我係死神，專門審判自殺嘅人

其實個題材樂耐之前都有出現過類似
有興趣既巴打可以睇下
www.dailymotion.com/video/x2keq7k

唉屌live撚左
人生已完

經過咗三十分鐘嘅教導，總算到咗最後步驟──灑落磨成粉狀嘅芝士同煙碎三文魚。之後成碟意粉就正式完成，阿敏就將意粉放喺檯前，同阿寶面對面咁食意粉。


「阿寶，我真係唔習慣見你咁頹。」阿敏叉起意粉，望住阿寶。


阿寶乜都唔講，用手擦一擦臉上嘅眼淚：「我男朋友返工識咗第二個女仔‧‧‧‧‧‧」


「咩話？咁好少事姐傻女，如果佢哋冇單獨‧‧‧‧‧‧」


「之後我發現咗‧‧‧佢哋有單獨whatapps、fb同ig啲貼文又互相tag對方‧‧‧幾個鐘先覆我一次機，我越嚟越覺得‧‧‧佢唔鐘意我‧‧‧」阿寶說。


「咁‧‧‧你有冇同佢講過？」

「有‧‧‧‧‧‧佢淨係話普通朋友‧‧‧」

「咁你就信佢喇喎？」

「我除咗信佢‧‧‧都唔知可以點‧‧‧‧‧‧」


「阿寶，佢返邊到？」

「東皇冠假日酒店‧‧‧」

「我可以一陣陪你去講分手。」阿敏語重心詳咁講：「又或者你可以喺手機講，仲直接。」

「吓‧‧‧‧‧‧但係‧‧‧但係‧‧‧」阿寶睇落好驚。

「但係咩？」

「我‧‧‧我冇諗過‧‧‧同佢分手‧‧‧‧‧‧」阿寶低住頭。

其實個題材樂耐之前都有出現過類似
有興趣既巴打可以睇下
www.dailymotion.com/video/x2keq7k

Page not found

唉屌live撚左
人生已完

rip

又有故追，唔使溫書啦

好高汁 樓主快啲出埋後面個啲啦

你啊媽搵你個度笑到仆街

死神應該食屎/腐爛嘢先覺得好味

快啲出文啦又live 左啦

「其實呢，明知自己有女朋友嘅男仔仲同第二啲女仔咁曖昧不清，都要唔過啦？阿寶你自己話係咪。」阿敏說。


「係‧‧‧但係‧‧‧又唔洗即時分手咁嚴重‧‧‧」阿寶答。


「咁你有冇警告過佢，唔好再同個嗰女仔行咁埋？」

「有‧‧‧」

「結果呢？」


「都係一樣‧‧‧」


「對你愛理不理？」

「唔‧‧‧」阿寶點頭。


「長痛不如短痛，阿寶！」阿敏伸手去拍一拍佢個頭。


「咁一陣就去搵佢‧‧‧‧‧‧」阿寶睇落好冇自信。


就係咁，食完意粉後，阿敏就陪佢去阿寶男朋友做嘢間酒店，打算接佢放工，順便問清楚佢同個位女仔嘅事。


點不知，阿寶一去接佢男朋友放工個陣，佢男朋友見到佢就好似嚇咗嚇咁，而我同阿敏則企喺一邊，先作觀察。

一撳f5就有
加油呀墨巴嘅朋友

我已經看到結局了

死神最後鐘意左女主
之後番番去以前阻止女主自殺

「哇‧‧‧你做乜過嚟啊‧‧‧」佢男朋友望住阿寶，一副估唔到嘅樣。


「接你放工囉‧‧‧」阿寶答。


「哦‧‧‧」佢男朋友愕然咁點一點頭，然後就拎部手機出嚟一路行一路撳。


我同阿敏亦都開始跟住喺佢哋身後‧‧‧‧‧‧


「一齊去食嘢啊‧‧‧？」阿寶問。


「唔啦，啱啱酒店入面食咗。」佢男友答。


「唔‧‧‧‧‧‧」阿寶突然伸個頭望下佢部手機：「佢覆緊邊個？」

「朋友渣嘛‧‧‧」佢男朋友即刻拎開部手機。


「咁神秘‧‧‧‧‧‧」阿寶更加頹。


