737 Like
12 Dislike
忠奸人
2017-05-11 20:37:19
做咩轉左搞gag style
LeFlop_James
2017-05-11 20:58:17
樓主加油
美國臘腸
2017-05-11 21:02:55
又撚厹宏老豆
我愛怕醜仔
2017-05-11 21:05:25
上帝個混醬更加無可能會得閒去插手,干預生命
笑到我
派膠大王
2017-05-11 21:20:36
屌 live咗
以前高登有追墨說啲故 依家佢朋友寫
留名先
我估戲情其實係死神搵返佢失去既感覺
因為當年係女主面前離開既無名男就係主角
而且唔知點解feel到sad end既節奏
會唔會係咁
幸運兒
2017-05-11 21:36:05
之後嘅個一日夜晚,我望住窗外夜幕嘅景色,知道時間已經無多,逗留咗喺人間都已經一段時間。
就喺我沉思緊阿敏「逆天」所有有可能嘅原因之時,佢突然發開口夢,從表情嚟睇似乎十分之驚,所以我就決定潛入去睇一睇。
喺個嗰夢入面,地點係一間醫院。
入面一個人都冇,十分之寧靜‧‧‧‧‧‧靜得恐怖。
突然,我聽到盡頭雪白嘅走廊,有一個細路女跑過嘅身影,我就立即上前去追趕。
發現個嗰細路女好驚咁逃避緊某啲嘢,我上前去追睇,發現佢根本係細個版嘅阿敏‧‧‧‧‧‧
佢抬頭望一望我,就立即抱住我對腳‧‧‧
就正當我想問佢咩事個陣,另一邊盡頭處就出現咗一隻怪物。
隻怪物頭髮飛散、面目獰惡、背脊上卻出奇地係一雙天使翼,拎住一把十字架似嘅大鎬。
阿敏一見到佢就好驚,顯然係因為佢而逃跑。
「到底‧‧‧你發生過乜事。」我望住抱住我隻腳嘅佢。
就正當隻怪物想衝過嚟之際,我抱住阿敏離開,一直跑,跑到好遠處先停低。如果冇估錯?個隻怪物大概就係阿敏嘅夢魔。
直至夢境消失,我從去夢中離開。
喺夢裡我確定咗一件事,
廳上佢細個同一家人喺醫院合照嘅個一張相,可能同佢個夢好有關連,而且影響佢好大,更可能係關佢「生死逆天」。
睇嚟要搵一搵係邊間醫院先。
撩襪絲
2017-05-11 21:49:29
文呢
幸運兒
2017-05-11 21:51:07
同一時間,為咗全方位了解阿敏屋企家庭背景,調查埋佢上一輩有冇關係,所以我喺黎明之前落番地獄,以飛快嘅速度喺「審判之路」上,搵到佢無幾耐之前死去嘅婆婆。
慶幸,佢阿婆尚未進入審判階段,所以仲喺地獄亡路搵到佢。
「凡人。」我企喺佢面前。
「啊‧‧‧?」佢婆婆抬頭望住我。
「我係死神,亦都係審判你死亡嘅使者。」
「‧‧‧」
「如今,我會問你一連串問題,你必須誠實回答。」
「嗯,往生者的神。」婆婆雙腳跪下。
「你同你老公職業。」
「生前我老公係一位牧師,而我係一位基督教傳道者。」
即係阿敏母親生於一個宗教色彩濃烈嘅家庭裡面。
「你個女曾經未婚懷孕?」聽今日個位女信徒係咁講。
「嗯。」
我啪一下手指,立即翻查「魔鬼交易記錄」,發現佢哋成個家族或者祖先都冇一個人曾經同魔鬼有過交易,咁應該唔關事。
「已經冇事,繼續上路吧。」我說。
「嗯。」說罷,佢婆婆繼續上路。
豆子先生
2017-05-11 22:08:16
信耶都要落地獄
幸運兒
2017-05-11 22:25:42
