[日本戰國史]關東英傑傳

1001 回覆
183 Like 2 Dislike
2017-03-30 21:58:43
講武田信虎驅逐事件前,我地要先回顧甲斐、信濃既關係,話說甲斐武田信虎、南信濃諏訪郡領主 - 諏訪賴滿由1528年起打足七年,終於在1535年止戰,建立同盟關係,自此武田轉向東信濃拓展,期間武田多次進攻佐久郡,與北信濃大名 - 村上義清交手。1540年,武田向佐久郡出兵,響猛將飯富虎昌、坂垣信方帶領下,多次擊破村上軍,最終武田在10月將佐久郡收納旗下,一個月後兩家安排武田信虎將女兒許配給當時既諏訪家督 - 諏訪賴重,建立姻親關係。

1541年5月,武田信虎繼續向信濃拓展,緊接既目標係小縣郡 - 海野氏,海野氏盤據信濃東部,以山內上杉家為後盾,相對為對方在信濃既前線,並且與當地豪族 - 真田、矢澤、望月氏等聯手。武田、諏訪聯合出兵,北信濃村上義清亦想分一杯羹,就與信虎結盟,三家聯手進攻小縣郡,雖然當地豪族死守應戰,但甲信聯軍好快就攻破當地重鎮 - 尾野山城,海野氏家督 - 海野棟綱嫡子在神川與村上軍交戰時戰死。

海野棟綱、真田信綱分別逃到上野國既山內、長野家,尋求山內家庇護,時任關東管領 - 上杉憲政立即出兵,甲信聯軍知道關東軍勢強,無意招惹對方,村上義清奪取小縣郡,而諏訪賴重擅自與上杉憲政議和,割讓部份佐久郡領地給對方,引起武田家不滿,結果佐久郡被山內家接管,武田為避戰亦撤出當地。



小縣郡進攻路線

6月4日,武田信虎回到甲斐後,就立即去駿河探今川義元,順便問武田晴信有冇興趣,晴信表示:「剛剛打完仗返黎,身子弱,不了。」

於是,武田信虎自己帶人拜訪駿河,當信虎在6月14日離開駿河後,武田晴信立即召集近臣 - 飯富昌景、馬場信房、內藤昌豐、高坂昌信、坂垣信方、甘利虎泰等人合議:「父親近年窮兵黷武,已經令甲斐農民困頓,影響生產力。而家甲斐需要既,係一個智勇兼備既人,唔係一個莽夫!我武田晴信今日邀請各位,全力協助我,一齊共建甲斐!」

一眾家臣響應武田晴信,開始封鎖甲駿國境,並聯絡今川義元不要插手,當武田信虎回歸時,一眾武田家臣表示:「信虎大人,為左甲斐國,我地已經推舉晴信大人,有請閣下就此留在駿河,放心將一切交俾新世代!」

「太郎,你好野。」武田信虎既不忿,又無奈,只好滯留駿府城生活,武田晴信向今川義元達成協議,請對方收留信虎,生活費由武田承擔。



武田信虎:太郎,你個仆街呀!!!!

武田晴信以下克上,成為家督。既然以下克上,少不免需要有名份,於是武田晴信就如此散布:「就話父親橫徵暴斂,行八公二民制,跟住就話佢生性暴虐,成日濫殺無辜,或者作佢活剖孕婦取子啦。」就咁樣,武田信虎暴虐既傳聞流出,百姓都認為晴信係明君,民心歸附,同時重新招攬被信虎放逐既家臣,包括原虎胤等,不過都有家臣不信任,所以武田晴信就費盡心思籠絡人心了。

繼承家督後,武田晴信先將矛頭指向諏訪家,痛斥對方擅自求和,諏訪賴重亦唔將對方放在眼內,打算趁晴信未坐穩位置,乘機發難,便聯合信濃國人 - 小笠原長時於1542年3月進攻甲斐國,卻被武田晴信擊退。既然對方無情,亦休怪我無義,6月武田晴信策反諏訪分家 - 高遠賴繼,一同攻打諏訪賴重。只有一千兵力既諏訪賴重火燒上原城,並退守桑名城,武田晴信圍城一月後,諏訪賴重開城投降,請武田晴信饒命,對方假意接受,等到左甲府城後立即撕約,迫賴重及從弟諏訪賴高切腹,自此諏訪本家滅亡。

