我係死神，專門審判自殺嘅人

「死神...係你？」漆黑嘅房間中，佢一起身就係問依一句：「你啱啱係咪...係個夢入面抱起我......」


...


「你...真係存在？」阿敏明知四處黑暗，都想見到我：「啱啱......多謝你。」



我繼續無應佢。



「你唔答我唔緊要...」


「噠」我啪一下手指，房間嘅燈即刻亮起，我亦如佢所願出現咗喺佢面前：「係我。」


「果然係你，」阿敏突然就向我一個撲抱：「多謝你...」


「...」


「好耐...好耐都無個人可以俾我依賴。」敏佢抱得好緊。


「唔洗多謝...我只係需要知道喺你身上發生咩事。」我說。

過咗一陣，佢就放開咗我：「你...想知道啲乜。」


「敏，點解你想自殺。」


「......」佢好似諗咗一諗，然後講：「好...我講俾你聽都得。」


「有條件？」


「係，」佢望實我，講：「你要帶我去睇幾個自殺案例，佢哋自殺嘅理由說服到我點解一定要死、非死不可，我就同你講我想自殺嘅原因。」


「...」


「成唔成交！」


「考慮。」


「咁算囉~」


「聽日早啲起身。」我望一望手錶：「三日後，將軍澳會有個男人高處墮下身亡，俾你去睇佢死前三日嘅生活。」

好似好正咁

第二日，阿敏好早就起身，換好一身長牛仔褲、T-shirt同格仔長袖薄外套，就跟住我出發。


「你講個嗰人...真係會喺三日後跳樓？」出發個陣，敏再一次問。


「嗯，死神從來唔會有錯。」我望住敏佢：「除咗你。」


之後，佢帶我去乘搭一個叫「地鐵」嘅人間交通工具，對於可以瞬間轉移嘅我嚟講，係何其浪費時間。


「啊...唔知啲人會唔會覺得我係痴線呢？」阿敏喺地鐵入面望住我：「對其他人嚟講，佢哋好似見你唔到？」


「佢哋已經當你係痴線。」我望住周圍嘅異光，都望住阿敏佢。


「無所謂啦，做自己喇，哈哈哈哈！」佢大笑。


好難相信，佢依種女仔會自殺。

到站之後，我帶住佢去搵個一嗰男仔。搵到佢個陣，佢喺一間叫漁民嘅日本料理店同一班人食緊飯。


「見唔見唔到著天藍色外套個嗰人？就係佢。」我望向店舖入面，三日後即將會死個一嗰男仔。


「吓...真係佢？」同我一樣遠處觀視緊佢嘅阿敏，有啲唔信咁問我：「佢呢家仲同班朋友笑得好開心喎......」


「你平日喺學校都係。」我淡然地答。


「...」阿敏望一望我，然後徑自走入個間日本料理店──漁民。



「幾位小姐？」店員阿嬸走出嚟問。


「兩杯熱茶啊，兩個。」阿敏坐咗喺個嗰男仔嘅鄰座。


「真係貼心。」我坐喺一邊，望住阿敏。


「佢叫咩名？」阿敏細聲問我。


「你自己問。」

又追到live

lm

高汁留名

lm

高質

Lmlm

「阿南，你今年自修點啊？」隔離檯六個人，其中一人向仲有三日命嘅男主角問。


「我...ok啦，應該好過上年嘅。」阿南尷尬咁笑住答。


「原來佢叫阿南...」阿敏望住佢，喃喃自說：「喂...死神！望住一個就快死嘅人...知道佢就快死，原來感覺係咁奇妙......」


「的確係。」我望住阿敏雙眼。



「你知唔知啊？你派榜入到大學嘅話，一定要報Ocamp呀！正到癲，又識到女，成班人又玩得喪喎！！」另一個男仔講得興奮。


「仲有仲有！第二年一定要入hall！好爽嫁，有機帶埋女返去都得啊！」另一個男仔搶住答。


「白痴～入到去當然就識番啲有錢仔有錢女，咁你第時出嚟社會個陣都叫識個人啊嘛，入面好多有米仔嫁，猶其讀神科個班啊。」有個女仔忍唔住回應。


「哇。。。聽落好好，我都好想...」阿南雙眼一副期待。


「哈哈哈，阿南你差幾日放榜渣嘛！上年失手，今年再嚟。話時話，記唔記得中六個嗰惡霸袁浩強啊！？聽講佢入咗i大啊，哈哈哈～人哋i大生嚟喎，以後見到記住同佢打聲招呼啊。」啱啱嘅男仔又講。


