我只不過喺自修室溫書，點知比我遇番佢。

呢篇可能悶啲，係因為之前沖得太勁所以想緩衝下。
黎近幾篇個步伐都會冇咁chur

加油

仲有冇

加油

感謝呀!

仲有冇

仲有2篇貨仔左右啦

<四十七>
「喂，死人頭做緊咩？」

「準備瞓陣教囉。」

「唔準瞓呀！起身！」

「點解呀！？考完都冇得瞓！」

「我未呀麻！陪我溫書！」呢個人真係呢..

「你要我戇居居坐喺自修室等你問我問題呀..？」

「唔係點呀！」

「你上黎我屋企啦，我屋企冇人。」

「下..得咩？」佢好似有啲遲疑。

「咁算啦我瞓教。」逗逗佢先。

「你試下..好啦我上黎啦。」得逞了，嘻嘻。

收線之後我好快就瞓著咗，冇幾耐之後就聽到門鐘響，嘩屌有冇咁快。

「外賣到！」

「咁鬼快嘅你，仲得閒買M記？」

「我打俾你果陣已經喺麥當勞啦，魚柳包餐啱唔啱？」佢單一單眼，嘩！迷死人啦！！

「啱呀啱呀！入黎啦。」我地掛住傾都唔記得俾佢入黎添。

「打攪曬..嘩你間屋都幾大架喎。」

「係咩，差唔多啦，食咗嘢先啦，薯條凍就唔好食。」

「好..等陣，鹽同黑椒呀。」唉頂，佢真係好了解我，知我食親薯條都要落鹽同黑椒。

「嗯~ 正到呢。」食咗第一條薯條之後忍唔住嗌出黎。

「有冇咁好食呀？」佢問。

「啦，你試下啦。」我拎咗條去餵佢。

無意間嘅一個動作，令佢呆咗一呆，臉頰又開始泛起微紅，其實我都有啲緊張。

佢一啖就食咗，仲咬到我隻手指。

「嘩屌，你個口有冇咁大！」

「咩呀，唔小心之麻！」佢嘟起個嘴講。

我冇理到佢，繼續享受我個餐。

佢都開始拎啲書出黎溫，佢有佢溫，我有我食。

「阿楓，呢題點做呀？」

我望一望，係exchange rate嘅問題。

「日本經濟差咗，咁相對…..所以import會少咗。」

「噢….係喎！果然係勁！」佢舉起隻手指公贊我，令我不禁有啲飄飄然。

我處理完個餐之後，就開始打機。佢一有嘢就問我，我再答佢，就咁過咗一個下就。

突然「唰」嘅一聲，響徹成間屋。

蛤?!?!

「點…點算呀？」小涼心急如焚，好驚咁係咁搖我隻手。

「匿…匿入被竇先！」之後我地即刻跳咗入被竇，我再扮瞓教。

喺被竇入面，我地近到攬住咁制，彼此都聽到大家嘅呼吸聲。

喺被竇入面我好清晰咁聞倒小涼嘅體香，都真係好香下。

「砰、砰、砰」

我第一次體驗窒息嘅感覺，原來心跳快到一個位就會好似停咗咁。

「你熱唔熱呀？」我好細聲好細聲咁問。

「熱都冇辦法啦。」

「你等多陣。」我好快咁落床拎咗個風扇仔再拋入被竇，當係俾佢吹涼，其實最主要係我成個人都想降降溫。

呢個時候我阿媽都入咗黎，見我喺到瞓緊教就好快出番去。

聽到佢去廁所嘅聲，我地即刻衝出去房。

「喂喂喂..我啲notes！」

「得得得，你喺樓下等我一陣先拎番俾你。」然後佢就一支箭咁衝咗出去。果然係運動健將。

一路執住佢嘅Notes，就諗番起頭先嘅情景，真係令我著曬電，好耐冇試過呢種咁震撼嘅觸電感覺。我諗我真係深深咁鐘意咗佢。

「喇，你啲Notes啊！」

「唔該曬…」可能頭先太驚心動魄，佢都未回過神，都仲係面紅紅。

「唉，仲有好多未溫。」佢喺到呻。

「哼，始終都係要我天才楓出馬，去會所等我啦，我地去休息區溫，咁我可以做下其他嘢。」

「一早咁樣咪好囉！！」佢喺咁扑我個頭。

「頭先攰呀麻哈哈！」

「死人頭！哼。」佢轉身就走。

「咁你溫唔溫呀？」我嗌停佢。

「十分鐘唔見人你就知死！」死啦，我好似迷上佢嘅巴渣，呢啲係咪斯德哥爾摩症後群...

