【翻譯】短篇日本怪奇物語（九）

偷偷地出多個先

第三百零四話：『母親』

呢個好似以前都睇過類似

譯到一半我都有似曾相識嘅感覺

Last 200 reply
山田巴又差不多準備加速

出個要諗一諗嘅故

第三百零五話：『悲鳴』

正在浸浴的我，聽到客廳傳來一聲悲鳴。

吃驚的我顧不上全裸，一個勁地衝到客廳去。客廳的正中央站著一個戴著面罩的男性，在他腳邊躺著流了大量鮮血的父母和妹妹。

那面罩男看見我後，大叫一聲從打開的窗戶逃去，剩下我一人面色發青的呆立當場。

以為個女人吊頸

「我」係個強盗
入屋行劫嗰個唔小心將啲血濺到自己身上
於是我就去浸浴洗走啲血
點知呢個時候突然有人返黎
我顧不上全裸攞起把刀走出去
點知比佢走甩左

世田谷一家殺害事件

「我」殺咗父母同妹妹之後去咗沖涼
面罩男係個賊仔嚟，想去偷嘢

但點解突然返黎個人會戴面罩

武肺

面罩男第一個殺嘅係主角

果個係口罩

可能個賊之後嚇到從良

幾條屍攤喺度
嚇都嚇死

係咪啲穿越科幻故
有面罩係未來既自己唔可以見依個時間段既自己

你咁講我諗返起套叫triangle嘅戲

留名 樓豬譯嗰啲故仔好睇

多謝
但樓豬出故比較慢
可以追番以前啲po先

我兩日追完了
巴打點學日文 有冇咩心得

都係輕鬆學
搵本適合自己嘅教科書
跟住佢step by step咁逐樣嘢學
日常生日盡量搵機會用番出嚟
巴打岩岩開始學？

我成日睇動漫 所以想識下
但一直的唔起心肝
遲下又會好忙 都難抽時間
之前有學下五十音 不過未熟哂

呢幾日忙到仆街 啱啱先追翻曬
未瞓到又分享下N年前坐巴士嘅怪事

細個翻放學要坐巴士，雖然嗰條路線係會經過某墳場，但一直以嚟都冇事發生，不過呢啲事永遠都發生喺出奇不意嘅時候。
嗰日放學同啲同學去玩之後比平時夜咗好多翻屋企，上車嘅時候唔計司機，下層連埋我只有四個人，嗰架巴士係熱狗，我就坐咗喺司機位後面同上上層樓梯口之間排打橫嘅長櫈(好長兩排對坐嗰種)近樓梯口嘅位。
而其他人嘅分佈就係一對夫婦坐近右後轆嘅孖位，仲有一個坐喺落車門後面孖位嘅姨姨。由於時間已經唔早，中間好多站都直接飛，直到過咗墳場。
本身我一直放空睇緊對面風景，「叮！」嘅一聲令我回一回神下意識咁望咗下落車門，一望就覺得有種莫名嘅違和感。

諗咗陣我就發現係咩原因：坐落車門後面張櫈個姨姨唔！見！咗！

我即刻伸出少少個頭再望下另外兩個人喺唔喺度，佢哋仍然喺原位，但就真係唔見咗個姨姨，當時唔知邊度嚟嘅膽量我上埋上層睇，上層原來係冇人坐。

「個阿姨到底去咗邊？」「係咪我眼花？」「中間佢落咗車咋？」

呢幾句說話我不停反覆咁問自己，但我明明好清楚中途根本就冇上落客。
當我滿腹疑惑咁想用理性角度去解釋呢件事，架巴士埋站開門。

但係無人落車。

「喂唔好玩鐘呀下！」或者係我諗多，我硬係覺得司機都覺得有啲奇怪先特登咁大聲講嚟壯膽。
到最後我留意住對夫婦幾時落車，狗衝咁跟住佢哋一齊落。

後來同個老豆做車長嘅朋友講起呢件事，佢話佢老豆講過呢條線一向都間唔中有「人」會坐順風車，有時仲好有禮貌撳鐘，佢哋已經見怪不怪。

唔係黑眼兒童就skin walker咁款

新讀者留名
成功係扮工左幾日一口氣追晒九個post

感謝山田翻譯