你選擇了跟「負責劇本的窮鬼Jay」說話。
你走向獨自在獨落裡拿著劇本稿的窮鬼Jay,此刻的窮鬼Jay一臉苦惱的樣子。窮鬼Jay與你一樣都是中文系的學生,他相對與其他人更懂得運用文字,故大家都放心將劇本交由他創作。
「邊到有問題呢……?」你走近窮鬼Jay,聽到他低聲自語。
「喂,洗唔洗幫下你啊?」你拍一拍他肩膀,而後坐到他身旁問道。
「其實我已經諗好咗點樣將割肉餵鷹同高達嘅故事元素融合埋一齊,但我覺得硬係差咁啲嘢,今晚一定要改好之後分配角色……點搞好呢……」窮鬼Jay說著說著除下眼鏡,搓了搓眼睛說道。
「比我睇下?」你拿起劇本一看,故事內容情節鋪排都合理,講佛祖割肉之餘亦加插了地球聯邦及自護軍的戰鬥劇情,三方交戰有如三國鼎立一樣。
「阿一,我嗰日經過Canteen,聽到有一堆人講佢地都參加咗『影帝盃』。」窮鬼Jay見你一時間也沒有頭緒,便跟你閑話說道。
「嗯,之後呢?你聽到啲不得了嘅嘢?」你一剔眉毛有些好奇的問道。
「佢地嗰陣講緊佢地劇本改編嘅內容,我知道我唔應該去聽,但最後忍唔住好奇心聽咗陣……」窮鬼Jay是個有道義的人。
「佢地改得好好?」你笑說道。
「係幾好……佢地將小紅帽改到變咗小綠帽……最後帶出咗男女之間愛恨情愁同跨種族、跨世代戀愛嘅辛酸……」窮鬼Jay對你一字一句說道。
你一聽到,嘩屌,那當真是不簡單喎,男女是在說小紅帽與獵人?跨種族是小紅帽與大灰狼?跨世代……是指小紅帽的婆婆?
你想不到究然有人能將一個童話故事深化到如此地步,當真不知道想出這種點子的人腦袋裝的是甚麼,必定是一個狠角色。
「既然係咁……我地依家劇本差嘅嘢應該係深度方面?」你思索說,「我地可以深化下佛祖嘅偉大?」
「佛祖嘅偉大?」窮鬼Jay灰暗的眼睛重燃光芒,佝僂的腰骨漸漸變得挺拔,他說:「唔止……我地可以再加一啲話題深化個故事,哈哈哈哈我諗到啦。」
窮鬼Jay靈感湧現,當下便立即執筆奮書。你Feel到窮鬼Jay這次是玩真的,你自己也不禁期待他的作品了。
窮鬼Jay此刻需要心無旁騖的創作,你也不好打擾他,再去看看有甚麼能幫手吧。
你決定之後去關心一下……
1.負責音響的Eve及Ceci
2.負責道具的仲二及West勁
3.負責服裝的Alma及Hedy