二百六十二
波係輸左,但日子總係要過。
時光飛逝,轉眼又到聖誕假。
中間其實都冇乜特別事發生,都係返學放學練波比賽、同Ada扑野、同淇淇傾電話、同秋兒姐姐溫書同練十分鐘社交舞咁。
同Ada扑野我就唔寫咁多出黎喇,一來我同佢扑野既次數絕對冇同Kitty姐姐扑得咁密,而且深刻既扑野經歷並唔多。
老實講我真係當佢真係肉便器黎架咋,或者佢對我都係咁諗喇,我地既關係真係建基於塊閪同碌鳩,就算扑完會傾下計,都唔會傾得太深入。
再者Ada根本就係個貪威識食、遊手好閒唔做野既港女。
同佢扑完野之後再對比返同Kitty姐姐扑野,我先深深感受到Kitty姐姐同我唔止係扑野咁簡單…
佢對我真係有好深既感情。
我地除左扑野之外,仲有唔同既交流,甚至會好似情侶咁出街,而且一切既洗費都係佢比,對我真係好撚好。
相反,我同Ada真係唔會有呢啲活動,上去佢度扑完野就走。
唔知Kitty姐姐而家響英國點呢?
好想同佢做愛。
唔知佢響外國仲係咪過住啲咁淫賤既生活呢?
……
……
……
估唔到…
我真係有啲啲掛住佢。
唔止係佢既肉體。
係佢個人。
小小咁喇。
*
另外,今年第一次舉辦既聯校聖誕舞會亦掀起左校內既一陣話題。
始終我地學校係第一次同呢啲真係叫出名既學校合作搞活動,仲要係響我地學校舉行,除左學生會之外,好多老師甚至校長都好緊張今次既舞會。
亦由於呢個原因,學生會亦都搞左啲社交舞速成班,等大家可以對社交舞有啲基本功夫。
「唉屌,點解淨係比中六七既同學參加呀…」阿必響壁報前望住幅活動海報嘆氣道:「OO女子中學特登諗住黎睇我果啲靚姐姐今次真係大失所望喇…」
我望住阿必戇鳩既背影,心入面開始明白點解學校要求學生會限定參加人既年級……
好似阿必呢啲戇鳩真係會影衰學校……
另外,雖然學生會公開招募學生義工,而且係好落力係招人,不過正如預料之中,反應都只係好一般,但係最後都搵夠人既。
我冇同我身邊既人提起過我都係其中一個學生義工,所以得秋兒姐姐知道我會去幫手。
題外話,今年聖誕節要飛去日本比賽又冇得留響香港,淇淇本身有約我同阿必佢地除夕出街,只係我諗起上年比果幾條友放飛機之後同淇淇兩條友出黎睇戲都幾撚悶,所以就拒絕左。
當然呢個其實唔係主要既原因喇。
最主要既原因係因為我想果日陪秋兒姐姐啫。
你地都知喇,自從秋兒姐姐升左上中六之後,我地見面既時間真係可以話跌至新低,咁啱響完左聯校Christmas Ball之後學生會就冇乜野搞(再講大家都要溫書準備考試喇),所以除夕果日至少秋兒姐姐係得閒既,只係諗住用黎溫書啫。
但對我黎講,溫書都好,都係同秋兒姐姐相處既時間吖,況且我地仲可以一齊出街買餸煮飯食,都好溫馨架。
時間話咁快又返到黎聖誕假,亦即係聽日就係聯校Christmas Ball既大日子。
果晚秋兒姐姐話佢地準備得七七八八,所以都係等第二日啲學生義工佈置埋禮堂就ok了,亦因為咁,佢可以好似以前咁返黎屋企煮飯食飯。
真係久違了。
但當然我都有幫手架喇。
「我地聽日係咪會一齊出發?」夜晚食飯時我問秋兒姐姐道。
「我聽日要一早出去呀…」秋兒姐姐歉然道:「我要早小小去借晚裝、set頭化妝,仲要早啲返到學校準備。」
我大失所望……
我個樣都寫晒出黎。
秋兒姐姐見到咁安慰道:「我地到時都會見架嘛。況且聽日我借到果件晚裝好靚架。」
「晚裝?」著晚裝既秋兒姐姐?
「係呀。嗯,你等等…」秋兒姐姐講完之後入房拎左套黑色西裝出黎,見到我一臉驚訝既樣再笑道:「我見你之前義工briefing果陣恰著左應該都冇聽到架喇,今次見光既student helpers都係要著正式服裝或者晚裝架。」
我唔係幾好意思。
因為果次學生會搞briefing既時候我真係訓著左。
「你試下啱唔啱著?」秋兒姐姐笑道。
我呆頭呆腦咁接過套西裝。
「不過我睇過架喇,實啱你size既!」秋兒姐姐好有信心咁甜笑道:「我對自己既眼光好有信心架!」
(待續)