我係死神，專門審判自殺嘅人

我係死神。


對於我嘅存在係點嘅一回事，我從來冇特別去深究。因為我天職，係去審判自殺而死嘅人。


所謂「審判」，就係睇下佢哋因為啲乜自殺。


可笑嘅係， 人類隨住生活質素變得越好，自殺嘅情況就越多，令我覺得好奇且奇怪。


所以兩日之前，我離開咗地獄。


上去人界，親自去接觸即將自殺之人。

輕風陣陣，灰白嘅天空、密集嘅唐樓，其中一橦嘅天台矮牆上，企住一個妙齡少女。


以人間審美觀嚟講，佢唔差。


高高哋、有啲瘦，只係眼神已經失去靈魂，望住幾十呎高嘅地面，雙腳搖搖欲墜，似乎，想要跳樓。


而我則默默企喺佢背後，望住佢嘅背影，等待佢跳落去嘅一刻。


時間差唔多...


「...」突然，佢企番落嚟。


「...」我愣咗一下，決定現身問：「你係嚟自殺？」


望到突然出現嘅我，佢呆一呆，然後淡然咁望住我：「...要唔要讓俾你先？」


「唔需要。」

幾有趣

「咁...冇乜嘢唔好上天台，好易令人誤會。」佢反客為主講出依句，就笑一笑咁離開。

...


