[關於鋼琴曲、考試的問題]鋼琴演奏交流區(新)

咩 type 先

網上搵啦

去大陸網搵啦 實有架

Schmitt幫到你
少少 無名指即係4指？
4指冇力就將練習曲既所有4指音加重力度
要俾佢用實力 ， 唔係用手碗壓佢落去
咁就係最好練習

Link你姑姑下就有 大把https://m.qinyipu.net/t/卫诗/

搵真琴，直身都得，數碼電子效果唔好。
將手指抬高，準備好就彈落琴鍵。
重覆幾次之後抖陣先再嚟過。分手做。

留意：

(1)
彈之前抬高好重要，手指尖太貼鍵嘅話練唔到力。唔洗高到令手背垂直、拗到手腕，手背連同手指微微向上傾斜做準備就得。

(2)
數三聲準備好就可以彈落去。留意施力嘅方向係向自己，所以個動作可以形容為「撥」落個琴鍵，「撥」向自己。留意彈完之後隻手指要喺琴鍵上企直，起碼㩒住個琴鍵幾秒，企一企先好走。

(3)
每次彈嘅時候可以望住數一月大二月小嗰個關節位。如果動作啱嘅話，嗰個位彈完應該會好似小山丘咁突起咗。

(4)
手背喺成個過程都係保持同一水平，即係落鍵後手背唔可以座低咗，唔可以因為想大力想壓落去而瞓低。
因為你想練嘅係「指力」，所以除咗你嘅手指以外，手嘅其他部分都唔會郁。如果你發現個手背座低咗，即係表示你嘅手掌心畀咗一個向下嘅力去推隻手指落去彈個琴鍵，咁就唔係練緊指力。雖然有人會話過時，但我自己鍾意叫學生（尤其小朋友自己返去練）喺手背擺舊擦膠，擦膠冇跌即係個手背冇傾斜冇座低。

(5)
承上，既然練指力，所以手嘅其他部分都唔可以幫手出力，所以手掌、手腕、前臂、上臂同埋後背等等全部放鬆。要知道咩叫放鬆有兩個方法：其一係試吓做一次繃緊，維持繃緊幾秒之後就放鬆，咁你就明咩叫放鬆；其二係可以彈完之後郁吓手嘅部位，例如彈完咪要㩒幾秒嘅（睇番第２點），可以㩒住個琴鍵上下搖吓個手腕、左右郁吓隻手臂、甚至打圈，只要郁到即係有放鬆。記得郁嘅時候手指頭都係好似個勾咁勾住個琴鍵。

(6)
練某隻手指嘅指力嗰時，其他手指都可以一齊撥。例如假設你練緊４手指，咁撥４手指嗰時５手指都可以做撥嘅動作（始終佢哋結構上係同一條筋）（唔好敲到琴鍵就得），唔需要刻意定住其他手指。將集中力擺去你想練嗰隻手指就得，刻意定住其他手指代表冇放鬆。

有咩唔明可以再問

更正番，有個位打錯咗：

例如假設你練緊５手指，咁撥５手指嗰時４手指都可以做撥嘅動作

同埋呢度：

（始終佢哋結構上係同一條筋）

「筋」打錯咗，我指肌肉。人唔係每一隻手指都有一條獨立嘅肌肉，所以撥某一隻手指嘅時候，有時其他手指都會一齊撥。咁樣好正常亦都冇問題，唔好刻意唔畀其他手指郁就得。

召喚彈過bwv904嘅巴絲
可唔可以教下小弟呢個bar啲手指點搞

邊間出版商 詩晚搵下先

多謝清解答 詩都好中意高抬指彈 響勁多 特別有精神

Henle

詩好像冇依本 得ABRSM VERSION

就咁睇 高音譜前兩拍全部用尾指彈
低音位用右手既3121212去到tr

但全部尾指會變到好唔順手同好跳
我見有啲人直頭唔彈個trill或者就咁彈2下就算
除左sokolov 呢啲癲佬

我覺得你可以試3121212樓上位巴打囉～
咁外國人普遍手大嘛唔得就爬啦

想彈Croatian Rhapsody
至少應該有幾多級嘅功力彈到？

邊隻版本 原版比較多arpeggios
但有5級底都應該ok

搵richard clayderman 佢最多呢type而且出曬名