我係死神，專門審判自殺嘅人

地獄嘅權依然係 神嘅 死神最多只係 神隻馬

地獄嘅權依然係 神嘅 死神最多只係 神隻馬

唔知點解我覺得好似一套叫鬼怪既戲 不過正評左

劉_敏

死神扮教父 啲tone好戇鳩

「當‧‧‧當年劉憶悅太太佢未婚懷孕‧‧‧‧‧‧佢又係我哋之中最‧‧‧虔誠嘅信徒，所以‧‧‧‧‧‧所以我哋大家都‧‧‧對佢有少少厭惡同批鬥成份‧‧‧‧‧‧林牧師‧‧‧！你都有份嫁！」其中一個阿嬸講。


「未婚懷孕？咁少事都要批鬥。」我淡然地說。


「對個陣年代嘅我哋嚟講‧‧‧就係一件好驚天嘅事‧‧‧‧‧‧何妨劉太太佢‧‧‧家族全部人都係虔誠嘅基督教徒，佢爸爸又係牧師‧‧‧都有一定地位嫁嘛‧‧‧‧‧‧我哋咪覺得好唔應該囉‧‧‧不過佢已經都好似過得幾好啊‧‧‧‧‧‧？」阿嬸尷尬咁笑：「牧師，我哋都知錯嫁啦，以後唔亂講嘢‧‧‧！」


「冇用，上帝同我講‧‧‧你哋點悔疚都無用，會落地獄，一世不得超生，永遠輪迴！再見。」我喺兩個阿嬸面前利用瞬間轉移離開花園，並變番自己正常嘅樣。


「啊呀呀呀呀呀呀呀──！！！！！！」遠處傳嚟個兩位大嬸歇斯底里嘅尖叫聲：「上帝唔好呀！！！我由六歲就開始去教堂唱聖詩‧‧‧！！！我要上天堂呀！！！」


真係估唔到阿敏母親係出生自一個虔誠嘅基督教家庭。


不過咁同阿敏逆天壽命冇乜關係，就算前人積咗幾多陰德，都冇可能會影響到依種地步。


上帝個混醬更加無可能會得閒去插手，干預生命。

混醬

不過可以繼續向依個方向調查落去‧‧‧


「哇‧‧‧」阿敏咁啱行出嚟，望住教堂後花園個位：「啱啱有兩個女人發咗癲咁大叫喎，死神你睇唔睇到？」


「‧‧‧」我搖頭。


「喂‧‧‧！」阿敏突然拉拉我手袖，說：「現一現身啊。」


「原因。」


「我未食早餐啊，陪我啊。」


「No」我頭另左邊。

「答Yes la～」阿敏佢望左。

「No」我又另番右邊。

「Go to die la！」佢望右。


「Hi，阿敏！自己一個啊？」呢個時刻，我嘅救星出現了──阿宏。

「吓‧‧‧！又係你啊？‧‧‧‧‧‧啊！‧‧‧唔係唔係！」阿敏搖一搖頭，重申講多次：「咦，阿宏，咁啱嘅？」


「‧‧‧‧‧‧」阿宏愣咗幾秒，然後重拾爽朗笑容，喺到瘋狂讚自己：「係啊，孝順仔，幫家人祈禱啊嘛！我仲會幫屋企人做家務架～每個月家用‧‧‧‧‧‧至少俾人工嘅一半添！」


「哇‧‧‧哈哈哈‧‧‧‧‧‧」阿敏好假咁笑，說：「你呢啲真係孝順仔嚟。」


「阿敏？」阿宏自信地望一望左右兩邊：「男朋友陪你唔到？定係唔想陪你返教會啊‧‧‧講開又講啊，我哋又幾啱喎，大家都信基督教！」


「我俾阿媽迫住嚟‧‧‧‧‧‧」阿敏細細聲咁講。


「係呢，咁得閒，一齊去食早餐好冇？」阿宏問。


呢個時候，阿敏竟然一臉求助咁望住我，好似把不得要擺脫呢條友咁。老實講，有邊個會鐘意一出場就俾人串，但我唔喺現場嘅時候‧‧‧佢都竟然串我‧‧‧‧‧‧


「老實講‧‧‧你個嗰自閉男朋友真係唔係太掂！」阿宏將個頭傾前，搖一搖頭：「佢雙眼啊、個嘴啊、個表情啊‧‧‧‧‧‧次次都好似想殺人咁樣，真係唔似我咁cheerfulness囉。」

推一推先

所以，我決定‧‧‧


「死‧‧‧男朋友！」阿敏望到喺另一邊默默現身，出現嘅我：「你陪我食早餐啊！？」


「吓‧‧‧阿敏，你叫自己男朋友做男朋友‧‧‧！？」阿宏望到我之後，臉色顯然開始有啲驚。


我行到去阿敏身後，直視住阿宏。


「早晨！」阿宏扮作驚都未驚過咁，同我打招呼，可惜無受到我理會：「哈哈哈‧‧‧‧‧‧咁冇禮貌都有嘅！」


「阿宏。」我望住佢。


「吓？」阿宏愕然咁望番我。


「你唔洗食早餐，你阿媽煲咗湯俾你。」我說。


依個時候，阿宏手機響起：「喂？阿媽？」


「宏仔，我煲咗明火老湯俾你同你阿爸吖！快啲返嚟飲！」佢阿媽把聲喺手機中傳出。


「喔‧‧‧好啊‧‧‧」阿宏答完，就得逞咁望住我：「唉，屋企人太錫我，Sor，返屋企飲湯～但阿敏你可以上嚟飲埋一份。」


「哎‧‧‧哎吔！！！！！！！」突然，手機裡頭傳出極大嘅跌嘢聲。


「阿媽你咩事呀！！？」阿宏急問。

「我唔小心倒瀉成煲湯落你阿爸身上呀呀呀！！！！佢熱到彈起大叫啊！！！！！」佢阿媽大叫。

「咩話！！！！！！」阿宏嚇到眼都突埋，即刻跑番屋企：「報警先啦！我跑緊返嚟‧‧‧‧‧‧！！！」

阿宏老豆好慘呀

真係比個仔累死

忍唔住留言。
好仆街，咁嚇兩個大嬸

阿宏出現一次代表佢老豆一次不幸

佢老豆好慘

阿宏老豆

屌 家有喜事打針場面
係唔係都黃百鳴中招

阿宏一出 佢老豆一定賴嘢

( Show Blocked User - 幸運兒 )

見到阿宏笑到我傻

( Show Blocked User - 幸運兒 )

on9

出文未