<廿六>
「唉屌,又唔知醒!」
我又用我多年來苦練嘅飛翔境界勁快咁刷好牙換好衫就落樓。不過今次好彩唔洗爭的士。
「阿楓早晨!你氣都喘曬嘅,又唔知醒啦?」我去到巴士站嘅時候小涼仲等緊車。
「係呀,遲咗10分鐘起身,算遲得少架啦。」
「咁你咪未食早餐囉?」
「梗係未啦,諗住翻小食部先再買。」
「你唔餓咩?」
「餓都冇辦法啦。」
「喇,俾你啦!」係最愛嘅魚柳包!
「嘩正呀!」我抵制唔住心中嘅喜悅,不過冷靜落黎之後再問佢,
「你俾咗我你咪冇得食?」
「我食咗塊薯餅架啦,你肚餓就頂住先啦,我都可以翻小賣部買架姐。」
「呃係啦!你拎轉身呀!」佢突然叫。
「做咩?」
「你拎咗先啦。」
咁我唯有照做。隔咗幾秒之後佢又話可以拎番轉,但係我完全感覺唔到佢做過咩黎。
「好啦,巴士黎啦,今晚見啦。」
「拜拜!」
我等多幾分鐘,我架巴士都到咗,當我上咗車坐好之後,將個書包放係前面。
先發覺原來個傻婆放咗支水喺我書包執邊個袋。
「就咁食包好乾架,睇你都冇帶水架啦。」佢whatsapp我。
待續⋯⋯