我只不過喺自修室溫書，點知比我遇番佢。

<十二>
散咗BAND之後，我地幾個聖鬥士就去咗星矢吧飲野。

「好耐冇黎啦喎細路。係咪照舊？」娜姐問。

娜姐係個廿七八歲左右嘅女人。呢間野叫得星矢吧，就梗係要有個雅典娜坐鎮。咪睇佢年紀輕輕，佢都好多野都好瞭解，可以話係我地嘅人生導師。

「係呀！唔該娜姐！」我地異口同聲咁講。

「做咩要裝我彈弓姐，明知我都唔再玩呢家野。」一坐低我就問阿言。

「你知架。」阿言講。

「唔通咁耐你仲未放低咩？」阿月問我。

「點放呀，唔係我呢件事會發生咩？你仲叫我點唱翻歌？」

係，我之所以唔想參加個比賽就係怕再次記起果樣野。阿言就係想趁呢個機會要我走出陰霾。

「唔係你係我死黨，我都廢閪事理你啦！總之我決定咗係咁，就要你一定走出呢個陰影。」阿言拍曬枱咁講。

「阿楓你聽下阿言講啦，俾個陰影纏一世你甘心咩？」阿豪同我打一打眼色。

當連阿豪都叫我阿楓，就知果陣環境已經去到一個冰點。我地知道再令阿言發嬲會好大件事。

「好啦，咁我試下啦。」

估唔到咁耐冇去星矢吧，走果陣係咁不歡而散。

臨走前，我地俾錢果陣，阿言問娜姐一句：「係呢，娜姐，阿然佢…好嘛？冇落黎幫手嘅？」

「佢呢排報咗補習班，比較忙，不過幾好，有心。」

阿然…又係阿言心入面嘅一條刺。

翻到屋企之後，我成個人都好亂，所以選擇撻落床咩都唔諗瞓一陣。

食完飯之後，突然諗起今晚要揀好歌交差，唔係又俾阿言柄。反而呢樣係我強項呀。我都聽唔少流行曲，我諗應該唔太難。

我選擇咗落會所自修室諗。唔知幾時開始，自修室就成為我一個好想依賴嘅地方，一有野做，要溫書，都想留喺自修室。

一行入去，果然又見到巴渣妹同佢個friend。究竟佢係咪住係自修室！?

我地對望咗一眼，我唔知點解唔敢行埋去，所以就是但搵個位坐。

原來簡歌都唔係一件咁易嘅事。唔係是但搵幾首串埋一齊就收工。如果係咁我都都唔住自己。我係咁搵個歌庫，都揀唔落手。於是我就行出去自修室啲梳化到抖下氣。

「哈哈，林峯真係超型呀，我都超鐘意佢。」

突然聽到巴渣妹把聲，原來佢同佢個friend都走。我望住佢個背影，突然覺得有啲熟悉。

隔咗一陣..

一陣仲有一篇

<十三>
「做咩咁愁呀，好多野煩？」巴渣妹又翻轉頭，坐咗喺我隔離講。

「關你咩事呀巴渣妹，你唔係走咗啦咩，做咩又翻轉頭？」

「車，人地見你成個人灰咗機咁，先好心翻黎睇下你，估唔到又俾人鬧！仲有呀！我唔係叫巴渣妹！我叫林小涼！」

「算啦，啲衰人都唔領情，我走啦！」

「唔好，陪我傾下計啦。」我情不自禁捉住佢對手講。

其實我冇心捉住佢，但係果一刻真係想佢留係到。之後我就同佢講咗今日發生嘅事。

「哦….咁你啲兄弟都幾為你著想..既然你入選你事實就做好去啦!!」佢聽完之後講。

「係嘅，我知佢地係為我好，但係我實在唔想再諗起果次件事。」

「究竟係咩事呀？」

我靠近佢耳邊，細細聲咁講：「唔話你知！」

「喂呀，衰人！」佢係咁打我以還擊。

「不過咁，我同你一齊揀歌啦，我驚你揀到自修室閂門都未諗掂呀！」

「你得唔得架..？」

「唔得？阿姐我號稱NEWAY十三姐呀！Nuar 」佢又扮鬼臉。

….佢真係好可愛。

之後我就將我地晏就傾嘅野話俾佢知，等佢方便啲諗。搞咗成個鐘。

「呼，終於搞點啦，信我啦，你地確班用呢段medley一定嬴呀。」

「多謝你呀，巴渣妹，夜啦，走啦。」

「都話我唔係叫巴渣妹！」

當我臨瞓前，突然係到諗，今日好似過得特別長。由早起身，食麥記，同小霖
搭巴士，到歌唱比賽，係星矢吧嗌交，直至揀好歌，瞓係床呢一刻，足足係18個鐘。

好彩得巴渣妹...係小涼先啱開解同幫手我先舒服啲。其實佢都幾好人啊，雖然係惡啲，但係又幾可愛。

多謝你呀，林小涼。

推

留名 加油

留名 加油

多謝你!!!!!!!

