（即使彼此唔識，但幾享受咁單純嘅情感
）我都有考慮過第二個結局，可能會好過我原本諗嘅
每類文章都會有佢嘅意思係度，但唯獨喱樣係我堅持，有時突發間會有靈感，有時寫寫下又會有新嘅嘢出現，已經變成我寫故嘅丁點樂趣
我想重新諗下後面嘅新劇情有咩想法或者截至目前睇完有咩感受都可以講出嚟
好似the legend咁
，個人幾喜歡，唔恐怖之餘仲幾好笑下
睇完戲後，呀詩好興奮咁分享頭先嘅劇情，仲話最後嗰一集想同我嚟睇，我亦都話好。
呀詩睇完之後好亢奮，係咁話好鍾意哈利，我問佢：「乜你唔係鍾意哆啦A夢咩？」
佢反問返我：「咁你又係咪淨係鍾意一個AV女優啊？」
我無聲出⋯⋯波多野(?)嘅淫，麻倉憂嘅清純， 上原亞衣嘅敬業，我都好欣賞。
然後呀詩繼續講，我又繼續聽。
我哋去行下旺角其他地方，呀詩好熟路咁左穿右插，而我根本唔知邊度打邊度，一個商場行完又下一個商場。
我開始攰，而呀詩仲好有精神，又睇衫又睇鞋又剩。
「點啊，有無心水啊？」我指手繩嗰方面。
「嗯⋯⋯無啊，都睇唔啱，唔買啦。」呀詩直言。
「咁買返嗰條囉好無？」我認真係想買，我會戴住佢戴好多年。
「唔洗啦，我唔想你曬錢。」我哋係個商場度徘徊著。
「真係？」疑心重嘅我，再確定多一次。
「係啊！你留返啲錢同我拍拖好過啦。」呀詩由拖我變為撓住我隻手，一副甜蜜嘅樣子，望住佢滿足嘅樣，我心靈好似俾佢填滿咗一樣，叫幸福感？
一返到學校，我哋一齊咗嘅消息好快傳遍學校，話邊個邊個同個MK妹一齊。
而點解會咁快咁多人知呢？
原因係呀詩喺Facebook嘅感情狀況轉為戀愛中，而且仲標埋我，邊個邊個In a relationship。
而佢個名亦都無轉到，我系牙詩，張Icon係(?)好有復古風味，黃黃地色嘅背景，一張嘟嘴嘅自拍，加些少曝光咁啦。
咁佢tag埋我，我其他fd都知，琴晚我Facebook好多留言，MSN都震唔少，今日上堂都幾多人偷偷地擰轉頭望下我哋咁樣。
「WOW！恭喜我哋班終於第一pair情侶！」呀Ken喺我同呀詩食完lunch返嚟大大聲咁講，而佢側邊有男有女，明顯地圍埋一齊吹緊水。
咁通常買飯返學校食嘅同學仔，都會食得比較快，食完就會返班房搵人吹下水嘅又有，一陣有小測就會見到成堆人係度溫，趕下一堂功課嘅又有。
我同呀詩喺學校無咁明目張膽，唔會拖手，係行得埋啲咁解姐。
呀Ken一講完，我同呀詩都好尷尬，唔知講咩好，而隔離嘅人又幫手起哄。
我就返去自己位度，唔理佢哋。
而我班兄弟都好識做，講話：「得啦，聽日唔洗預你食飯啊嘛。」
喺琴晚嘅MSN入面，牛仔已經提早同我講。
「一陣放學去食冷麵？」呀詩約我。
「但我今日唔得啊⋯⋯」
「下？點解啊？」呀詩驚訝地道，已經放學都會一齊去拍拖都常識吧？(呢句唔通順但唔知點執好)佢臉上嘅表情話俾我知。
「我哋幾個fd一早約咗今日去網吧打機啊⋯⋯」
「咁我又去！」呀詩好積極。
「今日真係唔得呢，成班仔，下次有機會一齊去網吧打機囉！」我安慰呀詩。
而呀詩好似因為咁樣成個下晝都唔係幾開心，冷冷淡淡咁。
而我⋯⋯其實唔係約咗班仆街打機，而係諗住去旺角買上次呀詩睇中嗰兩條手繩。
我再留意下啲錯字先