玻璃朱月初曾惹火批評MIRROR,留言:「呢啲樣行落旺角大把啦,真係好大驚小怪,成班井底之蛙。」她在今次的節目中再被問到此事,她突然「耍冧」指:「對唔住,有時我成日走落旺角都真係見到啲類似咁樣嘅打扮嘅男仔,我真係就係咁講㗎啫,我成日都落旺角食飯,可能我呢啲樣周街都係啦,一樣之嘛,其實我本身對MIRROR係一啲反感都冇㗎!(有冇睇過類似演出?)睇過啲咪傳媒報道同埋啲片,我覺得都charm嘅,但係奈何地,我覺得過份地報道到某一啲位係反感……即係嗰啲叫反效果呀,sorry。」
雪雪聞言,立即笑問玻璃朱:「當年你有冇嬲譚詠麟同張國榮霸晒啲娛樂版?某程度都係一樣,再退多幾十年,我未出世嘅年代,蕭芳芳同陳寶珠都霸晒嗰啲版面,我啲前輩話畀我聽,當任白紅嘅時候,所有嘢都係任白,呢個世界就係咁,跟紅頂白,我細個,係電視台最風光嘅時候,真係期期啲封面唔係汪明荃就李司棋、黃淑儀。」她指ERROR和MIRROR加起上來有16個人,即使日日報道亦不覺多。
部分連登仔為咗反鏡 連玻璃朱嘅logic都搬埋出嚟講 但係嗰陣又撐雪雪收玻璃朱皮 真係精神分裂