然而,武田、高遠兩家分贓不均,本來提出以宮川為界,武田取東、高遠取西,但高遠賴繼想成為新既諏訪本家,想將隸屬本家既東邊領地收納,於是在9月先發制人,將武田軍趕出諏訪郡,武田、諏訪兩家自始開此長期對峙。



高遠賴繼 劇照 (大河劇 - 風林火山)
2017-03-30 21:59:12
我地轉去睇今川家,今川義元以進取三河國為目標,三河國一直松平家控制,響1529年家督松平清康擊破東三河豪族,轉移居城至岡崎城,當時清康只係18歲,意氣風發。但係意想不到既事情發生,1535年松平清康與美濃大名 - 齋藤道三聯手夾攻尾張,進攻重鎮守山城時,家臣阿部定吉被懷疑造反,於是派兒子 - 阿部正豐以表清白。12月5日,阿部正豐聽見本陣騷亂,以為父親被殺,憤而拔出名刀「千子村正」,從背後斬殺松平清康,呢個被公認為松平家希望既年輕人,竟然就咁死左,享年25歲,自此其後代(德川家)將「村正」定義為「妖刀」。

松平清康死後,只有十歲既松平廣忠繼位,由叔父松平信定擔任代理,並企圖殺死廣忠取而代之,幸好被阿部定吉拯救,帶到伊勢國避難。四年後(1539年),松平廣忠回歸三河,在長篠一帶避難。呢個時候,今川義元見有機可乘,就協助松平廣忠重奪家督,1540年由松平信孝、松平康孝協助下回歸岡崎城,重掌位置。



松平清康

此時,眼見三河國內耗,尾張大名 - 織田信秀趁機亂入,將松平家重要據點 - 安祥城奪取,並致力侵略西三河地區。松平廣忠不敵織田,第一時間諗到今川義元,就向對方求救:「我甘願為奴為僕呀,救我呀義元大佬。」今川義元心諗:「而家松平家有求於我,擊退織田後,三河可以話屬於我了。」

1542年8月,今川義元率領大軍出擊,在小豆坂與織田軍交手,卻被織田軍擊敗撤退,不過呢場戰鬥記載甚少,令人懷疑只係吹噓織田「小豆坂七本槍」既虛構故事。但點都好,松平廣忠依賴今川,令今川進入三河國係不爭事實。

輪到越後國了,話說越後因為上杉定實收養子一事,開始產生對立。到左1542年6月時,事件終變得一發不可收拾,奧州伊達晴宗趁父親 - 伊達稙宗狩獵時俘虜對方,將其幽閉,伊達稙宗被家臣營救後,兩派各自聯絡親屬勢力,奧州頃刻大亂,各個土豪勢力乘機獨立,各自發難,而養子事件亦暫且中止。

而越後國方面,由於長尾晴景較軟弱,無法阻止越後國人對立,於是越後國人亦乘機起事,同時,越後守護上杉定實為爭取復權,聯合上條定憲、中條藤資等人起事,甚至連三條長尾家。到左1543年8月,有一個年輕人從春日山城既林泉寺出門,元服成人,並於1544年奉命到櫪尾城,當時一班豪族恰佢年輕,趁亂發難,包圍城池。

呢個年輕人就留少數士兵守城,再分兵潛行到敵軍本陣背後,與城兵前後夾擊,將圍城既越後土豪擊破,年僅十五歲既初戰告捷,呢位年輕人初露鋒茫,立即被長尾家注意到,甚至被認為係長尾為景再世。呢個年輕人係邊個?