一般同過魔鬼交易嘅人,魔鬼都會以佢哋後代子孫作為代價,但係阿敏成個家族都冇人同魔鬼交易過,而佢哋當中又冇人擁有神脈嘅血統。
咁理論上,就應該唔關鬼神之說。
第二日,阿敏一醒就叫住我,好似經歷完啲咩咁個心仲怦下怦下咁。
「死神‧‧‧死神‧‧‧!」阿敏一醒,就不斷叫我。
「嗯?」我現身喺門前。
「琴日我發咗夢‧‧‧‧‧‧」
「所以?」
「我夢到你啊‧‧‧」阿敏抬頭望住我:「你抱住咗我,不斷跑。」
「‧‧‧」
「個感覺,就好似‧‧‧當年喺醫院拯救我個嗰人咁。」
「喺醫院拯救你嘅人,你指個嗰連名都唔知嘅男仔?」
「我指嘅拯救‧‧‧並唔係單純咁嘅拯救‧‧‧‧‧‧」阿敏望實住我:「而係,佢拯救咗我個心。」
「你係咪想搵番當年救你個嗰男仔叫咩名?我可以幫到你。」
「你唔係一定要知佢個名‧‧‧?先可以喺地獄搵到佢?」
「雖然唔知佢個名,喺地獄我就搵唔到佢。」我望一望錶:「不過喺人間所有出入院記錄、犯罪記錄、出入記錄,依啲都會有部電腦記錄低,只要你講出當時預見佢嘅時間、地點,我都可以靠自己能力略略搵到一啲頭緒。」
「又會突然咁好死嘅‧‧‧」
「因為我唔留得喺人間太耐。」
「點解‧‧‧」
「因為地獄每一萬年,先等於人間一年。」我另轉頭望一望阿敏房內嘅日曆:「換轉番嘅話,我已經離開咗地獄好耐。」
「咁你落番地獄一年之後咪會唔記得好多嘢?!足足一萬年‧‧‧但我喺呢到都只係過得一年‧‧‧‧‧‧」阿敏愣住。
「時間就係殘酷,唔需要太將我放喺心。」我拍一拍阿敏膊頭:「我又唔係你朋友,記住我都無用。」
所以,喺一切完結之後,我會將你記憶刪除。
時間會將我對你嘅憶記遺忘,而我會親手將你記憶刪去。
派膠大王
2017-05-11 22:28:38
一般同過魔鬼交易嘅人,魔鬼都會以佢哋後代子孫作為代價,但係阿敏成個家族都冇人同魔鬼交易過,而佢哋當中又冇人擁有神脈嘅血統。
咁理論上,就應該唔關鬼神之說。
第二日,阿敏一醒就叫住我,好似經歷完啲咩咁個心仲怦下怦下咁。
「死神‧‧‧死神‧‧‧!」阿敏一醒,就不斷叫我。
「嗯?」我現身喺門前。
「琴日我發咗夢‧‧‧‧‧‧」
「所以?」
「我夢到你啊‧‧‧」阿敏抬頭望住我:「你抱住咗我,不斷跑。」
「‧‧‧」
「個感覺,就好似‧‧‧當年喺醫院拯救我個嗰人咁。」
「喺醫院拯救你嘅人,你指個嗰連名都唔知嘅男仔?」
「我指嘅拯救‧‧‧並唔係單純咁嘅拯救‧‧‧‧‧‧」阿敏望實住我:「而係,佢拯救咗我個心。」
「你係咪想搵番當年救你個嗰男仔叫咩名?我可以幫到你。」
「你唔係一定要知佢個名‧‧‧?先可以喺地獄搵到佢?」
「雖然唔知佢個名,喺地獄我就搵唔到佢。」我望一望錶:「不過喺人間所有出入院記錄、犯罪記錄、出入記錄,依啲都會有部電腦記錄低,只要你講出當時預見佢嘅時間、地點,我都可以靠自己能力略略搵到一啲頭緒。」
「又會突然咁好死嘅‧‧‧」
「因為我唔留得喺人間太耐。」
「點解‧‧‧」
「因為地獄每一萬年,先等於人間一年。」我另轉頭望一望阿敏房內嘅日曆:「換轉番嘅話,我已經離開咗地獄好耐。」
「咁你落番地獄一年之後咪會唔記得好多嘢?!足足一萬年‧‧‧但我喺呢到都只係過得一年‧‧‧‧‧‧」阿敏愣住。
「時間就係殘酷,唔需要太將我放喺心。」我拍一拍阿敏膊頭:「我又唔係你朋友,記住我都無用。」