<十四>
第二日我將個rundown俾佢地睇，佢地睇完都話好掂。

「嘩廢紙，個medley真係你諗架？啲歌揀得好好喎。」阿豪講。

「確實唔錯，有曬起承轉合。」阿言講。

經過一番商討，我地首先決定咗人選。

鋼琴絕對係阿言嘅囊中物。上次隨手彈首約定都繞樑三日。

鼓手係阿堅，BASS同結他係子妮同阿揚。

小霖同阿月，我同詠詩會負責主音而其他就係和音。

「你肯定要咁安排？」我問阿言。

「係！」佢都好堅定。

由於我地級個比賽係得一級參加，所以時間上比較充裕。係獨唱環節完咗之
後，每班至多有8分鐘表演時間。用盡啲時間都唔代表好，因為仲容易會亂同埋做得唔好會好悶。

係禮拜六，我地約咗出去練。我地去咗阿豪舅父嘅BAND房練習。凡果到地方
好闊落，係練習嘅好地方。

「一追再追，只想追趕生命裏一分一秒..」琴聲緩緩奏起，阿言配合住琴聲唱
起《追》。果然係才子呀。呢一刻嘅阿言真係好迷人。

「一追再追，追縱一些生活最基本需要..」之後阿月仲加入埋合唱，變成一幅好美麗嘅畫面，在場嘅人都聽到如痴如醉。

「有了你即使平凡卻 最重要。」

最後呢句由小霖唱出，平淡得黎又不失光彩嘅歌聲，令到第一首歌華麗收尾。呢啲就係學霸之間嘅默契？只係第一次練就已經練好一首歌。

不過接下來就輪到我了…

覺得唔錯嘅不妨留個言
覺得差嘅不妨屌下

唔錯呀
巴打加速

唔錯呀
巴打加速

我會

我一路行去Mic Stand，個心一直砰砰跳。仿佛世界都得翻我嘅心跳聲。我握到個拳頭實一實，神經都繃到十分緊。

「開始啦。」

為何能呼吸這麼好

「你黎睇我比賽好冇？」

能同享多一個清早

「好呀，你唱我一定黎支持你！」

誰還有入夜才共舞

「醒呀！你唔好離開我呀！」

你令我記得 我也要傾訴

「對唔住！」
「對唔住！」
「對唔住！」
.
.

「夠啦！唔好再逼我唱啦！」

我奪門而出，我唔記得我係條街到跑咗幾耐，總之淨係想離開band房，離開我嘅回憶。

當我跑到攰果陣我見到架的士，我諗都冇諗就沖咗上去。

翻到屋企，唔知點解果種不安感仍然未散退，我好想發泄。果一刻，我淨係諗到一個地方，我淨係諗起佢。

我著番鞋，諗住出門口。

「啱啱翻黎又去邊呀？」我阿媽問。

「我落自修室之麻！」

Lm

Lm

感謝

<十五>
喺Band房入面..

「阿楓佢做咩..啊？」子妮唔知道發生咩事，好愕然咁問。

「殊，唔好出聲。」阿星示意佢。

「你而加打算點？」阿月問阿言。

「等佢冷靜下，可能佢未習慣先會咁。」

「你肯定咁樣做真係為佢好？」

「你諗下啦阿月，除咗件事發生果日，你幾時見佢為咗呢件事喊過？佢一直都係死頂炸，如果唔俾佢克服嘅話，佢成世都會活喺恐懼架炸。」阿星講。

呢個時候，小霖突然沖咗出去..
.
.

我落到會所之後，即刻行去自修室。行到入去之後四周圍望，但係都唔見佢。突然有一絲嘅失望，之後我行落去休息區諗住靜下，經過洗手間果陣..