「肯定背住阿寶‧‧‧有第二個女仔‧‧‧‧‧‧」阿敏握住拳頭，目光銳利咁盯住阿寶男朋友。


「咁‧‧‧我哋行下街啊？」阿寶又問。

「真係有啲攰‧‧‧下次先啦。」佢男朋友拍拍佢膊頭。


「其實‧‧‧你係咪想同我分手？」阿寶企喺到問。

佢男朋友呆咗呆，好長氣咁答：「唔係～～」

「咁你又咁對我‧‧‧！？」


「我點對你啊‧‧‧我係咁嫁啦，不嬲我都係依種性格嫁喎‧‧‧‧‧‧」

「都唔係咁嘅‧‧‧」阿寶厭惡咁望住地下。

「唉‧‧‧」佢男朋友嘆咗口氣。


「佢根本就等緊阿寶講分手。」阿敏企喺一邊望住，搖咗一搖頭。

我已經看到結局了

死神最後鐘意左女主
之後番番去以前阻止女主自殺

有雞先定有蛋先

其實個題材樂耐之前都有出現過類似
有興趣既巴打可以睇下
http://www.dailymotion.com/video/x2keq7k

Page not found

叫死亡遊行 動畫黎

「點解唔直接講？」我望住依一幕畫面：「鐘意就鐘意，唔鐘意就唔鐘意，點解要辛苦自己。」


「因為佢想迫阿寶講分手先‧‧‧唔想搞到自己個衰人咁，或者令自己個心好過啲？死神，你好難會明。」阿敏淡淡咁道出一句：「因為世界好簡單，人類好複雜。」


「‧‧‧」我望住佢兩個。


「咁‧‧‧‧‧‧試下分開先囉，暫時做番住朋友先？」佢男朋友提出。


「你都痴線嘅‧‧‧！」阿寶喊住咁拍打佢身體：「你連諗都冇諗過要挽留我‧‧‧‧‧‧你根本已經唔鐘意我，如果係咁就唔好浪費我時間啦‧‧‧！」


「‧‧‧對‧‧‧對唔住阿寶，我都唔知‧‧‧」佢男朋友完全唔知要點做。


「賤格。」阿敏行過搭住阿寶膊頭：「阿寶，返去先。」


「你係‧‧‧」佢男朋友望住阿敏。


「死神！幫我認住依個賤男嘅樣。」阿敏說。


「‧‧‧」又關我事？


「阿寶‧‧‧我返去再whatapps你‧‧‧‧‧‧」佢男朋友講完，就一面愧色咁行返屋企。

留名

「嗚嗚嗚嗚嗚‧‧‧‧‧‧」阿敏送咗阿寶返屋企，成程阿寶就不斷係咁喊。


「阿寶‧‧‧雖然我都唔知可以點樣安慰你‧‧‧但係，你要頂住啊！」阿敏坐喺佢隔離，不斷安慰住佢。


但對阿寶嚟講，就好似已經乜都聽唔入耳，講乜都冇用。


「哎唉‧‧‧死神！你有冇嘅嘢法術係可以令阿寶忘記依一切嫁？或者等佢唔好咁傷心？」阿敏問我。


「冇。」我抱住手，企喺一邊斜視住佢哋：「要忘記一個人，根本就唔洗任何法術。」


「講嚟聽下‧‧‧」


「時間。」我說：「時間可以令你遺忘一切，包括傷痛。」


「但係‧‧‧」


「傷痛係必然，最重要係‧‧‧」我將視線從佢哋身上移開：「有再一次企番起身嘅勇氣。」


阿敏凝望住我側臉，似乎望得入神，然後默默點頭：「嗯‧‧‧我明。」


「嗚嗚嗚嗚‧‧‧‧‧‧」阿寶依然喊唔停。


「阿寶，繼續喊啦‧‧‧痛就一定嫁啦，最重要係你要捱得到啊。」阿敏繼續撫掃佢背脊。

「我‧‧‧我習慣唔到‧‧‧‧‧‧我習慣唔到得自己一個‧‧‧我習慣唔到一起身冇佢嘅早晨‧‧‧冇佢嘅晚安‧‧‧我已經習慣唔到抽離唔到‧‧‧點解佢可以咁殘忍‧‧‧‧‧‧咁恨心‧‧‧」阿寶真的傷透了。