「哈。。。哈哈哈。。。」阿南尷尬咁配笑。


「小姐，想要啲咩？」侍應禮貌咁行過嚟，問阿敏。


「你食啲咩啊？」阿敏望住我，取而代之係其餘人的異光。


「為咗你自己好，出街個陣就當見我唔到，我指多人個陣。」我說。

「唔緊要喎~」阿敏翹起二郎腿，說：「唔介意啲人點講我。」


「咁隨便你。」


「阿姐，要份海膽手卷同京蔥魚腩飯。」阿敏落單。


「好。」侍應寫完單，就返入廚房。


我望住阿敏食完依餐飯之後，隔離嗰檯嘅人都已經準備埋單離開，從阿敏眼神睇嚟，佢似乎已經想要完全探究一下個位阿南。


「阿南，一唔一齊去銅鑼灣行下街啊？」佢哋其中一人個人問。


「唔啦...哈哈，我琴晚冇訓，返屋企訓一訓先。」阿南答。


大家各散東西後，阿敏跟隨阿南其後，而我則以步行的方式跟在阿敏的背後。除了她做出強行阻止阿南自殺的行為之外，我基本上不會出手去干擾她的行動意志。

我也倒想看看這個人類，會怎樣做。


阿敏一直跟住阿南，一直跟佢去到寶林一個小村入面，佢行咗入一間七仔便利店之後，就除低書包，走入員工房入面換上便利店職員制服。

「原來佢做七仔嘅...又話自己想返屋企訓下，原來係瞞住班朋友。」阿敏點一點頭：「如果係咁...佢自殺死因唔會係DSE呱？好似真係仲有三日就放榜......」


「死神！」阿敏突然轉頭望住我。


一直抱住手觀視一切嘅我，淡淡抬起眼角斜視佢：「講。」


「我可唔可以阻止阿南死？」


「...」


「我想試下...」阿敏眼神充滿住熱腔：「我覺得...如果可以救番一條命，會令我過得更實在，冇嘢俾救番一條命仲要寶貴！」




「隨便你，如果你有能力。」我答。

高質

多謝

一開始睇，有d想試下，睇黎講得多真係會當左係一個解決方法

係咪俄羅斯既巴打殺到黎了

時間會沖淡一切

好似幾有趣
留名

留名

「有你呢句就得，你唔會好似《死神來了》咁整死...阿南嫁嘛？」阿敏疑惑咁望一望我。


「《死神來了》？」


「呃...你當人間嘅一套恐怖片啦，不過對你嚟講應該係喜劇？」阿敏好快就轉身，向七仔便利店個邊行去：「唔講咁多，口渴，買枝嘢飲先。」


阿敏入到便利店之後，就喺雪櫃揀咗枝檸檬茶去比錢，期間同個位阿南對上咗一眼。


「多謝你6.3$。」阿南說。


阿敏俾咗十蚊佢，拎番找錢，就開始便利店式嘅生活。首先一路飲住檸檬茶，一路拎住店內嘅八掛雜誌睇，之後有啲餓就買個急凍點心返嚟「叮」，事後仲食番杯哈根大師，長時間嘅逗留，都令到阿南開始注意到阿敏嘅存在。


「喂，哥仔。」阿敏拍一拍阿南膊頭，拎起把朱古力問：「呢包麥提沙幾多錢？」


「吓...？啊...呃...應該係7.4$！」阿南俾咁突然嘅阿敏搞到有啲不知所措。


「喔，唔該。」阿敏拎去俾錢之後，就拎咗粒麥提沙俾阿南：「請你食！」


「吓？」阿南又係一呆。


「靚女請你食嘢喎。」阿敏自稱。


「呃哈...多謝。」阿南會心一笑點頭，接過朱古力。

「你叫阿南啊？」阿敏問。


阿南一邊喺店內執貨一邊答：「咦...你又知嘅？」


「喔~估下姐。」


「你...喺到做咩？唔好怪我多口問，因為我見到你...已經喺呢到企咗半日。」阿南說。


「我悶呱？唔知呢，我自己做好多嘢都冇原因。」阿敏講完自己都笑咗下。


「喔...就快入夜啦喎，唔洗去食飯？」阿南反問。


「你呢？」阿敏反上反。


「我唔得啊...我十一點先放工。」


「咁你都返幾耐下喎...」


「無計，要賺下錢，喺屋企又冇嘢做。」


「你唔洗讀書咩？」


「...我等緊放榜，仲有三日。」


「喔...你覺得自己會考成點？」


估唔到阿敏佢同人交際真係有一手，睇嚟學校嘅朋友都唔係假。

「我...應該考得好差。」講到依到，阿南臉色就沉一沉。


阿敏點一點頭，似乎以為已經搵到對方自殺嘅原因：「唔緊要啊，應該仲有好多出路啊？」


「唔緊要？對我嚟講好緊要...」阿南用手抹一抹額上嘅汗：「我已經自修重讀咗 一年，唔想再浪費多一年時間...」


但結果是，你應該一早就清楚。


「你都幾辛苦喎...又自修又返工。」阿敏說。


「冇計，屋企人支撐唔到~屋企得一個仔，我又得一個阿媽，交房租、交通費、電火水費，一個月都冇乜錢淨......我自己唔搵...更加死，乜都做唔到，連去補習嘅錢都冇。」阿南繼續講落去，好似終於搵到個傾得嘅人咁舒發自己：「好似古代教育，佢一堂都收成幾百蚊...差唔多係我一日嘅人工，但為咗上大學，無計。」


「咁你都幾努力......」


「唉。」阿南苦笑咗一聲，搬起啲貨：「如果我生喺一個稍為有啲錢嘅家庭，至少日常需求唔會有問題，你話幾好？」

推