所以,喺一切完結之後,我會將你記憶刪除。
時間會將我對你嘅憶記遺忘,而我會親手將你記憶刪去。
Feel到我上邊個推測有一部分正確
幸運兒
2017-05-11 22:56:26
阿敏聽完之後無聲出,似乎都唔知講咩。
於是,我選擇破冰:「咁你就講下俾我聽,當年嘅事,到底佢點樣救你。」
阿敏愣咗一陣之後,先回神過嚟,走出去廳拎起一張相俾我睇,就係個一張佢哋一家喺醫院嘅大合照,阿敏個陣同依家個樣一樣‧‧‧‧‧‧落寂。
「你應該有睇過呢張相?」阿敏拎起張相,坐喺自己張床上望住。
我點頭。
「細個嗰陣,我試過俾一嫁車撞到入咗醫院。」阿敏望一望天花板,繼續講:「大概係小學個陣?我一直沉睡咗好耐‧‧‧直到我醒番之後,我因為知道咗某啲事所以好傷心,而拯救我嗰一個男仔,佢就訓喺我隔離床。」
「之後?」
「有一日,我無意中聽到佢一班親戚嘅對話,全部都係講緊爭家產之類嘅說話‧‧‧個男仔似乎好有錢,我只係知道佢都係因為一場車禍,而入院,但更慘嘅係,全家得佢一個倖存。我哋又咁啱係隔離床,所以就傾咗好耐計,互相安慰對方,雖然一床之隔我哋相處咗一段時間。
直到有日,我訓緊嗰陣模糊咁聽醫生同我屋企人講‧‧‧我器官有部份開始慢性衰竭特別係心臟,我淨低嘅日子唔多。雖然捐贈名冊之中我係排第一,不過都係無止境嘅等待‧‧‧‧‧‧」
「‧‧‧」
「‧‧‧直到有一晚,個男仔同我講最後一次道別,叫我以後要好好生存落去。」阿敏摸住自己心臟嘅位置:「第二日嘅朝早,我就突然俾醫生推去做換心手術,我康復個陣好開心想同個嗰男仔講,我捱過咗啦‧‧‧我想問佢個名,不過佢已經唔喺到。
我問護士姑娘佢到底去咗邊‧‧‧姑娘答我佢去咗好遠好遠嘅地方,而佢班親戚嚟到之後‧‧‧‧‧‧我就隱約聽到佢哋講乜嘢自殺‧‧‧就嘆住氣咁離開。」
「即刻話,你認為係個男仔自殺,拎到自己可以捐心俾你?」
「我唔知。就算講‧‧‧‧‧‧都唔會有信。」阿敏用手擦拭眼角位置:「不過呢,我信係佢救咗我,所以我每次企上天台想自殺個陣,都會諗起佢‧‧‧佢叫我好好生存落去個一刻,我個心,就好似感受到佢咁,所以‧‧‧我仲有咩原因要自殺呢?」
富士飛行機
2017-05-11 23:07:51
Live左
派膠大王
2017-05-11 23:07:57
同我預想發展一樣 果然男仔係死神
幸運兒
2017-05-11 23:08:04
「明白。」我點一點頭:「多口一問,咁你為乜想要自殺。」
「或者有日你會知呢?」阿敏輕淡咁笑一笑:「刷牙先~」
望住依個喺我隔離經過嘅女仔,如果佢唔講,我都唔知道佢曾經發生過一件咁嘅事。
阿敏話亦都係因為咁,所以往後嘅人生佢都好努力喺每一方面,包括讀書同運動。
如果真係因為上述所講嘅事,咁唔通係個嗰男仔仲生存緊‧‧‧‧‧‧從而令到阿敏性命逆天?
冇可能‧‧‧
一個冇咗心臟嘅人類仲點生存。
「啊‧‧‧」我撥一撥頭髮,望住今日喺窗外升起嘅太陽:「不過總算搞清楚咗一啲事。」
豆子先生
2017-05-11 23:17:24
之前係咪有段講死神無啦啦感受到心跳
乞食大學生
2017-05-11 23:23:58
之前係咪有段講死神無啦啦感受到心跳
哈爾移動吾到
2017-05-12 00:14:32
真係好好睇呀!多謝樓主