[真人真事改篇]《有一種距離,是HKU和IVE仔的距離。》/《初戀2000天》3

1001 回覆
155 Like 2 Dislike
2020-04-18 22:40:54
第二十一章(7)

「鈴鈴鈴!」

晚上,Jessie正坐在飯桌前埋頭苦幹,預習第二天的補習筆記時,手機突然響起,拿起手機一看,原來是James。

Jessie連忙走到房間,關起門,躺在床上,掀起被子把自己蓋住,一切準備就緒後,才敢接起電話,深怕在同一屋簷下的母親會聽到。

「喂,放工啦你?」Jessie接起電話說。

「做咩咁耐先聽電話,開門啦,我到咗你屋企門口啦。」James說話的回音響徹整個走廊。

「吓,咁快?」Jessie驚訝地問道。

「我同人調咗更,收早咗,快D開門啦。」

「唔得呀,我媽仲係到未走,一係⋯⋯你落公園等我先,我換件衫就落黎。」

「吓⋯⋯」

「就咁話啦,拜拜。」未待James回覆,Jessie便已掛線。


Jessie馬上換上牛仔褲和灰色大衣,看準時機,準備趁母親洗碗時溜出去。然而,當Jessie攝手攝腳地打開鐵門的時候,那刺耳的摩擦聲馬上出賣了她。

「咁夜仲去邊呀?」Jessie母親站在洗滌糟前,回過頭疑惑地看着準備出門的Jessie。

「我落街買少少野。」Jessie停下腳步說。

「咁夜仲買咩呀?聽日先買啦,下面凍呀。」

「唔得呀,樓下呀May啱啱去完旅行,要比手信我,我順便去買D野,好快返。」幸好,Jessie是個說謊高手,儘管是大話連篇卻還是能面不改容。

「咁你快D拎完好返黎啦。」Jessie母親不放心地說道。

「知道!」終於獲得母親放行的Jessie馬上逃出了門口。

最近都古古怪怪咁,都唔知係咪真係去拎野⋯⋯Jessie母親懷疑地看着被Jessie關上的大門。


這夜寒氣逼人,冷颼颼風狠狠地打在Jessie的每吋肌膚上,冷得Jessie忍不住把雙手都放在衣袋裏。

走過小路,來到一個只有幾顆樹、幾張長椅和一雙鞦韆的小公園。

「你食咗飯未呀?」Jessie走到James身旁的長椅坐下,一鼓寒氣馬上從屁股襲來。

「未呀,趕住黎搵你呀嘛。」

「咁急搵我做咩?」

「掛住你囉。」James看着Jessie的臉說道。

「口甜舌滑!」口裏雖然這樣說,可Jessie還是忍不住笑了,「你唔肚餓架?」

「餓架,呀,我醒起,書包仲有包熊仔糖。」James從書包掏出一包熊仔軟糖時,Jessie剛巧看到裏面還有一包裝滿曲奇的密實袋。

「哇,邊到黎咁多餅?你食糖邊飽架,唔食餅?」

「佢整比我食嘅,你要唔要試下?」James把餅乾遞到Jessie手上,自己則忙着打開最愛的熊仔糖。

Jessie看着一塊塊金黃色的餅乾,抵不住好奇心,拿了一塊放進嘴巴。
除了餅乾本來的牛油香,還夾雜着一種難以言喻感覺。

Kay大概不曾想過,自己辛苦做的曲奇,最後竟然是那叫她痛恨的Jessie吃掉了,還吃得那樣高興。

「幾好食呀,係擺耐咗唔係好脆,你做咩唔食?」Jessie發自內心地讚許道,把打開的密實袋遞給James。

「你鍾意食呀?送晒比你唔洗客氣。」James完全無視了那袋餅乾,繼續吃着熊仔糖。

「人地特登整比你食,你比晒我,曬晒人地一啖心機。」饞嘴的Jessie馬上又吃了一塊。

「你想我食晒D餅乾佢?」James問道。

你夠膽食晒佢你就死緊,Jessie心想。

「你同佢⋯⋯講咗未?」Jessie突然放下手上那袋餅乾問道。

聽到這句說話,James的面色馬上沉了下來。

「我⋯⋯講唔出口。」James低着頭說道。

Jessie沒有說話,只默默地放下手上那袋餅乾。
2020-04-18 22:55:45
咁佢個陣對住jessie又講得出口....
2020-04-18 22:57:09
講唔出口難聽過粗口
2020-04-18 22:57:22
講得出講唔出口...
係咪有病
2020-04-18 22:58:41
乜撚講唔出口
2020-04-18 23:20:08
同意
都係唔好求證
大家當鳩估吓算啦
2020-04-18 23:22:46
如果係我應該會一巴車埋去
對我就講得出
對條八婆就講唔出
2020-04-18 23:27:41
等埋James 嘅解釋再下判斷
2020-04-18 23:54:13
我都唔知講咩好
2020-04-18 23:59:50
屌 幫你講埋好唔好 幫你扑埋野好唔好
好撚垃圾
2020-04-19 00:04:59
講唔出口

