一人一間美容院黑店 去美容院之前check下有冇你想幫襯嗰間

你有無信心上到去唔會再跌錢？

唔好帶銀包
空裝上去
不過都可能比人煩幾粒鐘先放你走

佢話唔sell，但佢最後sell到你科水我都試過類似，當跌咗算

當你唔想再買package既時候, 最後果幾次上去, 簡直係貼錢買難受
講野句句有骨

好憎d美容院話就話自己單次收費
但係次撚次上到去都sell人買package
我明你要搵錢 但我想揀得你呢度做 都係貪你有得做單次 唔洗焗住買package姐
咁樣push法 好反感

邊間 好驚見到呢d

幾年前同fd經過觀塘裕民坊果頭
有幾個𡃁妹仔揸住d問卷係咁叫人幫手做
聲稱係學校project嘅問卷調查
我哋一時心軟就停低做卷
要人留聯絡電話仲即場call睇吓打唔打得通
我fd好天真咁留咗真料
之後佢收到個自稱Green xxxxx Beauty嘅電話
話多謝佢之前填卷，優惠價$99做facial
佢就約咗上去做
點知做完走唔到先打俾我求救

佢話一上到去要俾身分證做登記又唔俾返佢就好急咁帶左佢入房
之後訓低一路做一路sell佢join plan，唔join就唔俾佢起身
我fd喊住話好急尿先俾佢去廁所
咁先打到求救電話
最後雖然攞返張身份證
但佢驚會俾人玩借錢
所以都去咗報失同重做過身分證

Amber Beauty 琥珀美容

勁sell. Sell到唔買唔走得咁，感覺好壓迫。好驚好似俾人兇咁。

啲儀器又唔靚唔pro ，上到去就求其一個用部爛鬼機同你影幾幅相就話分析，其實就借啲意話你啲皮膚唔得，要做咩咩咩plan先解救到。 然後就要三個sales圍住你喺間房度係咁不停咁講，講得你頭都痛，唔買唔走得咁，仲要間房閂門走唔到。

返到屋企一search 先知好多人都俾佢呃過，係天水圍起家，專aim 啲無知師奶。

今時今日咁嘅服務態度真係唔得㗎。

千祈唔好上去，免費都唔好去呢間黑店到，盞嘥你時間。

pico 試做後要幾錢一次? 1800一次會唔會太貴?

好貴
我大概1100一次

呢間有冇人試過? 得唔得? Ame Beauté 加拿芬廣場
https://amebeaute.wordpress.com/

想打激光去均勻膚色同去啲淺層班，各位絲打有冇介紹

Skinvita /Neobeauty
每次上去都勁sell
你唔買 就即刻服務態度勁差
唔買就開始俾說話你聽
每次做完都揾d位讚下你
話你皮膚好咗
話佢哋d野幾咁有用
我自己就覺得無好到 一樣係咁爆

仲sell得超勁！怕咗佢地 仲有兩次都唔會再去

有冇好既店

睇咗咁耐都唔見旺角家樂坊間嘉悅 係咪冇人比佢sell過

我一九年大概4-5月尾喺條街度俾人sell試做價打laser1064，嗰陣戇鳩鳩又貪小便宜所以買左，然後隔左大概一個禮拜就上去做facial。
嗰陣上到去，做之前都入房sell左我半個幾鐘做laser之後嘅保濕，個陣佢仲話加$100架咋。咁我聽到做完laser會好乾，咪ok左。
跟住做嘅過程都尚算ok，做完簽單嗰陣先睇到個價錢係$380，我睇到嗰下話「唔係話$100咩？點解會係$380？」跟住個所謂顧問勁西咁話「吓，小姐你耳仔會唔會有少少問題呢？我由始至終都係話$380喎。保濕呢，就做左架喇，錢，你亦都要比。」嗰陣真係覺得佢cls。
仲有好L7長嘅後續，有人想知我再打埋。
19年開始關於呢間嘢嘅所有wts record我都仲keep住，係佢一日打10幾個電話黎sell我嘅record冇cap低

唔准

黑店post都講下我去過幾好嘅美容院

單次收費明碼實價 sell一兩句你話唔使想靜下個美容師就收聲做facial（起碼我做嗰個係）

另外想問去眼袋收毛孔有冇推薦

我都想試但唔知邊間好
本身諗過Alyssx/ Lady concxxt 見到好多藝人/KOL like 但追完post完全唔敢去

過來人表示alyssa真係不了
可以試下啲小店 相對黎講平啲又唔會sell

呢間真係死賤種 呃左我成萬蚊
啲垃圾機完全冇效 逐樣同你收費
$490 facial 做機 $580 咩喺底層清潔$490
逐樣計 癡撚線 仲要冇效 呃人

連登終於有post 講美容院黑店
之前做過perlisuisse
又係次次都會sell你次次都要俾錢先可以走人
試過話冇錢俾叫你申請分期找數
仲有之前做過elevatione 都係做完就會sell
為左銀包著想真係要跳船走人無回頭
經驗來講所有大舖/唔標明價錢一律唔會考慮
同埋係街有人r 做問卷送sample 一律可以唔使理
因為肯定又係free你做treatment然後上去被人sell

咁我又覺得係街度sell Facial嗰啲又冇乜嘢嘅..
任何一間美容院 大間細間都會sell 㗎啦...
爭在佢銷售手法會唔會太過積極啫
佢明碼實價$200買一次試做又好 free俾我又好..都係做一次好嘅咪繼續 唔好都唔會有下次啦...
如果我真係需要搵美容院..我唔喺街畀人sell..
我都係會自己去book一間..咁同我喺街買一次都一樣反而喺街買仲會抵做啲添

利申：基本上喺街嗰啲promote全部我都買過試過