我先
1. 極度懶惰
以前每日收工/放假就全日對住電視，近幾年就全日睇電話，真係可以全日坐係度咩都唔做。
2. 脾氣差
少少野就黑面屌鳩屋企人，明明可以簡簡單單講下笑就解決到既問題係要搞到大家唔開心。我細個不知不覺受佢影響左都係咁對人，大個先原來咁撚大獲。搞到我少左好多本來可以FD到既朋友。
3. 自制能力極低
細個窮，呀媽為左慳10蚊8蚊會行去遠D既街市買送，我老豆就見到咩想食就一定要食到，有次出去food court食野，佢自己嗌到樣野佢話難食，食兩啖就唔食自己走去買過第二個餐。果陣仲好窮，我呀媽嬲到仆街。
4. 解難能力低
細個明明就好撚窮，小學有得申請書簿津貼，車船津貼，我攞左Form返去比佢，佢話填Form好撚煩，唔搞。我記得果陣私樓同學都有申請,都批半額。之後我就冇再攞form，到我中學識自己填，就試下申請啦，屌你老母一年有6000蚊津貼!! 多過佢一個星期人工，我嬲到仆街，返去串鳩佢：原來填張紙麻煩過你返一個星期工。
5. 自我中心 完全唔聽人意見
咩都覺得自己岩晒，叫佢食野健康D, 當聽唔到，叫佢做下運動，唔理。所有唔岩聽既野佢直接唔會回應，最後中左風要我執手尾。
6. 無知
好撚沉迷聽收音機，明明節目極低質，但佢就當係知識來源咁。細個仲成日灌輸錯既觀念比我，同我講香港大部分人都住公屋
7. 冇長遠規劃
成日話D錢唔知洗晒去邊，仲會笑鳩人儲錢
大個左睇到D朋友爸爸好撚叻 ，好識照顧屋企人，又好識為仔女規劃未來。再睇到D大我少少既同事/上司，有D岩岩生仔，佢地好有能力有魅力，真係好羨慕佢地D仔女。
我老豆比唔到咩資源我發展，人生路上更加比唔到任何指引我，入大學之後同佢溝通感覺好似湊細路咁，好多野都係佢唔識，要我慢慢教返佢照顧返佢。
我係crazy mode死頂過左幾年地獄式生活先叫做到少少成績，佢竟然覺得係佢既功勞
不過雖然佢有咁多缺點，佢能力低性格閪，但佢真係錫我既，每日都有陪我玩，佢已經將最好既野比晒我 ，仲要佢係黃！！所以我依家有能力都會好好對佢。
你地老豆又係點?
