我和鄰居大姐姐的故事(12)

1001 回覆
337 Like 4 Dislike
2021-09-16 23:07:53
同埋啱啱生完佢係需要多啲關心同包容架,唔係好易會有產後抑鬱
2021-09-17 01:35:49
睇完葉開巴IG推一推
2021-09-17 09:20:08
咁就好啦
2021-09-17 11:20:38
初生B 真係成日半夜醒同喊,老婆一個頂無得瞓好慘
幫下掃風換片,等老婆可以早少少瞓返都好。
照顧初生果幾個月真係好惡頂。
2021-09-17 11:23:34
加油葉開巴
2021-09-17 19:24:09
葉開巴加油
2021-09-17 19:51:38
其實有時為啖氣,我又唔覺得自己錯晒唔想道歉咁

不過錫完一啖就乜事都冇lu
2021-09-17 19:51:49
綠茶巴
2021-09-17 19:52:27
都係既,所以我都覺得自己有錯
2021-09-17 19:52:42
多謝藍疫巴
2021-09-17 20:24:29
2021-09-17 20:24:44
多謝你呀
2021-09-17 20:25:09
多謝
2021-09-17 20:25:42
二百六十三

我換左件西裝黎試,都叫做好合身,只係有啲啲緊。

「幾好睇呀。」秋身姐姐打量左我一下。

「係咩?」我覺得咪同校服差唔多。

「而且都好合身。」秋兒姐姐點點頭,再笑一笑。

「其實返學校著校服咪得囉。」我唔係幾想著呢套西裝:「著住呢套野好唔舒服。」

最主要我諗係因為呢套西裝都唔係我既,著住人地件衫同褲老實講個感覺怪怪地。

「唔…可能學校覺得著正式服裝正規啲呱…所以先會要求我地學生會加埋呢個要求上去。」秋兒姐姐都係估估下:「話晒第一次同名校合作,學校既老師仲有校長都睇得我地學生會好緊。」

我聳聳肩。

冇計喇,即係點都要著架喇。

不過出左黎做野之後先知,其實咁樣既服裝要求真係好正常。

「係呢,其實套西裝妳係問邊個借架?」我試完件衫之後行返出飯廳,再好奇一問。

我自己都好想知道自己究竟著左邊個件衫。

「我問其他學校既人借架。」秋兒姐姐笑道:「佢個名叫Jonathan,呢件衫係佢以前著落既,如果聽日有機會既話介紹比你識吖。」

……

……

……

「哦…好呀。」

……

……

……

呢個時候我突然覺得自己好肉酸,連去做幫手要著既衫自己都要問人借。

「我件晚裝都係佢問佢家姐借比我架咋。」秋兒姐姐笑道:「不過又咁啱,佢家姐既身材同我又差唔多。」

……

……

……

唉。

望住秋兒姐姐既笑容……

我忽然覺得……

……

……

好自卑。

其實我係咪一件冇錢又冇用既死廢柴?

除左踢波之外我仲有咩叻?

似乎出面既世界真係好大。

由暑期工開始秋兒姐姐,秋兒姐姐既眼界就越黎越闊。

會唔會有朝一日,佢會完全咁比外面既世界吸引左?

定係呢個只係我幼稚既擔心?

*

第二日我同秋兒姐姐食完早餐,就諗住陪佢出去。

「熙熙,你送到我樓下得喇。」秋兒姐姐微笑道:「上次同你提過既果位同學會開車接我同其他幾個同學去學校打點埋小小,之後再去set頭同換晚裝。」

唉。

又係果條友。

唔知點解我未正式認識佢已經好唔鍾意佢。

比當年社長更甚。

「哦。」我都冇得say no架喇。

「呀,開車接我地果個同學就係Jonathan。」秋兒姐姐笑道:「一陣可以介紹比你識呀。」

乜話!

條友就係Jonathan!?

我仲要著佢件西裝!?

講笑咩?

「好喇,都夠鐘出門,你陪我落去等佢地喇,好唔好?」秋兒姐姐露出甜美既笑容。

……

……

……

秋兒姐姐既笑容真係令人無法拒絕。

「嗯。」我點點頭:「咁妳搞掂我地就行喇。」

*

我求其T shirt 波褲人字拖街坊裝就咁出門口。

而秋兒姐姐就因為要返學校一轉,所以都係要著返校服,稍後先至去換晚裝。

我同秋兒姐姐一落到樓下,離遠已經見到馬路旁停泊左架黑色私家車。

就係上次果部。

果條Jonathan果部。

「咦,佢地咁早到左既?」秋兒姐姐一出樓既大門,見到架黑色私家車果陣已經問。

我同秋兒姐姐行近架車,上次見過既果位老司機走出黎幫Jonathan打開車門,著住XX書院校服既Jonathan臉帶微笑咁行出黎。

今次我終於真係見到佢個樣。

老實講,Jonathan其實唔算靚仔(但當然都唔算醜樣),但佢本身就散發出一種彬彬有禮既氣場,再加上身材高高大大,好似散發緊一種難以言喻既魅力。

但我好唔鍾意佢。

就好似果陣唔鍾意社長一樣。

「秋兒,妳咁早既?」Jonathan臉上帶住笑容向秋兒姐姐問道。

「邊係呢,我先冇諗過你地會咁早到。」秋兒姐姐微笑住回答。

「我諗住預早小小過黎等妳吖嘛,但估唔到妳都早左成十分鐘。」呢個時候Jonathan留意到我,微一愕然,然後微笑道:「你一定係熙熙喇。秋兒都有向我提起過你,我知你同秋兒真係好似兩姐弟咁親密。」

Jonathan講完之後微笑咁向我伸出手想同我握手。

……

……

……

我就咁望住佢,完全冇意思要同佢握手。

(待續)
2021-09-17 20:48:57
熙哥真係好臭串
2021-09-17 20:50:54
邊個錯都好啦,緣份令你地係一齊組織家庭,得來不易,小朋友出世係好多野嘈,尤其仲要處理婆媳關係,我係過來人
2021-09-17 21:38:36
熙哥真男人
2021-09-18 00:51:28
2021-09-18 02:52:41
直接打9佢
2021-09-18 07:21:22
2021-09-18 16:19:01
推推
2021-09-19 17:44:22

得罪人多
2021-09-19 17:45:26
係架……
婆媳關係又係另一個考驗
不過我好彩,唔係同娘親一齊住
魚籽巴到最後點?
2021-09-19 17:45:40
2021-09-19 17:46:00
打柒佢老味
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