［真人真事改篇］《有一種距離，是HKU和IVE仔的距離。》/《初戀2000天》3

Alan如果可以keep住對Jessie好嘅話
其實真係係諗得過

繼續更文

Alan都幾sweet呀

有可能應約咩 覺得Jessie始終對James最熟悉 Alan啲內心描寫真係無咁立體

感覺Alan已經自願做兵

人地只係當你弟弟
你點對佢好都唔會係嗰種感覺 好撚煩膠

因為想一章處理晒Alan同Jessie兩邊嘅描述（廢事分兩章），所以依章可能比較複雜，寫得差大家可以出聲，我睇下再點改
—————————
https://youtu.be/pMTADVDCJt4
第十九章（6）

「人人初戀得一次　
太回味那時 人人自然自私　
要耗盡才終止 以後無論再找十個他 不相似　
甚或要　懷念到再來一次」
《十個他不如一個你》

「終於交咗最後一份Paper啦！完Sem啦！Yeah」Jessie對着電腦歡呼道。

「吓，你就好啦，我仲要考埋聽日先完呀！」Angel累攤在床上說道。

「咁你仲快D開始溫？」Jessie問道。

「我都想溫架，但我真係好攰呀⋯⋯」Angel抱着床上的多啦A夢公仔說道。

「懶你就懶啦你。」Jessie一語道破了Angel給自己的藉口。

「叮！」這時，Jessie的手機突然響起。

Jessie拿起手機，又是Alan。

「你個學生又搵你呀？佢唔洗訓架？成三點啦喎，仲搵你。」

不知從甚麼時候開始，Alan愈加頻密地找Jessie了。不論Jessie睡前，還是起來，只要拿起手機，都總能看到Alan的信息。

Jessie按進信息，寫着：「我啱啱經過銅鑼灣，見到新開咗間食日本野嘅，好似幾吸引，不如我地搵日去試下呀，下星期五你得唔得閒？」

「下星期五係咩日子？」Jessie問道。

「平安夜囉，做咩呀？」Angel想起Jacky千叮萬囑她這天不要約人，所以Angel牢牢記住了這特別的日子。

「佢約我平安夜食飯呀？」

「哇，主動出擊喎，咁你點呀，應唔應承佢？」Angel饒有趣味地問道。

「我唔知呀，⋯⋯」Jessie言而欲止，過了幾秒又繼續說：「但你唔覺得有學生追自己，好奇怪咩？」

「係有少少奇怪嘅，但其實我覺得身份嘅野又唔洗太介懷嘅，最重要係你覺得佢個人點呀？」

「我覺得⋯⋯」Jessie腦海裏浮現了戴着金絲眼鏡的Alan咧着嘴笑的樣子，「佢好似個白癡。」

好似當年嘅James，Jessie心想。

「咁你對依個白癡有無Feel呀？」

「umm……我覺得佢有時都幾可愛嘅，成日上堂講埋晒D爛Gag，又買野比我食，仲成日WhatsApp對我噓寒問暖⋯⋯」

Jessie愈想起Alan為自己做過的事，就愈覺得他和當日追自己的James很相似，甚至連那口甜舌滑的說話方式也很似。

「聽你咁講好似都幾好呀，食餐飯又無咩野嘅。」

「但我覺得佢份人真係好膠，仲成日串我，串到我想斬死佢！」

然而，唯獨這點，Alan和凡事都順着Jessie的James很不一樣。

「佢小學雞想引你注意姐，反正你嗰日都無約，呀，定Raymond約咗你？」Angel好奇地問道。

「無呀，佢無約我喎。」

「竟然！」Angel驚奇地瞪大了眼睛。

「算啦，你嗰日有咩做？不如我同你過算啦。」Jessie以期待的眼神看着Angel。

「呃⋯⋯我嗰日約咗Jacky⋯⋯」Angel支支吾吾地說道。

「唉，可憐我依D單身狗。」Jessie搖搖頭說。

「Sorry呀，最多我聖誕陪你呀？」

「講笑咋，你同Jacky第一年嘅聖誕節，我點敢搶走你，不過下年你就要陪我啦！」

「知道！」Angel笑着說，「咁你最後決定點呀？」

「仲有排先到，遲D先算啦。」Jessie說罷把手機扔到一旁。

「你咁糾結，係咪仲掛住James？」

Jessie低着頭沒有說話。

