韓劇 Mouse 咁撚變態無人講？有冇人已經估到個變態殺手係邊個？ 2

的確鄭巴凜會成為經典角色

篇文又講得啱
生活中嘅殺人魔平時可能真係同普通人差唔多。。。仲扮下好人嚟接近其他人

段新聞太長唔Quote了

作為昇基多年粉絲，真係好慶幸亦覺得好幸福可以欣賞到一部咁不一樣嘅作品同咁令人驚喜嘅演技。先唔講會唔會爛尾，但起碼到而家15集都未好拖泥帶水嘅感覺。

作為一線藝人，演出反派嘅機會真係少之又少。韓劇嘅男一通常都係風趣幽默傲嬌二世祖，一唔係就正義到爆嘅熱血青年。鄭巴凛呢種咁黑暗又難演又辛苦嘅角色，我諗好多一線藝人都會拒絕，吃力但又唔討好，所以多謝李昇基接咗呢套劇，多謝李昇基不斷挑戰自我，不停進步。

又搵到位讚佢，吹奏完畢!

韓國播嗰時已經打晒格，有時覺得好低能，連把刀都打格唔知咩玩法

係好可惜，套劇如果早一兩個月播可能都仲有機
不過唔緊要啦，網民一致好評已經算係一種肯定

有幕有個踩死老鼠個中學女仔我覺得係神
神其實有幫過巴凜唔變怪物，幫佢做選擇踩死老鼠，唔比佢再接觸黑暗，防止佢再受刺激，觸發犯罪基因
但就算踩死左，細細個既巴凜望住條屍笑，就代表神無補於事，佢基因已經奠定一切，最後都會行返同一條路

但有幕我唔明，點解巴凜姨母比個張細細個既相唔係同一個細路，點解要咁做？如果佢真係發現巴凜係殺人犯點解又keep住照顧佢？雖然14集已經搵藉口走左，點解唔直接閃人，要打掃埋間屋同佢講聲先走，覺得好奇怪

Sor唔知
打格仔真係好影響觀看心情
啲人唔講我都唔知咩黎

其實會唔會最後巴凛反而係1%天才嚟
只係因為從細俾人標籤咗，被家人歧視，自己亦標籤咗自己，所以先行上歪路

個姨母肯定有問題，要搵藉口消失，連個老公都係假嘅

始終係電視台掛，其實全部打晒格仔好冇意思，觀眾都唔知咩黎，望住劇啲人言語行為先知咩黎
台灣有套犯罪推理劇好好，全部唔打格仔，又夠真實，唔易出戲，Netflix有上架

呢個特輯都算解釋左好多之前啲人講嘅bug位
編劇落左好多細節係有用 全部有跡可尋
呢套真係可以靠睇細節去推理劇情大路 唔同一般懸疑劇作者話佢係兇手真係佢
btw連特輯都做到咁sad
套劇結局應該好撚虐
再睇返原來係過來抱抱我個導演同神的禮物個編劇
最後附上係特輯入面聽到嘅呢首歌
https://www.youtube.com/watch?v=OxpwnZoq71Y

其實我諗緊佢係真係冇感情定純粹有少少冷血
1. 冇感情細個應該唔會識求神唔好將自己變魔鬼

2. 聽到韓國講老豆，巴凛個樣明顯有變，其實會唔會巴凛細個俾個繼老豆家暴先搞到咁

你講呢個?
https://www.youtube.com/watch?v=wI_XBbxCHgY

朝朝嚇醒會唔會有心臟病

點解一開始有條友要冒認斬傷治國?

時間管理

啱啱睇埋part 2

本日記會唔會喺阿姨母到?
亂估:
之前姨母幫巴凛搬屋，發現本日記
睇完好驚，但又唔敢篤爆佢驚俾佢殺人滅口
只好收埋本日記，然後扮冇事發生，扮咩都唔知
直到巴凛帶走咗自己個仔，真係開始驚喇，所以搵個藉口話離開韓國，避開巴凛
但如果係咁就諗唔明點解要搵人扮自己老公?

仲有，點解姨母要俾張假相巴凛? 驚佢記得返以前啲嘢?