《我的MK妹同桌》（2）

而且我好傻仔㗎，我唔明感情世界爾虞我詐，我淨係識得交個心出去咋

好睇，得一篇咋？

加速加速

果陣時我廿五蚊都嫌貴啦食個kfc都冇錢，結果都係唔食飯多，為左儲錢同女朋友出街

苦但矜貴

「鍾意一個人有點解嘅咩？之前我無同你講過點解咩？」我記得明明有講過囉。

「咩啊？邊有啊？！」

「呢，小巴嗰次呢⋯⋯」我提佢，我記得都有講啊，又問？

「邊度有！明明就無。」由呀詩飄忽嘅眼神我就知道，呀詩好明顯係死撐。

「我話無就無啦！」呀詩使出絕招——賴地硬。

「係咪依家講多次都唔得姐？」

「得得得。」有點無奈地道，啲問題難答過啲試題。

我哋一邊行下旺角一邊傾喱個問題，講幾多次都喺同一個答案，而之後嘅日子，喱個問題從來都唔會缺乏㗎喎，周不時都會問我一次，間唔中會改變下個形式嚟問。

例如：你愛唔愛我、你鍾意我啲咩、邊個同我，你鍾意邊個多啲。

初初我都唔明，甚至覺得煩厭，問完又問⋯⋯做乜鬼姐。

但漸漸我就明白，男人嘅角度，好多時唔想咩都講出口，行動最實際，男人老狗真係唔好咁婆媽；而女人，係鍾意你講出口，即使佢心入面比任何人都清楚，瞭解你係愛佢，但佢就係想親口聽你確認一次。

無非都係想要啲安全感姐。

「我鍾意你MK底下嘅率直，唔造作，就算你平時再點樣扮曬堅強都好，其實你內心係好脆弱，好細膩，好溫柔。唔慢慢去了解你，係根本發現唔到。」

「其他人對你有好多誤解，係因為佢哋唔了解你。當我慢慢因為鍾意你而想去了解你嘅時候，就知道你其實受咗好多委屈，我唔想你自己一個死撐死頂，其實我可以幫你分擔，只要你想。」

「鍾意上你可以好簡單，但愛上你就好複雜，點講都講唔完咁。」我哋一路掃街一路係度講，無啦啦變咗認真討論嘅題目都有，好撚跳脫。

呀詩話佢請掃街喎，話見我洗咗咁多錢，唉⋯⋯我買完之後真係無乜錢，好彩呀詩話請我，食咗塊台灣雞排同一碗燒賣魚蛋就收皮。

第一次係會答得詳盡啲，後尾就越答越hea。

「你愛唔愛我啊？」

「愛。」

「你鍾意我啲咩啊？」

「夠MK。」

「你鍾意我身上咩部分啊？」

「條腿。」

「姐係話我無波啦？」

200正評 加更1
自從同呀詩一齊之後，我哋之間多咗好多回憶，會留底喺學校一齊做下功課，放學諗下去邊度玩，飲飲食食。

本來平時嘅錢會拎啲去買點數，依家個荷包好似俾人斬開一舊舊咁，死無全屍。

周邊嘅人見我哋成雙成對咁，已經司空見慣。

我老豆媽子見我最近頻頻問攞零用錢，已察覺不妥，成日旁敲側擊我做咩成日出街，成日咁夜返屋企。

最後仲問我係咪拍拖添，叫我中學唔好掛住諗埋啲情情塔塔嘅嘢，下年就揀科啦。

我當然無同佢哋講啦，只要我成績ok，佢哋就無嘢講㗎啦。

一開始我同呀詩係好甜蜜，但都無可避免地迎來第一次嗌交。

呀詩脫MK後，個look都慢慢開始回復正常，但壞習慣無因為咁而回復正常。

佢仍然keep住食煙嘅習慣，我都話過佢好幾次，輕輕提點下佢，話食煙無益。

「我戒緊㗎啦，以前一日半包，依家一星期先一包。」呀詩苦惱地道。

「但你可唔可以唔好同我出街嗰陣食啊？我唔想成日行行下街你走去話食支煙先。」當意見出現分歧嘅時候，亦係魔鬼嘅出場時候。

「我都好努力忍㗎啦，你俾啲時間我好無？」

我亦都明，戒煙唔係話戒就戒，都係需要時間。

只不過，呀詩身上面嘅煙並無減少，當佢越變返普通女仔，越係成日企係街度食煙，嗰種格格不入嘅感覺，實在令我睇唔順眼。

我學TVB嗰啲電視劇啊，鏗鏘集，警訊啊等等嘅橋段，諗咗條橋。

唉屌，點知原來一早TVB已經係伏到咁，警訊更加無咩公信力，咁大佬我已有嘅知識係咁，盡咗力㗎啦。

我同呀詩講：「如果你仲係Keep住食煙，好啊！我陪埋你一齊食！」

我係呀詩包煙度拎咗一條，諗住轉身去士多買打火機。

呀詩終於忍唔住佢火爆嘅性格，認真地屌道：「你依家姐係威脅我姐？」

睇到買手繩呢到我唔知點解喊左

一齊食咁膠

商嗌唔好口，一人退一步啦

慘了 慘了

一人讓一步啦

加速

呀詩終於忍唔住佢火爆嘅性格，認真地屌道 屌咗句：「你依家姐係威脅我姐？」

咁會唔會好啲 好似又口語又書面語咁

樓豬

認真地屌道又幾過癮

認真地屌道