成篇文既重點
2020-04-19 00:05:57
Amen
2020-04-19 00:26:55
樓主可唔可以代大家斬James碌鳩落黎
2020-04-19 00:31:13
想講自然會搵到方法timing講咖啦
2020-04-19 00:31:45
好啦,其實我只係想吊下大家癮,James其實未講完
----------------------
第二十一章(8)

Jessie不敢逼James馬上和Kay分手,她怕這樣會為James構成壓力,把他從自己身邊推開。

可是,腦海裏只要浮現二人親密的畫面,又叫她感到難受,她也不知道應該怎樣做才好。

「依到好凍呀,你又未食野,不如我地去食D野先?」Jessie不敢再想這問題,站了起來準備走的時候,James卻拉住了Jessie的手臂。

「不如我WhatsApp同佢講?」

「你唔係講唔出口,唔係要等完咗個Project先咩?」

「我頂唔順啦,夾係兩個人中間真係好辛苦,好似人格分裂咁,」James只要想起Kay吻自己時,那揮之不去的內疚感便叫他感到難受,偏偏他一天不分手,他一天也是Kay的男朋友,便無法避免有這些親暱的行為,「你講得啱,我應該即刻同佢分手,只係我當住佢面真係講唔出口⋯⋯」James拿出手機遞到Jessie面前,「我打好咗架啦,你覺得咁講得唔得?」

「我唔想睇到你地嘅野。」Jessie别過頭,瞧都沒有瞧過James的手機一眼。

James看着手機屏幕裏,那篇早已構思好的分手千字文,明明只要按傳送,這複雜的一切就能畫上句號,可是他還是猶䂊了。

然而,只要想起昨夜Kay親自己時,心裏除了那份叫他感到難受的內疚感外,便一無所剩,他就知道他對Kay的愛已一點也不剩。

原來同一時間愛兩個人是不可能的事,人之所以能一腳踏兩船,並不是因為他有多大愛,而是因為他無法認清他真正愛的是誰,又或只是貪心地,不捨得失去對方的愛罷了。

說到底,也就是自私二字能總結這樣的人。

而一旦不愛了,也就無法毫無保留地對方好,甚至連看着對方都感到有壓力。

若再這樣下去,夾在兩個女人之間,James大概會瘋掉。

想到這裏,James終於按下了傳送鍵,而看到雙灰剔的瞬間,James馬上鎖上手機屏幕,不敢再看。

「我Send咗,同咗佢講分手啦。」

「佢⋯⋯有咩反應?」

「佢未覆我。」

「咁你地嘅日本之旅點算?」

James這才想起,他和Kay已買好套票,要去日本看櫻花。

「你仲會唔會同佢去日本?」Jessie再次追問道。

「你覺得呢?」沒想到,James竟巧妙地把話語權再次交回給Jessie。

「你係唔係仲想去?」Jessie亦用反問句回答道。

「唔係,但⋯⋯」

但比咗成幾千蚊,唔去咪曬晒D錢?儘管心裏是這樣想,James卻不敢說出來。

「但好曬錢?」然而,Jessie卻馬上猜到James的心思。

「咁你去啦,去咗就唔好返黎搵我。」恃着James這刻對自己的愛,Jessie竟大口氣地說出了這句話。

James卻毫不意外,因為這才是他認識的Jessie。

「但大拿拿幾千蚊,要返好耐工先賺到架。最多⋯⋯最多我一個人去,我同佢分床訓?」

「咁我同男仔單獨兩個人去旅行,訓埋同一間房但分床訓得唔得呀?」Jessie反問道。

「最多我Book多間房,分房訓,然後我去我嘅行程,佢行佢嘅路,同佢唔會有交集,咁得啦掛?」

「咁你同佢搭埋同一間飛機,住埋同一間酒店,都係會見到佢。」

「最多我Book另一間酒店啦,況且我返學都係會見到佢架啦。」

「都唔同。」Jessie不禁皺起眉頭。

「有咩唔同?」James不解地問道。
---------------------
正評依Part=只要分房,James可以去日本
負評依Part=無論如何James都唔應該去!
2020-04-19 00:32:10
咁就真係變溥儀
2020-04-19 00:32:43
果然經驗老到
2020-04-19 00:34:46
不如jessie一齊去
同james book過另一間酒店
咁得唔得
2020-04-19 00:37:23
佢只係唔想浪費錢?冇得退咩

就算改口話同Jessie去 無論邊個選擇都會係愧疚 所以退錢係最好
2020-04-19 00:39:09
如果真係要去既話 最公平係James搵一個男frd去 直頭避開Jessie同Kay既抉擇......
2020-04-19 00:43:57
啱呀 同Jessie 去呀!
2020-04-19 00:45:05
Jessie買多張咪得 反正俾咗6000蚊佢 幫埋酒店都夠啦
2020-04-19 00:45:25
🤦🏻
幾千蚊咋嘛
James嗰陣時得18歲 (19?)
仲有幾廿年搵晒返嚟
當買個教訓

如果用呢幾千蚊可以換返Jessie對你嘅信任 抵晒啦

(嗰陣時香港仲未pk, 你肯做一定搵得返)
2020-04-19 00:47:24
唔去旅行蝕幾千蚊換Jessie返嚟做自己女朋友、令佢安心都值啦下話

利申:一直做cd-rom,但係見到James咁樣真係忍唔住留言
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