「傻佬，今日咁晏先落黎嘅？」小涼咁啱喺洗手間出黎。

咦！？點解佢又會喺到嘅。

「點解你係到嘅，明明係上面唔見你？」我問。

「頭先上面冇曬位呀，所以就落咗黎溫。」

「等陣先..做咩咁留意我呀？」

「邊…邊有姐，我見唔到你不知幾開心。」

「噢..係呀？咁我走架啦。哈哈。」

「喂等陣，可唔可以陪我傾陣？」

「都feel到你有唔妥架啦，行啦，你唔係想係個廁所門口講呀？」

我地翻咗去小涼坐開果個位，之後我就將今日Band房嘅事話咗俾佢聽。
「你心病都好重喎，究竟之前發生過咩事？」
「你係純粹八掛炸？」
「超，你咁唔好講囉，我只係想幫你，估唔到你咁睇我！」佢愣開臉，好似真係嬲咗咁。
「好啦好啦,我講啦。」

<十六>

「好多人可能成個中學生涯都拍唔到一次拖，又有啲可能拍先覺得係一段黑歷史。但係我比較好彩，我中二果陣識到一個女仔，佢係中二先轉到我果班。因為鄰座關係，我地好快就好熟絡，仲經常唔經唔覺就會有啲曖昧。但係直至中三聖誕節我先同佢表白。」我將呢段唔想再提嘅往事一一話俾小涼聽。

「同佢一齊果半年，我有好多前所未有嘅感覺。佢好靚，引黎好多狂風浪蝶。佢同其他男仔傾計，我試到咩叫呷醋，好彩嘅係佢好堅決拒絕其他男仔。我地行街果陣試到咩叫甜蜜，佢病果陣我試到咩叫肉赤。」

「可惜嘅係，因為佢家庭關係，我地唔可以將戀情公開，唔可以好光明正大咁拍一次拖。身邊都係得阿言佢地..即係我幾個死黨知道。但係我地雙方都唔介意。直至..」

「有一次我同阿言阿月報咗出面嘅歌唱比賽，我地唱咗首《及時擁抱》。佢應承咗我佢會黎，但係唔知點解佢最後冇出現到。」

「比完賽之後先接到佢屋企人電話，原來佢喺黎嘅途中遇到車禍，昏迷前係咁嗌住我個名，佢父母係佢電話搵到我聯絡方法先通知到我。我去到醫院之後同佢父母講出我地嘅關係，佢老豆好嬲，仲唔比我見佢，係我地拉扯期間醫生話佢受到細菌感染，之後就….」