「你其實係咪中咗佢嘅降頭？點解佢咁衰你都仲諗住佢？」Angel無奈地說。

「我無呀。」

「咁你點解唔肯同Alan去食飯？」

「我都無話唔去。去啦，去啦，怕咗你。」Jessie又拿起手機回覆Alan。
———————-
多謝大家嘅留言，請繼續
究竟Jessie依個嘅男朋友係咪Alan呢
希望聽晚完到依一章！
IG：@jessie_lannn
傳送門：https://www.instagram.com/jessie_lannn

都可能因為我太趕時間出文有D求奇

I think Jessie is about to break poor Alan’s heart...

因為Alan 太似 James

Btw應約都好 期待
係咩其實我覺得Raymond都無James描述得咁立體㗎
到底James嘅諗法係改篇創作定係真㗎 勁細膩寫得好深入

應約應該就會拒絕alan dee?
alan一定會送條手鏈
jessie知佢心意 唔知怕唔怕再同james咁相似嘅人發展會繼續諗起james/ 搵代替品
若然冇興趣 知alan慳錢都捨得買條手鏈 怕佢再咁落去 只會嘥佢心機同錢
中學生要應付dse仲番part time 諗起都覺得辛苦

唔中意Alan dee

初初出文密啲長啲
而家拖左又短左好唔入肉

應該唔係，polly似係暗戀alan
我估佢哋會一齊

因為alan打得太細致🤪

Alan如果俾Jessie拒絕
上到大學一定可以搵到第二個佢鍾意嘅女仔
不過追唔追到就睇佢得唔得啦

值得深究

有無諗過佢無心應付DSE

當初得閒D有時間打，依家忙咗難D出咁密

多謝你

屌 冇

第十九章（7）

「Yes！佢應承咗我啦！」晚上十二時多，Alan剛收到Jessie的回覆，便興高采烈地打給Polly，告訴她這好消息。

而Alan沒有想過，這對他而言是好消息，對Polly來說卻未必是。

「大佬你知唔知依家幾點啦？」Polly不爽地說道。

「Sorry囉，忍唔住同你分享依個好消息呀嘛！多得你我先約到Jessie咋，係呢，你邊日得閒？不如你陪我去試下嗰間餐廳先呀，驚中伏。」

聽到這句話，Polly馬上就被激怒了，說：「間餐廳就我介紹嘅，你咁講姐係驚我伏你啦？」

「唔係呀，我唔係咁嘅意思，」Alan感覺到自己說錯話，馬上找藉口說：「其實係我想請你食餐飯答謝你姐。」

聽到這句，Polly才稍稍平息了怒氣，說：「你唔洗溫書咩？萬一你到時入唔到U，讀IVE，比你溝到Jessie都無用啦。」女生果然比男生成熟，Polly一語便道破了這事實。

可惜，男生的想法卻永遠追不上女生的步伐。

「Jessie邊有咁膚淺，佢個Ex都讀IVE，Jessie都無飛佢啦。況且，以我咁嘅資質，一定考到U嘅！你就比個機會我請你食飯啦。」Alan對着手機苦苦哀求道。

明明你上次就Fail咗兩科，究竟係哪來的自信？想到這裏，Polly不禁搖搖頭。

但想到這是Alan第一次約自己，Polly還是忍不住心動了。

「好啦，你想幾時呀？」

「就下星期五啦，我約咗Jessie夜晚七點，你同我食中午呀，呀都係唔好啦，下午茶平D呀，順便幫我睇下個Look得唔得，睇下Jessie⋯⋯」Alan滔滔不絕地說道。

Jessie前Jessie後，仲要請我食平D嘅下午茶！Polly愈想愈不爽，便說：「你咁掛住Jessie去搵Jessie啦，唔好煩住我，我要溫書呀，拜拜！」

請你食飯都咁嬲，溫書溫到躁底？Alan不解地看着被掛線的手機屏幕。

終於到了平安夜當天，Alan約了Polly在銅鑼灣的時代廣場等。

「點呀？得唔得？」Alan一臉神氣地看着Polly說道。

平日冬天都只會穿Uniqlo的Hoodie和牛仔褲的Alan，這天竟穿上了韓劇男主角經常穿的白色針織高領毛衣和灰色大衣，還有黑色貼身長褲，連臉上那副金絲眼鏡也不見了。