「等陣...」我望一望手錶：「點解你冇自殺。」


「吓...？」佢停低腳步。


「你明明會喺啱啱個一刻跳落去，但係你...」我哋死神係可以預知每個人死亡嘅日子同時間。


唯獨依個女仔，佢竟然超過咗本應該死亡嘅時辰.......咁係逆天。


「你好想睇我跳落去咩？」佢又失意地笑一笑，說：「邊有咁易死，我上嚟望一望風景姐。」


之後，佢就行樓梯落番去。


佢離開後，一陣冷風吹過我，我啪一啪手指。

「呼呼呼──砰！！！」幾秒後，一輛地獄馬車從天而降，突破人間同地獄嘅空間限制，乘著大火穿入人間。


「牛頭馬面駕到！」兩位地獄使者被我召喚上來。


「你兩個，幫我睇一睇管地獄先。」我揚起嘴角。


「敢問死神大人，所謂何事？」牛頭問。


我說：「我發現咗人間有個特別嘅案件...要調查一下。」本來應該死嘅人...竟然冇死。


「係...明白。」馬面答。


「退下。」我又啪一下手指。


地獄馬車瞬間就返回地獄，而我，就跟住啱啱個一位女仔。

我以隱形嘅形式，喺個嗰女仔身邊徘徊咗幾日，睇下佢有咩特別唔同，又或者奇怪，結果同我所想嘅完全唔一樣。


就暫且稱佢為BOBO，跟佢返學校時，聽講係佢英文名嚟。


應該點講？佢讀緊中五，喺學校算係一位風雲人物。交際能力唔錯，有好多朋友，備受男同學歡迎、又受老師喜愛。


家庭方面冇特別，小康之家，一家人住私樓，生活完全唔會有困難。


愛情方面，冇話特別鐘意嘅人，冇受情傷所困。


喺學校入面係一位運動健將之餘，成績都係頭三，完全係人生贏家嘅姿態，我諗唔到佢有任何自殺嘅理由。

幾有趣

多謝

Lm

佢近日除咗有一位婆婆病逝之外，都冇任何特別。


咁因乜原因，佢前兩日想要自殺？


自殺嘅人，眼神都有一個共同特徵，就係默然無念。覺得依個世界變成點都唔再重要，因為好快就再唔關佢事。



翻查記錄，佢都有幾十次想自殺嘅前科，但係全部都喺死前一刻收手，而執番條命。


所以我今晚決定現身喺佢間房，決定同佢親自對談一次，解決依件事。始終，俾人發現咗人間有生死不明嘅記錄存在，唔係一件好事。


逆天而行嘅人存在，會影響另一個人本身應有嘅命運，最嚴重會影響另一個人生死，所以必須解決。


夜晚十點，我再一次喺佢面前現身：「溫緊書？」一出現，我又啪一啪手指，坐椅、香茶隨即憑空出現，為我服務。


「哇...！」佢嚇咗一跳，幾乎差啲喺張椅上跌倒：「你邊個呀！」


「你唔認得我？」我幽幽地喝口香茶：「幾日前見過。」

「你...你...係幾日前...天台個條西裝友！？」佢呆咗咁問。


我啪一啪手指，示意佢正確：「正確嚟講，我叫死神。我外表嚇親你？我已經用你哋人類嘅樣，出現喺你面前。」


「......」佢似乎仲未定驚，眼神有啲恐慌咁望實我。


「你好快會習慣，我哋會經常見面。」我繼續講落去：「除非調查到你發生乜事，否則我都唔會返去地獄。」


「好...咁...咁死神先生...你嚟呢到搵我...咩事呢......」睇得出BOBO盡量鎮定自己。


「第一個問題，問下你叫咩名先。」我企喺身，雙手放後，居高臨下望住佢。


同人拉近距離，最好先要知道名字。


「我...？」佢指一指自己，然後答：「我...我叫阿敏..」


「咁阿敏，你知唔知點解我要搵你。」

「因...因為我靚女...？啊哈哈哈哈......」佢好冷好假咁笑一笑，然後收起笑容、抓一抓頭：「我都唔知.....」


「咁係因為，你係逆天嘅存在。」


「逆天...？」


「即係話，你本身應該已經死咗。」我啪手指，手死冊隨即出現喺我手上：「但係你......遲遲未死。」


「即係......你係嚟...帶我走...？」


「我又唔會為咗交數，而隨便帶走一條人命，每條生命都係寶貴。」我咳一咳，說：「所以我出現，只係想同你傾下。」


「傾乜...」


「點解要自殺。」


「我都冇自殺...」

「咁點解你成日都試圖自殺。」


「我望風景姐...」

lm

「放心，你就算唔講，我自己都會調查。」講完，我就啪一下手指，喺佢面前消失。


阿敏佢呆滯咁伸手向前，想摸下我啱啱企嘅位，但都只係摸空。佢再立即摸一摸自己額頭，疑惑咁問自己：「我發燒...？」


「阿敏！出嚟食飯啦。」應該係佢母親把聲。


「喔。」佢應完，就搖一搖頭清醒自己，然後行出房食飯。


一家三口，母親係一位中學老師，父親係一位商人。而且係一位獨生女，應該受到萬千寵愛。


「阿敏，啱啱做咩咁？」佢母親準備好所有飯菜，就坐低。


「冇...啱啱見到有隻曱甴姐....」阿敏答。


居然話我係......


「阿敏，洗唔洗聽日我買啲曱甴屋企嚟？」佢父親搭一搭佢膊頭，就坐低一齊食飯。

「哦...唔洗啦，啲曱甴好快消失姐......」阿敏疑神疑鬼咁望住屋內四周：「應該.......」

流明

死神快啲出黎喇孟婆婆等左好耐喇

幾有趣 樓主加油

留名

「話時話，你今次成績點？」佢母親一邊細咬米飯一邊問。


「成績？～幾好啊。」敏答。


幾好？你在學校成績少說也有前三。


「咁繼續努力喎。」


「唔。」敏點一點頭，專心食飯。


一家人，就咁平靜食完一餐飯。


飯後無耐，阿敏就準時九點鐘，換好一套運動衫、紮好馬尾，就落街跑步。可能眉貌吸引的關係，走在路上時，總會有些男生回頭注視著她，但她卻顯得毫不在意。

夜空繁星，佢選擇喺屋企附近一條海濱長廊跑步，一直跑一直跑，唔經不覺已經過咗兩個鐘。

因為長跑，令到佢原本白潔嘅臉頰變得紅通通，白裡透紅。再之後佢望住個海一陣，就轉身行返屋企。


就咁睇，佢根本同正常女仔冇分別。

「喂，靚女！」


可惜，喺佢就快返到屋企途中，遇到一啲小麻煩，有個染到成頭七彩嘅臭飛叫住佢。


我望住阿敏對佢哋視若無睹，不過個班臭飛似乎冇諗住收手，追上住佢：「喂，唔好走咁快啦~！咁夜一齊行下街好冇？」


但係阿敏都意外地聰明？識得立即向前奔跑，令到班食開煙嘅臭飛追都追唔到，差啲唔記得......佢喺學校運動成績都唔錯。


到佢成功甩開班臭飛之後，就自己笑咗一笑，帶住好心情咁搭升降機上番樓。



直到阿敏返到屋企入房個陣，佢望住鏡內嘅自己，凝視住入面，就好似望住倒影中見唔到嘅我一樣，突然講咗一句：


「死神啊死神......你係咪真係存在？」然後，佢就向後攤屍。


大字型攤落張床到。

當然我冇理到佢，佢講一句我就要現身，呢個世界仲得了？


「唔同真係幻覺...？」佢摸一摸額頭，淡淡一笑：「唔會係太大壓力掛.......」


對於死神嚟講，係完全唔需要休息，所以依一晚，我就係喺佢間屋周圍行、周圍望下。


佢張桌上面，係一家三口嘅合照。仲有啲溫習卷，可以睇得出係一個幾勸力嘅女仔。


原本我都以為只係平凡嘅一晚，直到阿敏佢......


「唔...唔好要我...唔好...唔要我...」佢發開口夢，不斷講依一句。


而且從佢臉上表情睇嚟，佢好驚。



所以，我決定入佢個夢。

冇錯，能否看化，始終都要睇當事人仲相唔相信

身為死神，進入人類夢境依種事當然係小學級玩意。入到阿敏佢精神所在嘅夢境入面之後，我望一望周圍......


一片灰白，係一間類似商場嘅地方，但係間商場裡面每一個人都係包紮住繃帶，見唔到個樣，而阿敏，就喺入面不斷搵緊啲乜，或者可以講係搵緊某人。


阿敏，就好似喺入面迷路咁，佢想要離開、想要搵個人帶佢離開，帶就係喺依一間迷宮裡面走唔到，佢仲開始......想喊。


到底咩事...


隨住佢喊，成個夢境空間就越嚟越唔平均，空間開始崩潰分離、碎裂。


於是，我做咗個決定。


我喺夢境現身，將佢抱起。


「...」佢愣咗一下。


我就咁抱住佢，離開依間商場。


而佢原本就快要滴落嘅眼淚，亦都停住，凝住喺眼框之中。


「已經冇事。」我將佢放低。


夢境亦都慢慢咁化成碎片消逝上半空之中，佢終於發完個夢，睡眼惺忪咁慢慢打開眼睛，望一望手機依家幾多點。