我和鄰居大姐姐的故事(12)

1001 回覆
337 Like 4 Dislike
2021-09-23 19:51:22
綠茶巴
2021-09-23 19:51:37
繼續推山區巴
2021-09-23 19:51:47
啫喱巴
2021-09-23 19:52:09
總有一日佢會有獨立故
不過等下先
2021-09-23 19:52:20
睇到架
2021-09-23 19:52:39
總會有機會再出現
2021-09-23 19:52:54
基情四射
2021-09-23 19:54:18
二百六十六

「係喎…你呢件西裝…」唔,秋兒姐姐似乎發現左我唔係著緊Jonathan套西裝。

咁都好正常,因為Jonathan果件西裝係佢幫我借架嘛。

「說來話長,我之後先再講妳知……」我要扯開話題先。

因為我仲未諗到點答。

「哦…好喇。」秋兒姐姐溫柔地笑道。

同秋兒姐姐閒聊左幾句之後我地就去左搵另一個我地學校既學生會幹事點名,之後再各自帶上工作人員既牌響心口,而我今日既工作係坐Reception幫參加者做登記既。

其實之前briefing有講過工作分配,只係我訓著左,所以完全唔知道我今日係做咩。

除左我之外,仲有一個中四既叫做鄭穎琳既女仔負責點名。

呢個叫鄭穎琳女仔其實樣貌都非常唔錯,著住一套睇落都幾普通紫白色晚裝,身材就似乎屬於微波一族,僅僅比Ada好小小,但笑容好甜美。

不過,對於成日望慣秋兒姐姐對人真心既笑容,我望住鄭穎琳笑容既第一個感覺係佢呢個笑容都幾假。

唔……就好似係專門用黎收兵既笑容一樣。

例如企我隔離既傻仔必。

流晒口水。

鄭穎琳都有用好甜美咁笑住對我打招呼,但我完全冇鳩諗過要理佢。而佢中間顯出既一絲不悅,雖然好快就回復返笑容,但就更加印證左我覺得佢個人好假呢個睇法。

果位幹事再好簡單咁同我地再brief一次個工作內容,之後就準備帶我地返落學校大堂做set場既工作。

由於臨時臨急都搵唔到野比阿必做,所以最後大會都係安排左佢跟埋我地一齊落Lobby做reception既。

有得同鄭穎琳拍住上,條戇鳩仔似乎非常高興。

臨走之前,我特登走去同秋兒姐姐道別。

但佢同幾個包括Jonathan在內既同學傾緊野,似乎好忙。

咁……

莫非秋兒姐姐啱啱係特登抽空出黎到禮堂門口等我既?

一諗到呢樣野,我心中一甜。

「秋兒姐姐。」

「唔…熙熙…?」秋兒姐姐聽到我叫佢,於是停止參與佢地既對話,轉過頭望住微笑。

同時其他幾個同學都望過黎。

有兩個女同學見到我既靚仔樣仲雙眼發光。

「嗯…我落去幫手先喇。」我通知秋兒姐姐一聲。

其實都係借啲意同秋兒姐姐傾幾句啫。

「嗯,辛苦晒!」秋兒姐姐向我報以一個甜美既笑容。

呢啲就真係真誠甜美既笑容喇。

「熙熙,真係唔該晒你過黎幫手呀。」Jonathan響秋兒姐姐隔離向我打招呼。

「你好呀熙熙,我叫Jodie呀,我係OO女子中學既學生會主席,多謝你黎幫手。」一個披住人皮既豬乸向我打招呼。

「我叫Janice,都係讀OO女子中學架!辛苦晒你!」人皮豬乸二號都向我打招呼。

本身我實在唔想理呢三條友,但為左唔好失禮秋兒姐姐,我唯有同佢地寒暄幾句。

臨走之前我終於都係忍唔住問左秋兒姐姐一個我好想問既問題:「係呢…點解妳唔聽我電話既?」

「你打過比我?」秋兒姐姐一臉歉意,道:「Sorry呀,我換好件晚裝之後就將手機放好左響個袋入面,然後又將個袋擺埋一邊……因為今日太忙我都冇時間check電話……」