我上番樓果陣阿媽坐咗喺梳化睇雜誌。

「去邊呀，唔係瞓緊覺架咩？」

「下..errr…」

「你估我盲架咩衰仔，大大對鞋放喺廳。」

「下次帶咗人番屋企唔怕我喺到喎，呵呵，橫掂我同小霖咁熟。」原來佢以為係小霖...

「媽呀，我同小霖冇嘢架。」

「冇嘢你又帶人番屋企仲咁鬼祟？」

「果個都唔係小..」oh shit！

「咩話？唔係小霖？！」

唉，既然廢紙包唔住火，唯有從實招來。

「唉仔，乜你亂曬大籠架！一腳踏兩船都有嘅。」

「我都話同小霖冇嘢嚕！」

「我唔理你啦，你自己搞掂去啦，呵呵！」超，食花生。

Fuck ！10分鐘就到！之後我就啦啦臨狗衝落去搵佢。

「好..好..彩趕得切！」我跑到落去，氣都喘曬。

「做咩喘曬氣呀你？」

「係你話..話要10分鐘內到嘛。」

「我講下之嘛傻佬，遲咗真係殺咗你咩，哈哈！」

「嘩屌..你早響呀大佬。」

「飲啖水先啦！」佢遞咗佢個水樽俾我….飲佢口水尾呀？

「做咩呀？」佢眼仔碌碌咁望住我。

「冇..冇嘢。」

可能我緊張過頭，飲得太急所以濁親。

「咳..咳！」

「唉白痴仔，飲咁急做咩姐！」佢一路拍我背脊。

果一刻，唔知點解我突然捉住咗佢隻手..

如果係小霖就算扑野 呀媽都讚成 但係小涼就

如果係小霖就算扑野 呀媽都讚成 但係小涼就

阿媽唔贊成扑野架，佢只係覺得帶女仔翻黎唔洗咁鬼崇

唔好比佢停

我覺得愛情呢啲嘢無得迫 無錯小霖的確付出左好多 重要係一個好女仔 但點睇落 佢同男主只係好朋友關係 即使因為阿豪迫到佢地一齊左 都好快散 因為男主根本就係鐘意小涼

唔好比佢停

停一陣 好似出得太快

我覺得愛情呢啲嘢無得迫 無錯小霖的確付出左好多 重要係一個好女仔 但點睇落 佢同男主只係好朋友關係 即使因為阿豪迫到佢地一齊左 都好快散 因為男主根本就係鐘意小涼

冇錯呀
但係現實就係會有人咁傻

「唔好再拍啦，再拍就死架啦。」我逐隻字「鄧」出黎。

「妖！又玩我！！」佢即時縮開隻手，起勢咁打我。

「你點可以亂咁捉住人隻手..」

我用雙手夾住佢雙頰，我地四目對望，

「總有一日，我一定可以光明正大拖住你對手。」

嘩屌，自己講出黎都覺得骨痺。

「邊個俾你拖呀！死人頭！我溫書啦！」佢一講就一路喺到忍笑。
.
.
我比較早考完試，所以可以休息幾日，然之後到咗今日先派卷。

一早番到學校，佢地就已經講緊啲派卷嘅嘢。

「死啦，份通識實炒到仆街！」阿星一黎就講。

「聽日先有通識堂喎，你咪有排驚。」阿月講。

「放鬆啲啦你。」小霖喺我側邊講。

「我邊有緊張姐。」

「仲話冇，眉頭皺得咁緊。」我其實真係好驚份數。

我今日成個人都恍恍惚惚咁，首先就派咗幾樣英文卷，一如以往，閱讀卷70分左右，不過不失。

之後仲有中文卷，閱讀卷始終都係肥咗，不過冇所謂呀，高中啲文10個有8個都炒架啦！寫作反而令我有啲意外，竟然有72分，都算叫幾高分。

.
.
「Good afternoon class!」
「Good morning Mr Kwok！」輪到數學了..

