我係死神，專門審判自殺嘅人

想自殺0既人入嚟睇
好故留名

BTW 我都覺得阿南0既死唔係自卑，而家對世界失去信心，冇晒希望，根本睇唔到將來

世界變成點都唔關自己事了

好故留名

死神係男定女？

死神係男定女？

我估死神係冇性別
不過做人嘅時候可能係男

Live左，好正

快

留名支持

個故好正 推

推啊

支持墨巴
個friend

其實都決定自殺仲報ive好似唔多合理，
慳返五千比老母仲好啦

almost

呀敏
唔出名 因為係劉偉敏
1個爸 1個媽 符合哂劉偉敏身世
出世特別幸運兒=最後係宗一故 特發事件死
其實幾match

btw，加油墨巴個fd 風格一樣

其實都決定自殺仲報ive好似唔多合理，
慳返五千比老母仲好啦

你都唔明
佢報ive個陣根本未知自己想點
由決定自殺去到行動嘅時間可以係好短
一時衝擊就跳咗落去
反而慢慢長期咁考慮嘅人未必咁夠膽跳落去

LM

茶樓，一個人山人海嘅地方。


入面一架架點心車喺唔同檯隔離停低，入得嚟多數都係阿伯、阿叔亦或阿嬸，同我一樣鐘意飲住杯茶睇快報。


不過呢到吵吵鬧鬧，同鐘意寧靜嘅我相反，雜音就好似收音機咁不斷傳入耳內，避都避唔開，極之騷擾。


而佢哋一家，就坐咗喺一個近窗嘅位。


「小敏，有咩想食就寫低。」佢母親和藹一笑，拎咗張點心紙俾佢。


「唔‧‧‧」阿敏拎咗，雙眼無神咁望住張點心紙。



「哇‧‧‧‧‧‧有個啱啱放榜嘅中學生自殺喎。」阿敏父親雙手打開報紙，第一頁就望到阿南死訊：「應該係考得差‧‧‧‧‧‧」



「‧‧‧」阿敏一言不發，望住張點心紙講：「唔係，唔係咁。」


「‧‧‧‧‧‧」佢兩老都不明所以，一同望向自己個女。



「阿南，佢唔會係因為自卑而自殺。」

「阿敏‧‧‧？」佢母親望住佢。


「冇嘢，叫嘢啦。」阿敏繼續目無表情，開始寫點心紙。


直到佢哋將點心紙交上，我就基於好奇心問佢一條問題：


「識得三日，感情又可以有幾深。」


「我唔知，」阿敏眼神一剎放空，說：「可能‧‧‧我曾經感受過佢嘅心情？我想試下幫啲要自殺嘅人。」


「你覺得好偉大？你喺到浪費時間。」


「相比起‧‧‧‧‧‧」阿敏望一望自己右手：「只係一件小事，但與其百無了賴咁過一個暑假‧‧‧我更想，試下代入下佢。」


「佢？」我斜視阿敏一眼。


「或者，有一日我會同你講係邊個？」阿敏撥一撥頸後嘅髮：「我細個識嘅一個人，不過你唔洗搵‧‧‧‧‧‧佢已經死咗。。」

「‧‧‧」


「不過死神，如果你搵佢上嚟，就等於犯禁？」阿敏淺淺地揚起悠白的淡笑：「已經好多年，除咗婆婆之外‧‧‧我最想見到嘅另一個人，就係佢。」


阿敏講出依一句時，冇好似講想見婆婆時嘅傷感，反之，係一種「相信會重逢」嘅表情同眼神。


「啍。」我不自覺低沉發笑：「有趣，佢叫咩名？」


就算帶唔到上嚟，


我都不妨自己走入地獄睇下佢係咩人。


但點知，佢竟然答我‧‧‧‧‧‧



「呃‧‧‧？我都唔知‧‧‧」

「‧‧‧」我無言了。


「阿敏‧‧‧‧‧‧你同緊邊個講嘢？」佢母親探頭問。


「‧‧‧冇，冇嘢。」阿敏隨便講個籍口：「學校有drama‧‧‧我背下對白姐。」


講完之後，阿敏就偷偷回眸銳利咁盯我一眼。


阿敏一家喺茶樓叫咗燒賣、蝦餃、叉燒包、新竹卷、排骨、青椒辣魚肉、沙律春卷。女仔之家佢意外食得，來物不拒，難怪身形均勻。


飲完早茶之後，阿敏就以出街為由同父母分別，其實係根據報章內容，去咗阿南自殺嘅地方。


寶林嘅景琳村。


一大早去到，就見到有個喊到呼天搶地嘅婦人喺阿南跳樓死嘅地方伏低咁喊，畫面慘不忍睹。

墨巴個朋友又係住將軍澳?

阿敏讀寶覺中學?

「節哀順變。」阿敏走過去，安慰道。


「你係第一個，嚟見阿南嘅人‧‧‧」阿南母親大喊一場後，漸漸轉為無聲地飲泣。


「嗯‧‧‧」阿敏答。


「如果知道佢會死‧‧‧我‧‧‧‧‧‧我一定會多啲‧‧‧見佢‧‧‧‧‧‧」佢阿媽擦一擦眼睛。


阿敏拍拍佢膊頭安慰佢期間，就有個保安阿叔行過嚟：「喂，阿嬸！你咁樣喺佢跳樓個位日喊夜喊唔掂喎！返屋企喊啦！！」


「你講咩啊你！！！」阿南母親好激動咁想衝去保安到。


阿敏及時拉住佢：「伯母！唔好激動‧‧‧‧‧‧」


「咁係啊嘛！好多人會投訴嫁大佬！你估我哋保安處好易做呀！？」保安大叔大罵：「你個仔死大哂呀？返屋企喊吧，阿妹拉住佢呀‧‧‧‧‧‧！」


「阿叔‧‧‧你收下嗲啦‧‧‧‧‧‧」阿敏咬牙切齒，用力拉住激動如牛嘅阿南母親。