「哦,唔緊要,其實我都係諗住話你知果條…果位仁兄都諗住黎幫手,睇下你地得唔得啫…」我一路講一路向阿必一指。

……

……

……

條友用佢果條三寸不爛之舌氹到鄭穎琳同帶我地既女工作人員好似好開心。

「唔……咁都係多一個人幫手啫,都ok既,我地都好歡迎既。」秋兒姐姐微笑道:「你幫我多謝埋佢喇。」

「冇問題!」我都笑住咁回答。

雖然知道阿必既目的,妳就唔會想多謝佢架喇。

「你朋友都好熱心喎。」人皮豬乸二號答嗲。

「真係多謝你地呀,我地一陣再見喇!」人皮豬乸一號都答嗲。

頂,速逃為上策。

Jonathan就雖然保持有禮冇出聲咁笑住口望住我地,但其實我覺得好討厭。

*

話就話我、阿必同鄭穎琳三個要幫手set場,但其實都唔係太多野set,好快就搞掂晒。

不過由頭到尾,其實鄭穎琳都冇乜點幫到手,反而氹到阿必好似狗公幫佢做撚晒啲野。

嘖。

不過阿必似乎樂在其中,所以我都冇乜得出聲喇。

Set好場之後等到六點半,已經開始陸續有人入場。

其實我冇唔記得自己今次黎既目的唔係單純咁幫手,而係要睇住秋兒姐姐既安全。

唔……

但越黎越多人入場既話,我就越黎越難行得開。

點算好呢?

(待續)
2021-09-23 19:57:17
一入嚟有文睇
2021-09-23 20:04:46
指定動作,未睇有無更先推
2021-09-23 20:39:28
推推
2021-09-23 21:24:28
2021-09-23 22:19:58
留comment都有兩個負皮
萬言個名臭曬啦
2021-09-23 22:38:26
我相信我係第一個作者因為啲唔關故事嘅嘢而比人負皮
2021-09-23 22:38:57
多謝葉師傅!
期待!等待!
祝葉師傅日日順利,事事順心!
2021-09-24 00:17:00
Push
2021-09-24 22:04:42
2021-09-25 12:34:11
其實萬言巴發生咩事
2021-09-25 12:34:28
魚籽巴
2021-09-25 12:34:40
繼續推
2021-09-25 12:35:12
不過唔好預咁快有
2021-09-25 12:35:24
綠茶巴
2021-09-25 12:35:36
毛巴
2021-09-25 12:36:14
慢慢嚟慢慢嚟,有呢個希望,人生有動力
2021-09-25 12:39:38
二百六十七

