[書蟲］你最近睇緊咩書？8

剛睇完呂世浩的 “大秦三部曲”，好好睇，對戰國和秦的歷史好有興趣，請問有冇類似的書推介?

中華書局有個歷史系列有晒咁多朝

選好咗 再去樓上書店買

一個女人物化自己身體都可以係身體自主性？個定義係點

我會覺得要睇下佢對成件事嘅控制有幾大
例如 內容（邊個決定佢sell嘅形象）、過程（邊個決定工作安排）、自願程度（進入同離開呢件事嘅機會成本有幾大）

例如而家sell 相嘅人 乜形象都無問題，都有錢收嘅，噉當事人嘅自主權就相對高；但係如果要迎合某種特定審美觀嘅，偏離咗就會賺唔到錢/畀人恥笑嘅/畀公司罰嘅，噉自主性就低

（所以我係覺得email賣相 係 幾反物化嘅一種象徵正正係因爲啲人覺得佢樣衰，佢都賺到錢）

反而例如話 慶典嘅金釵 / 酒樓知客
基本上係規定你着某啲制服去暴露嘅，物化程度隨時更高，因爲當事人對於工作安排嘅控制權 隨時少過 賣相嘅人

自己賣相既自主性係相對高啲 但你賣相最後見標都係賺錢 而賺錢你需要知道最吸到水嗰班受眾係邊個 然後你迎合佢地 你有自主性去決定迎唔迎合呢班金主 唔迎合後果就係冇錢 變相只係將個平台由外界拉翻去自己 但本質都係迎合外界而唔係自身（物化） 當然自主性會強左好多

我冇買email相唔知佢係點影 我唔知佢啲金主係鍾意佢啲咩 但我主觀認為佢賺到咁多錢必然係迎合某啲課金能力高既人既審美觀 變相都係物化？（因為冇睇過email相好難評論）

同意所以我認爲就算係自主性高，都只係相對而言
因爲平臺演算法（又或者更簡單，市場機制）都係將買家嘅慾望同審美觀，轉換成機會成本，影響、改變賣家嘅身體形象

偶像團體其實係咪都類似呢
始終粉絲就係將自己嘅慾望 指向偶像本人（而唔僅僅係作品）
所以姜濤唔可以拍拖
所以Collar啲成員老會畀人笑

市場導向就一定好難有自主性 我自己都幾欣賞姜濤 姑勿論佢嘅作品好唔好聽 或者啲人會批評佢嘅行為好白卡 但佢好努力將自己想法帶比大家 可惜大眾會放大佢所有嘅行為作品 然後總會有啲行為令人反感 又要去做一連串補救行為去comfort番佢地 迫死自己

李開元本《秦崩：從秦始皇到劉邦》好似幾得意

利申未睇

隔咗幾年，睇多次 Introduction to Critical Theory (David Held)

n年前down咗，睇咗幾頁，程度對我太深

你睇完覺得有得着嗎

好多年前睇嗰陣係用嚟 guide 下自己之後要睇邊啲原典，都可以當係導讀咁 (?), 但唔好 expect 睇完真係會 get “what critical theory actually is” ，而且呢本有啲太舊啦（我嗰本係 1980 版，所以講 Habermas cover 得唔夠全面）

另外一本幾好嘅入門 guide 係 Critical Theory Today (Lois Tyson) + Literary Theory: An Introduction (Terry Eagleton )

同問

反對愛情：那些外遇者教我的事
https://www.books.com.tw/products/0010463174
《反對愛情》：那些外遇者教我的事從透徹地檢查「外遇」的意義開始，在這個以愛為中心旋轉，卻充滿大量矛盾和焦慮的世界裡，觀察並質疑愛情的真正面貌，帶領我們探索一對一關係的規定和戒律（包括訂定宵禁和尋人抓猴），並且追溯在這些規定背後、操縱妳我行為的愛情神聖權威。

亞當夏娃在拂曉
https://book.douban.com/subject/27018506/
書中對演化心理學理論的缺陷進行了矯正，對達爾文、德斯蒙德•莫利斯等人的學說進行了甄別，以從更深的層次來解釋人類配偶制度，追根溯源。

作者以兩性關係的探討為核心，擴展細化到社群組織模式、飲食習慣、育兒模式等，並從遠古神話的集體無意識中追溯人類潛意識。落腳點則在於現代人際關係、尤其是家庭關係的內涵，以期為人際交往、伴侶相處過程中的各種障礙、衝突、誤解和病症找到根源，並為與此相關的心理問題與實際問題尋求科學解答。

後者既話，建議你睇女性主義相關書籍

入門書：《性別打結：拆除父權違建》（1997年著、2008年譯）
作者： Allan G. Johnson
https://www.books.com.tw/products/0010395869
呢本書係台灣大學性別研究常用既教科書
作者係中層階級白人異性戀男性，一出生就享有眾多特權
佢性格敏感、愛好文學，同男子氣概的形象不太相符
身處女權運動蓬勃發展的時代，受到女性主義的啟蒙，老婆又係女性主義者
深諳身為既得利益者既男性對於女性主義的抗拒
所以用咗唔少筆墨去紓解男性面對女性主義的不安、焦慮、排斥
回答一般冇性別意識既男性一見到女性主義會跳掣既問題
佢會用個人經歷、身處既社會環境、文化創作等等嚟舉例解釋父權制度點樣運作，內裡既機制點樣維持咁矛盾既制度
呢本係是男性、女性皆可讀既介紹父權制度既書籍，顧慮到男性既處境和地位
亦因此立場偏向溫和，注重兩性既平等溝通
適合作為一般讀者想要認識父權制度和女性主義既入門讀物

哇屌

我想問下香港簡史買峰鳥出版係咪冇河蟹？

多謝指點

Literary Theory: An Introduction有睇雖然顧名思義佢地比較專注啲理論喺文學領域嘅形用

噉你會畀幾多分，仲有無4分

推

同問

買咗實體，快速望咗下喺p. 22已經揾到三中書局版刪咗嘅其中一段

男女關系嘅話, 最近睇緊
機智夫妻生活：腦科學專家的配偶使用說明書
作者: 黑川伊保子, 譯者: 劉格安
岀版社: 大牌出版



本書係講男女係有幾唔同, 就係因為男女本身嘅構造思維經歷都唔同, 所以先至會有咁大分歧, 會鬧交

例如本書講到點解女人同男人表達方式咁唔同, 女人點解會咁長氣,
女人講一件事會由事緣, 經過, 心裏面嘅讀白都一字不漏咁同另一半分享, 最後先會講結果
而男性想同另一半分享, 就會着重討論結果
因為女性要係溝通中不斷形容事情發展, 強調感受, 令到對方產生共鳴, 而男性溝通就係着重話結果比人聽

雖然本書有時講個啲道理都幾阿媽係女人咁, 但有時睇到某部份又覺得講得好中, 睇到會心微笑