「唵吠室囉曼陀野莎訶,毘沙門天,請賜與吾力量。」
「吾乃長尾為景之子 - 長尾虎千代景虎!」



長尾景虎 登場 (大河劇 風林火山 劇照)

註:本回關東局勢圖依舊不變

次回

高遠賴繼投降 - 諏訪之戰一時結束
第二次河東之亂 - 今川義元收復河東
河越夜戰 - 北條氏康威震關八州
2017-03-30 22:35:42
https://www.youtube.com/watch?v=_GkDRh3gqIk

最後一位主角登場了, 如同歌名一樣
呢個係我為早期長尾景虎 配既音樂

(東方星蓮船 - 虎柄の毘沙門天)
2017-03-30 23:01:59
順帶一提,為免誤會,武田信虎在駿府既生活費,係由武田晴信支付既,到底之後父子係咪仲不和?呢點記載不算太多,但信虎仲會再登場
2017-03-30 23:02:53
其實有冇iOS嘅game 係好似太閣咁,可以認識多啲日本史?
有時真係想知多啲手,但係全文字好難理解到咁多


我都想有呢類遊戲,太閤係神作
2017-03-30 23:10:51
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?
2017-03-30 23:24:10
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?


大致係⋯
1. 答應不傳教
2. 荷蘭人入鄉隨俗,積極與日本友好,親近幕府
3. 協助平定島原之亂,提供軍火援助

至於出古惑,有既,就係中傷天主教既西班牙、葡萄牙,一黎要壟斷貿易,二黎荷蘭係新教國。
2017-03-30 23:25:10
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?

順帶一問 其實德川咁憎葡萄牙 西班牙呢啲除咗宗教原因之外仲有無其他原因?
2017-03-30 23:40:00
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?

順帶一問 其實德川咁憎葡萄牙 西班牙呢啲除咗宗教原因之外仲有無其他原因?


家康:宗教界係無經濟貢獻嘅
2017-03-30 23:43:21
有無google doc裝起佢當書咁睇
2017-03-30 23:52:08
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?

順帶一問 其實德川咁憎葡萄牙 西班牙呢啲除咗宗教原因之外仲有無其他原因?


家康:宗教界係無經濟貢獻嘅

西方宗教界可以喺日本棟枝旗嘅原因唔係正正係佢地帶嚟嘅經濟貢獻咩?
不過家康(以至於佢個仔同孫)點睇「宗教同貿易」嘅關係呢點我就真係一舊雲 小弟才疏學淺
2017-03-31 00:16:04
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?

順帶一問 其實德川咁憎葡萄牙 西班牙呢啲除咗宗教原因之外仲有無其他原因?


家康:宗教界係無經濟貢獻嘅

西方宗教界可以喺日本棟枝旗嘅原因唔係正正係佢地帶嚟嘅經濟貢獻咩?
不過家康(以至於佢個仔同孫)點睇「宗教同貿易」嘅關係呢點我就真係一舊雲 小弟才疏學淺


德川不滿葡、西呢點,其中一個原因係1610年慈悲聖母號事件,與葡萄牙鬧大交,甚至響長崎直接開戰。另外因為任用英國人三浦按針做顧問,間中中傷下天主教,話班耶穌會借傳教做間諜,開拓宗教殖民,久而久之就唔鍾意葡西,親近英荷
2017-03-31 00:21:22
德川不滿葡、西呢點,其中一個原因係1610年慈悲聖母號事件,與葡萄牙鬧大交,甚至響長崎直接開戰。另外因為任用英國人三浦按針做顧問,間中中傷下天主教,話班耶穌會借傳教做間諜,開拓宗教殖民,久而久之就唔鍾意葡西,親近英荷

咁點解鎖國之後要飛起英國 得返荷蘭仔喺度嘅?定係英國自己覺得日本無利可圖所以自己做?
對唔住好多問題
2017-03-31 00:31:53
德川不滿葡、西呢點,其中一個原因係1610年慈悲聖母號事件,與葡萄牙鬧大交,甚至響長崎直接開戰。另外因為任用英國人三浦按針做顧問,間中中傷下天主教,話班耶穌會借傳教做間諜,開拓宗教殖民,久而久之就唔鍾意葡西,親近英荷

