我係死神，專門審判自殺嘅人

「我要打死你個仆街呀！」伯母十分激動地望住保安。


「哎吔‧‧‧死‧‧‧‧‧‧死神啊，幫下手啦！」阿敏望住我。


「一場鬧劇。」我繼續冷眼旁觀。


最終，好不容易被人拉開依場衝突。阿敏就繼續安慰住伯母，一至扶到佢返上屋企。


一上去，係一間好窄好細嘅公屋，裡面傢施好多都已經破舊。


「唔該你‧‧‧阿妹‧‧‧‧‧‧」阿南坐喺一張椅上，繼續喊住講。


「唔洗客氣‧‧‧」阿敏望一望周圍：「係呢‧‧‧不如伯母你休息下先。」


「唔啦‧‧‧唔啦‧‧‧‧‧‧我訓唔到‧‧‧‧‧‧」伯母未停過咁喊，然後望住阿南間房嘅門口：「個仔以前成日講好想自殺好想自殺‧‧‧仲以為佢講笑‧‧‧‧‧‧點知佢‧‧‧」


阿敏無講啲咩，繼續撫摸佢背脊安慰。


「我自細就成日同佢講屋企窮，讀唔成書‧‧‧一定無出路‧‧‧‧‧‧一定會好辛苦‧‧‧佢肯定覺得‧‧‧‧‧‧覺得‧‧‧」


「冇人想。」


「你叫我以後點啊‧‧‧‧‧‧！？」佢母親捉住阿敏隻手臂。