本身Reception既工作其實兩個人做已經好夠,三個人既話更加係非常輕鬆。

……

……

……

本來就係。

但鄭穎琳佢真係氹到阿必笑到傻更更,所以條淫賊仲心甘命抵咁幫佢做埋佢果份。

條淫賊又好似真係霎下霎下咁,完全唔介意(仲好願意)幫佢做晒。

結果係啲女校生既就過晒黎我果面排隊登記,啲男校生就過晒去同鄭穎琳吹水,之後就行過隔離搵阿必登記(阿必又真係好似唔介意)。

佢真係好似釣狗公咁好熱情同啲名校生吹水架喎。

反而我就真係淨係做野,野都唔多同啲登記既同學講。

頂。

我一邊忙一邊仲要諗下有冇方法走返上去禮堂睇實秋兒姐姐,唔好比佢有危險。

唔知點解我覺得最緊要睇住Jonathan。

我諗經過今日真正見過呢條友之後,我終於知道點解我對住呢條友咁反感。

佢係散發住當年社長既氣息。

而且個感覺更強烈。

強烈好多。

就響我仲諗緊點竄上去禮堂進行監視既時候,阿必突然響我隔離鳩叫:「仆街,急屎!」然後即刻成個日彈起,向廁所既方向衝過去。

我前面交緊入場券登記緊既女仔皺起眉頭,擺明係對阿必呢個突如其來既戇鳩舉動感到不悅。

都話條友會影衰學校架喇。

不過其實我冇乜所謂,只係希望唔會搞到秋兒姐姐。

但係由於阿必係突然間離開座位去廁所,所以本身排響佢面前登記既人都不知所措,向鄭穎琳望過去。

本身鄭穎琳就企左響度同緊一個運動型既高大男仔傾緊計,比阿必咁樣嚇一嚇就望返過Reception,然後就同果班排緊隊既人視線相交……

鄭穎琳佢似乎想繼續釣果個高大既運動型男仔,於是向我拋出求救既眼神兼擺出個可憐既表情,用口型同我講:「唔該幫幫手吖。」

無可否認鄭穎琳係幾靚女,佢擺出呢啲表情啲狗公或者佢啲觀音兵應該會上釣幫佢做埋,就好似阿必咁……

但可惜我唔係阿必。

我擰轉頭唔理佢,繼續幫前面既同學登記。

痴鳩線,唔通成個Reception淨係開一條龍咩,我一個人點搞得咁多人?

大姐,我而家都知道妳報名做義工其實係想黎釣金龜,但妳都要顧下手頭上既工作架!

我夠一樣想搵機會返上去禮堂睇實秋兒姐姐喇!

但都要做野架!

「唔好意思,妳係咪都係幫手登記架?」可能係因為見到鄭穎琳靚女,所以呢個排頭位既男學生都仲係好有禮貌咁詢問仲企左響高大男同學隔離既鄭穎琳。

不過就好敵視高大男同學。

見到大家開始有小小躁動,高大男同學都唔係幾好意思,於是對鄭穎琳笑道:「我都係唔阻妳做野住喇,我都過去排隊先,咁一陣間就辛苦妳幫我登記喇。」

「等陣呀…」鄭穎琳似乎都係唔想放過高大男同學。

不過高大男同學冇諗過要等佢,就徑自走左去隊尾去排隊。

鄭穎琳唯有死死氣咁行返去Reception度坐低,開始幫同學們登記。

不過排緊隊既始終有部份係XX書院既名校生,所以就算心入面唔想做,但面上都保持住甜美既笑容,仲同啲同學傾幾句。

我就完全唔吹水,所以好快就幫啲同學登記完,部分另一條隊既同學都唔耐煩走埋過黎。

頂妳個肺,妳係咪特登架?掛住吹水做少啲,等我做埋妳果份。

阿必,你條仆街屙撚完未呀!?

好唔容易啲參加者登記得七七八八,連啲老師同嘉賓都黎齊,Christmas Ball都差唔多開始,總算叫做完手頭上既工作。

頂,阿必條撚樣仲未返到黎。

特登偷懶?

「喂,余正熙,你啱啱做咩唔幫我!」估唔到一完左手頭上既工作,鄭穎琳第一時間係咁同我講野。

一啲都唔客氣。

可能係睇穿左我,就算佢點電我,我都唔會做佢隻兵?

「幫妳乜鳩呀?」

聽到我搵粗口回擊,鄭穎琳個樣仲嬲,道:「林必才佢去左廁所,你幫埋佢手登記啊!」

「點解呢?妳自己又唔做?」我反問。

「咁人地女仔黎架嘛,你個樣生得四四正正,但咁冇風度都有既?」

屌吖!咁都關風度事!?

「妳都係義工黎架喎,妳又唔做野掛住傾計!?」

「你比啲風度得唔得啫?」吖,妳都打橫黎講!

「喂,你地搞掂晒嗱?」阿必的聲音。

就響我同鄭穎琳嘈到面紅耳赤既時候,始作俑者終於去完廁所返黎……

(待續)
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