「好老套呀可？係咪覺得自己睇緊大台啲劇？原來人生如戲，戲如人生係真嘅。」

「所以你就一直咁自責？」小涼問。

「根本就係我嘅錯，係我累咗佢，本應佢會有個好好嘅前途，佢地一家三口會好開心咁生活！」我愈講就愈激動。

「佢嘅死令到你唔敢再唱歌，直至呢次比賽..」

「冇錯呀 ！我一唱歌就會諗番起佢呀！」唔知點解講到有啲心抽搐咁。

雖然我同巴渣妹識咁唔係好耐，但係對佢又有一種無名嘅信任，令我好想講曬啲野比佢知，當發泄又好，傾訴又好。

「你一個人自責就大曬呀？！你可唔可以顧下其他人呀！」

嗯?!講野嘅唔係小涼。我地四周圍望，就見到小霖企咗係到。

「點解你..知我喺到？」

「你知唔知阿言佢地為咗你呢件事做咗幾多野？」

「每次一到學校sing-con佢地就會好戒備，好驚你見到台上表演會觸景傷情，」

「係件事發生之後佢地好盡力咁係學校唔俾其他同學提起天蕊，佢地又好怕你
聽到佢個名會做傻事，」天蕊就係我女朋友。

「直至今次個比賽，佢地知道咁落去唔係辦法先一定要你一齊參加比賽，佢地冒住你會嬲佢地，怪佢地嘅風險都要逼你！你估佢地好過癮呀？」

「仲有我呀，你知唔知我幾擔心你呀？你愈冷靜我就愈驚，驚你諗埋一邊呀，你知唔知你好自私呀？」小霖一邊講，眼淚就不斷係到流。我都從未見過佢咁激動。

「但係我真係好對唔住佢啊嘛！」我都忍唔住，伏咗喺小霖膊頭喊。

唔知幾耐之後，小霖佢遞咗張紙巾俾我再開口講：「你當係為咗我，為咗阿言佢地，試下忘記天蕊啦好冇？」

「我嘗試下啦..係喎，你點知我係到？」

「我知打你電話你都唔會聽架啦，所以我打去你屋企問auntie咪搵到你。好啦，翻屋企啦。」

佢真係無時無刻頭腦都咁清醒架喎。

「咦！巴渣妹呢？」

「佢走咗啦！包紙巾都係佢比我嘅。你幾時同人咁熟架？」

「鬼同佢熟呀，唔好講佢啦，走啦。」講完之後唔知點解個心有啲唔舒服。

喜歡嘅留個正評吧

<十七>
經過2日嘅沉澱，我覺得自己都諗通唔少野。

其實生死真係人無法逃避嘅事。可能我係比部分人早咗去接觸死亡，去面對死亡。

我相信天蕊都唔想我就咁放棄咗唱歌。因為唱歌承載住好多野，承載住我班兄弟同小霖嘅付出，承載住我同天蕊嘅回憶。我唔應該辜負所有人對我嘅期望。

之後我地都有再約出黎練習，開頭我都仲係有少少怯場，但係佢地不斷鼓勵我，由其阿豪嘅一句：「兄弟，頂住。」

盡在不言中。感謝兄弟。
.
.
終於到咗比賽嘅日子，我地隊已經準備得好充足。爭在我唔知當我企喺台上果陣可唔可以突破埋最後嘅心理關口。

經過抽籤之後，我地班係最後一隊出場。比賽開始之後，頭果3班嘅實力都好強橫。每個隊員嘅配合都好完美，而且Vocal把聲都可以媲美專業歌手，令到我地增添唔少壓力。

「唔洗驚佢地，做好自己！」阿言輕輕嘅一句，盡顯佢嘅領袖風範同自信，亦令我地士氣同信心大增。

到我地上台了..

Pish

輪到我地果陣，我地係台上SET好曬啲野，準備演出。

「加油加油，5A無敵!!」阿王係台下大嗌，之後我地班隨之吶喊助威。呢個阿王真係。

我合上雙眼，盡量冷靜。

「阿楓加油，我會一直係你身邊支持你架！」

「多謝你，天蕊。」

我向阿言示一示意，佢隨之開始唱。

阿言:「一追再追，只想追趕生命裏一分一秒，原來多麼可笑 你是真正目標」

阿言+阿月：「一追再追 追蹤一些生活最基本需要 原來早不缺少 」

小霖：「有了你 即使平凡卻最重要..」

我：「但願 及時開始擁抱」

天蕊，我會永遠將你放喺心底，

「不必花花天地中 一個玩耍」

永遠記得你，

「凝望世界變化 變二人的畫」

記得你帶俾我小小嘅回憶，開拓一段新嘅人生。
.
.

「今年嘅歌唱比賽冠軍係..5A嘅情人MEDLEY!!」

「WOOHUU！得咗啦我地！」阿豪同阿星同步咁講。

我同阿言、阿月相對望，之後攬埋一齊。

「多謝你地，兄弟。」我講。

「係兄弟就唔好講呢啲。」阿言答。

隨住我地係台上面拎咗個獎，亦都代表住我對過去嘅釋懷。冇咗個枷鎖，成個人都好似輕鬆好多咁。

及時擁抱，一首我一直好鐘意嘅歌，係到share比大家，希望多啲人會認識呢首舊歌
https://www.youtube.com/watch?v=nxfISgVURy4

黎明

及時擁抱

為何能呼吸這麼好
能同享多一個清早
誰還有入夜才共舞
你令我記得 我也要傾訴
捨不得冷倒 病了怎可散步
捨不得跌倒 連累彼此苦惱
為你珍惜 余下漫漫長路
但願 及時伸手擁抱
將一身的保護色都脫下
你叫我發覺原來還會牽掛
(睡著亦懂得牽挂)
但願 及時開始擁抱
不必花花天地中 一個玩耍(孤身多可怕)
凝望世界變化 變二人的畫

為何情感可看得到
連繁星都可每粒數
如何艱巨亦能做到
愛令我記得 哪里有花圃
捨不得冷倒 病了怎可散步
捨不得跌倒 連累彼此苦惱
為你珍惜 余下漫漫長路
但願 及時伸手擁抱
將一身的保護色都脫下
你叫我發覺原來還會牽掛
(睡著亦懂得牽挂)
但願 及時開始擁抱
不必花花天地中 一個玩耍(孤身多可怕)
凝望世界變化 變二人的畫