science
各校優勢比較
主修數目
雖然同為 Science,但每間大學有不同既主修科目:
港大有16個
天文學(2017已移除)、生化學、生物學、化學、分析學、地球系統科學、生態與生物分類學、環境科學、食品與營養科學、地質學、數學/物理雙學系(2017已移除)、純數學、分子生物及生物科技學、物理學、風險管理、統計學。(綠字為HKU獨有) (官網 Link)
科大有12個
生化與細胞學、生物學、生物科學、生物科技與商學、化學、環境科學、數學、物理學、數學與經濟學、風險管理、雙學位課程、環境管理。 (紅字為不屬於Science school,但science學生可選。含有商科成份) (官網 Link)
中大有11個
生化學、生物學、分子與細胞生物學、分子生物科技、化學、地球系統科學、環境科學、食品與營養科學、數學、物理學、統計學。 (藍字學科有Enrichment stream-精英學生專讀) (官網 Link)
同學在選讀各校science時要確保有你想讀的學科。
各校強項
港大 擅長學系:生物
部份科學學科需要修讀醫科相關學科,由於有強大的醫學院,醫學學科如腫瘤科,藥物科,都很擅長。生物科也尤其出名。
中大 擅長學系:物理
同樣有醫學院,醫學學科比較擅長。中大物理最為有名,物理系中有一個課程專收精英學生:物理精研,收生中位數 Best five 高達30分。據說物理學生功課較沉重,但學生理倫根基扎實。除左物理,仲有數學精研,比想讀數同物理同學仔讀。
科大 擅長學系:生化
好多實驗機會,學生實驗技術培訓較好,而且成績好既學生有機會同教援一齊做研究,對於日後想從事科研發展有強大優勢。科大同樣有專收精英的科學課程:環球科研 (專門培訓科學家),收生分數高達 Best five 30分,及保證有出國科研的機會,成績好既學生可以係 year 2 時轉入環球科研,對未來科研之路好有幫助。
科大 science 有幾個主修同商科融合,如風險管理、數學與經濟、生物科技與商學、環境管理等。科大商學院係香港八大中最出名,商科課程強大,所以即使將來唔做科學家,進入商界都容易。
大學因素 --名牌效應
好多人話如果夠分揀都揀港大。的確港大歷史相對悠久, ( 港大 100年、中大50年、科大25年),校友網絡龐大,好多畢業已久既校友出入職場多年,唔少已經成為管理層。據說畢業於港大既校友唔多唔小會傾向聘請母校畢業生。不過樂觀 D 去睇,校友只係一個幫助,係職場成唔成功都好睇個人修為,如果本身有料即使咩 U 畢業都會請,無料既讀咩 U 都無用。而且有一個關於就業既排名,科大都排到全球18,所以都唔洗點擔心。
大學環境
雖然大家都係science,但三間大學文化、環境、氣氛都好唔同,好影響你四年 u life 。有人話CU、UST chur ,但其實讀得science 間間u 都差唔多,chur 唔chur 好取決於自身態度,所以 u 既分別唔大。至於文化方面,唔同人適合唔同文化,據說 CU 同 HKU U life 較精彩,我都相信 CU, HKU 校園生活會較精彩,畢境相於 UST 只有工、商、科學、人文學生,CU, HKU 則有勁多唔同學系既人,所謂 friend’s diversity 都較多。聽講 HKU D 人好 sociable,住宿要 interview,而 active 個 D 先入到。所以各間文化無話絕對好唔好,只有邊間適合你多 D。
主修以及心修課程
除左 science course,仲要樣野叫做 common core 要讀。中大港大本身為綜合型大學,學院同課程選擇較多,而科大為研究型大學,只有四大學院:科學、商學、人文、工學),選擇範圍相對較小。
讀書壓力
據聞三間 U 之中,如果以同樣既努力,CU, HKU 可以攞到B+,UST 只可攞到 B-/C+。換言之你要係 UST 付出更多努力,先攞到相等於 CU, HKU 既成績,呢個都係點解坊間話 UST 讀書壓力大既原因。事實上 UST 派 hon (姐係一級榮譽畢業個D) 既要求都較低,姐係話以相同成績,UST 可以攞到一級榮譽畢業,但CU, HKU 只有二級等等。另外,UST 只有四大學院,工科理科學生佔了全校5成以上,其實工、理學在每間大學都係chur,只係UST佔既人數多D,所以先感覺chur D。
3 理科生出路
相信好多人都好關注呢個問題,當然理科生出黎的工作包括但不限於:
環保NGO、環保界私人機構、空姐、機師、飛機維修、老師、TA、Lab tech、補習天皇、補習社、藥廠(Sales, Office, Marketing)、儀器廠、Marketing、平面設計、專業化妝師、跳舞老師、樂器老師、救生員、樹藝、園藝、律師、醫生 (詳請參考下面紅字)、護士、
放射治療、職業治癒、物理治療、會計(Big 4)、地產、保險、證券、酒吧、養魚蝦場、滑板買賣、鑽石買賣、公務員 ( 漁護、EO/AO、海關、環保署、食環、消防、警察、救護員 )、廣告、教會事工、HR、PR……
http://dse00.blogspot.hk/2017/01/jupas-sci.html