Polly仔細地端詳了一番，才發現Alan的眼睛原來比想像的大多了。

果然，都係唔戴眼鏡好睇D，Polly心想。

「你咁嘅樣，真係咁差咩？」Alan擔心地看着Polly目瞪口呆的樣子。

「Umm……勉強過得去啦。」Polly口是心非地說道。

「快D行啦，我地去試下間餐廳。」Alan不等Polly的步伐，便徑自往前走。

「喂，等埋呀！」Polly連忙追上前。

來到餐廳，Alan點了兩個下午茶餐，過了一會兒，食物便送到了。

「哇，你真係無推介錯喎，真係幾好食。」Alan吃了一大口碗裏的雜錦刺身丼飯說道。

「緊係！我琴晚仲上網睇咗，佢每日都有日本新鮮直送嘅刺身，今日嘅係大拖羅，你今晚記得嗌呀。呀，仲有，你有無訂位呀？今晚一定好多人。」

「err…要訂位架？」Alan頓時停下了手上的動作，呆呆地看着Polly問道，「唔知有無得Walk in呢？」

「有，你叫Jessie同你一齊係出面食返一頭半個鐘西北風咪入到黎囉。」Polly說罷，又吃了一口呑拿魚蓉壽司。

「吓，咁我今次仆街啦。」Alan頓時沒有了食欲。

「係呀，仆硬添呀。」Polly又把一件三文魚腩壽司放進口裏。

「一係⋯⋯一係你幫我攞定籌先，你到時再比個籌我咪得囉。」Alan突然想到法子，雙眼充滿希望地看着Polly。

「你係咪真係覺得我平安夜無人約，好得閒姐？」Polly問道。

雖然事實係我真係無人約好得閒⋯⋯Polly心想。

「最多我請你食多餐飯呀，求下你啦。」Alan哀求道。

然而，Polly還是不為所動，又默默地吃下一件壽司。

「最多兩餐飯？求下你啦，念在我地又係幼稚園識到依家嘅份上⋯⋯」
「唉，算啦，當我欠咗你！」Polly沒好氣地看着Alan說道。

「Polly姐果然係我最好嘅軍師，抵我請你食飯。係呢，你覺得食完飯之後應該去邊？」

「點約佢又問我，黎試伏又搵我，攞籌又搵我，食完飯去邊都問我，不如我幫你追埋佢返黎啦。」Polly放下了手上筷子，雙手摺疊放在桌上，歪着頭看着Alan問道。

「咁你不嬲都醒目過我，我問你都好正常姐，最多第時你拍拖我做返你軍師，無條件咁幫你追佢返黎！」Alan胸大成竹地說道。

對住你依個傻仔，分分鐘我U Grad都未出到Pool，Polly心想。

「一係去世貿玩下夾公仔，一係就去皇室堡對面個海旁行下，睇下海景，吹下風，然後佢凍嘅時候，你就可以除件外套出黎披係佢身上面⋯⋯」Polly腦海裏全是韓劇的情節。

「哇，好彩有你係到，唔係我都諗唔到咁好嘅安排！」Alan高興得抓着Polly的手說。

看着自己的手被Alan抓着，Polly呆了三秒，才說：「⋯⋯同你好熟呀？」然後把手縮回，低着頭繼續吃壽司。


吃完下午茶後，二人一直在銅鑼灣閒逛，一直到六時多快七時的時候，Polly便替Alan去了拿籌，而Alan則獨自一人站在時代廣場那大屏幕下等。

七時正⋯⋯

七時十五分⋯⋯

七時三十分⋯⋯

時間一分一秒地過去，然而，Jessie還是沒有出現。
----------------
復活節假大家應該都好得閒？多人睇嘅，我今晚會出多1-2篇，完咗依章佢
見到有讀者話個故仔有D拖，其實都唔係嘅，只係我將D枝節都打埋出黎，可能搞到有D長氣不過信我，個故好快就進入大直路
大家要繼續睇落去唔好棄故啊