下九把刀《精準的失控》，唔知你中唔中意九把刀，我自己都係睇過佢呢一本，因為我唔好愛情/校園類小說。
但呢本係時空懸疑小說，情節幾耐人尋味，橋段都好有心思唔怕老套。穿越類作品基本上一定係有bug，但我覺得九把刀係呢方面挑戰得好成功，所有伏線都處理得好自然，而且唔會有明顯既違和感。

睇下咩科
有啲書嘅時效性比較強

唔記得挪威的森林定人間失格有個角色都係咁講

挪威的森林嘅永澤學長

經典嘢 知個書名同作者名就得 你睇習大大就知
通常見到啲名人2022年仲推介啲經典嘢 就知佢無睇書習慣