咁點解鎖國之後要飛起英國 得返荷蘭仔喺度嘅?定係英國自己覺得日本無利可圖所以自己做?
對唔住好多問題


英國在日本成立東印度公司後,主要做東南亞朱印船貿易,但實在無利可圖,就自己走左,而唔係被趕走,英國既亞洲拓展較慢,之後主力印度,所以較遲返去日本
2017-03-31 00:40:10
明白哂 多謝巴打指教 唔阻各位繼續投入戰國嘅世界
我得閒啲嘅時候都會慢慢由頭開始追返 巴打好有心
2017-03-31 00:52:37
想問下樓主d勢力地圖係邊睇?幾正


http://www.kashikiri-onsen.com/kantou/gunma/sarugakyou/sengokushi/map.html
只去到1560年


Thanks!!其實最想睇係江戶時代既勢力圖,但好難搵,唔知日文係咩


http://sky.geocities.jp/tuguyasu/kinzoku/kinzo1/edo3.jpg

我搵到大坂之陣前勢力圖,希望適合你
2017-03-31 02:38:43
Off topic一問 如果阻住咁多位巴打睇post的話小弟喺度講聲唔好意思先
可唔可以請教下點解德川幕府同荷蘭咁friend 鎖國都特登唔鎖佢?
係唔係因為佢戴哂頭盔 講明自己只做貿易 無興趣傳教 所以幕府對佢地比較信任?同埋佢地有無出過古惑 特登中傷其他國家呢啲?

順帶一問 其實德川咁憎葡萄牙 西班牙呢啲除咗宗教原因之外仲有無其他原因?


家康:宗教界係無經濟貢獻嘅

西方宗教界可以喺日本棟枝旗嘅原因唔係正正係佢地帶嚟嘅經濟貢獻咩?
不過家康(以至於佢個仔同孫)點睇「宗教同貿易」嘅關係呢點我就真係一舊雲 小弟才疏學淺

西人有經濟貢獻同D西人個教有經已貢獻係兩回事
葡萄牙人同西班牙呢堆天主教國家都係有鋪傳教癮
而天主教呢樣野對統治有冇害
可以睇下島原之亂
秀吉同家康以及之後幕府都禁教唔係冇原因
而荷蘭人就只揾錢唔傳教所以咪可以留係到
2017-03-31 02:40:25
德川不滿葡、西呢點,其中一個原因係1610年慈悲聖母號事件,與葡萄牙鬧大交,甚至響長崎直接開戰。另外因為任用英國人三浦按針做顧問,間中中傷下天主教,話班耶穌會借傳教做間諜,開拓宗教殖民,久而久之就唔鍾意葡西,親近英荷

咁點解鎖國之後要飛起英國 得返荷蘭仔喺度嘅?定係英國自己覺得日本無利可圖所以自己做?
對唔住好多問題

幕府成立個陣英國仲未夠荷蘭黎
冇能力伸到咁遠下
2017-03-31 11:59:08
德川不滿葡、西呢點,其中一個原因係1610年慈悲聖母號事件,與葡萄牙鬧大交,甚至響長崎直接開戰。另外因為任用英國人三浦按針做顧問,間中中傷下天主教,話班耶穌會借傳教做間諜,開拓宗教殖民,久而久之就唔鍾意葡西,親近英荷

咁點解鎖國之後要飛起英國 得返荷蘭仔喺度嘅?定係英國自己覺得日本無利可圖所以自己做?
對唔住好多問題

幕府成立個陣英國仲未夠荷蘭黎
冇能力伸到咁遠下


而且當時歐洲忙緊三十年戰爭
2017-03-31 21:36:23
有個戰國大名後代既post 都幾好笑
2017-04-01 00:51:41
長尾為景點解突然間退隱真係好難明,
作為一個權臣, 大奸狗, 下克上, 權力慾又重,
但最後就咁將大業比左個廢柴仔
一黎又唔係有突發/重大事件(戰敗/死左重要既人/出家)
如果第時有多d 史料掘到出黎就好
2017-04-03 19:38:42
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