「唔知大家係咪比上次個測驗嚇親，所以肯比心機溫下書，今次都算係有進步！」

「Yeahh!!」全班叫囂。

「不過，可能大家對MC操練比較少，所以做得比較差，不過唔緊要，仲有時間準備！」

「快啲派卷啦好嗎，我就黎煎熬死啦。」我心諗。

「好，而家講下全班最高分果4個先啦！」

「聽到名就出黎拎番份卷啦！」

「第一名係..」

「阿sir點解講第一名先嘅？」阿揚問。

「第一名仲有第二個架咩！」阿星講。

「咪係囉，都係阿言之嘛！」阿王都唔轉彎抹角，直接講。

「之後係第4名，汪映霖！」

「小霖都係得第4..？」

「幾分呀？」我問佢。

「82炸。」82...一個好玄嘅概念。

「第3名...阿月！84分。」勁喎阿月！

「第2名..姚智星！」

「下？！」佢自己都唔太相信。

「Wowwww ！」成班都好驚訝，估唔到佢唔聲唔聲突然爆上黎，我都嚇咗一跳。

「繼續努力，記住你地唔係要高分過佢地，而係要做到自己滿意嘅標準。」阿王呢一句正正諷刺現今嘅教育制度。

香港地，考得低分就注定你係失敗，真係殘酷。

「不過，有位同學係值得讚賞嘅！費子楓...78分！」

「唔係掛？！」唔係講笑，我真係當堂嗌咗出黎。

我一路帶住唔敢相信嘅態度出去拎份卷，直至睇到個分真係寫住78分呢個字我先夠膽相信。

或者78分唔係一個好高嘅分數，但係對我黎講係一個好大嘅肯定，對我係一個好大嘅鼓舞。

今次我最多謝真係小霖，我拎到份卷之後就行咗去佢個位。

「恭喜曬呀！你終於做到。」佢好似眼濕濕咁。

「係..係，我冇辜負到你嘅付出，真係好多謝你。」

「請我食飯呀，當多謝我！」

「九大簋都得啦！」

我食lunch果陣打俾阿媽同佢講，佢聽完之後都開心死。原來父母唔係要求自己做到好好，而係能夠對自己有交待，佢地就好滿足。

放學之後我約咗小涼去KFC食嘢，之後就梗係話個消息俾佢知啦，佢都好戥我開心。

「係喎，你都考完最後一科啦喎。」我講。

「係呀，唔洗再去自修室嚕。」

當佢都唔洗去自修室，就代表我地愈黎愈少機會可以見面。

「唔捨得我呀？」我問佢。

「你就想呀，不知幾唔想見到你。」佢別過臉。

「咁啱啊，我都係。」我就係鐘意鬥下氣。

「係啊？咁以後唔好見囉！」死啦死啦，好似真係嬲。

「講笑炸，講笑炸，不知幾想日日見到你。」

「哼，都唔知邊句真邊句假。」

兩個人嘅關係能夠昇華到呢個階段係最美好，既有啲擺脫朋友嘅關係，又冇情人嘅枷鎖，不過有得揀，我都係想佢做我女朋友。

「係喎，遲啲我同阿言佢地搵咗日出街，一齊啦。」

「會唔會唔係咁好呀？佢地又唔係好熟我咁。」

「我就係想俾佢地認識你多啲，同埋我地去唱K呀，啱曬你啦 Neway 十三姐。」

「有K唱呀！好呀好呀，我去呀！」

於是佢就應承同我地去，阿月佢地都冇咩問題。
.
.
呢一刻，我地幾兄弟，喺星矢吧聚集起黎，為咗一件事而聚集..

又係你呀雀仔，多謝你!!!

真係好正，晚晚睇曬新出果啲先訓

真係好正，晚晚睇曬新出果啲先訓

好感動啊 我以為冇咩人睇

好好睇

不如整張小涼同小霖既概念圖 可能會令觀眾更加深刻