有人說，時間是「治癒」一切傷痛的最好良藥。


但與其說是「治癒」，倒不如說，是「遺忘」。



遺忘你對他的所有情感。

支持 幾好睇

阿寶就死,邊有時間遺忘

好好睇 留名

好睇

大概夜晚八點左右？因為阿寶嘅屋企人已經返嚟，佢又喊得七七八八，所以阿寶都已經收哂聲，得番啲乾淚。


阿敏知道佢仲會喊，但都冇辦法，因為佢自己都要番屋企食飯。


「唉‧‧‧遇著一啲咁嘅男人真係慘。」阿敏搖一搖頭，好似諗唔通咁：「連光明正大，直直接接同你講分手嘅勇氣都冇。」


「你有遇過？」我問。


「我‧‧‧？！我‧‧‧‧‧‧當然冇啦。」阿敏回答。


「竟然‧‧‧」


「竟然‧‧‧？！你講到我好似遇過咁喎，死神‧‧‧」阿敏突然向後一跳，一手挽住我後頸：「估唔到呢？」


「點解唔遇番個。」我瞬閃到阿敏身後，阿敏就突然變咗挽住空氣，差啲搞到平衡唔到。


「你唔覺～」阿敏嘆咗口氣，說：「呢個世界啲人好偽善咩？」

「偽善？」

「我敢講，鐘意我嘅人‧‧‧十個有九個都係因為我個樣，」阿敏望住前方嘅路，有啲不是味兒：「真正睇內在嘅，又有幾多個？」

「‧‧‧」


「就算佢哋講係睇你內在，你又可以信得幾多？所以我覺得‧‧‧‧‧‧」阿敏笑一笑：「冇經歷過生死嘅戀愛，都係假嘅。」


「原來想同你拍拖要交埋條命出嚟，犠牲真係大。」

新讀者留名

「拍拖咁神聖嘅事，當然要同生死關勾啦～！」阿敏得逞咁講，但我知道佢講緊笑：「而且其實人‧‧‧根本就唔一定要拍拖先生存到，就算自己一個都可以活得好好的！係唔點解依個世代嘅人講到唔拍拖就唔正常咁姐～～」


返去之後，阿敏就依然喺whatapps安慰阿寶，但我知道阿寶離真正嘅死亡不遠，死因亦都係為情自殺。


不過我冇刻意去提阿敏，因為我一早已經同佢講過‧‧‧‧‧‧


死亡，一直都喺每個人身邊。



離開阿寶嘅死期仲有一個星期，今啱，阿敏一家人喺依一晚就去到阿寶男朋友間假日酒店食自助餐。阿敏顯然有啲反感，但為咗食夜晚個餐都要去下。


所謂自助餐，就係酒店將所有食物擺哂出嚟，然後任由你自助去選擇。然而，係我面前嘅畫面，就好似一堆腐爛臭魚雞蛋放喺張檯面前，而人類仲好開心咁揀選緊食邊個內臟位置好。


「哇‧‧‧爸爸，你做咩拎咁多牛油返嚟？」阿敏望住自己父親碟上一疊細盒牛油。


「老公‧‧‧你生吞牛油啊？」佢媽媽都笑道。

「啊？原來唔係啫喱嚟嫁‧‧‧‧‧‧」佢阿爸爸抓一抓頭髮。


「你有老花啦～～」阿敏用拳頭按一按去太陽穴。