對方邀請景虎一齊驅逐三好家，但越後咁遠水路，中間仲要隔著光頭黨、朝倉、淺井家，後方又有北條、武田既威脅，所以正常都知冇可能。話說，長尾景虎逗留期間，一個老人主動打招呼說：「話說我家犬兒，倒給你不少麻煩呢。」
「你家的...原來是信虎大人，閣下想將本人的計劃，告知宿敵嗎？」話說武田信虎滯留駿河國一段時間後，在1550年後就前往京都，於足利義輝旗下擔任奉公眾，武田信虎即使失去國土，依然抖擻精神，不失武人風範，道：「哼，年輕人既事關我咩事？但請記住：『二虎競食，兩敗俱傷』。」
之後長尾景虎留到11月左右，就以治理國政為由，返去越後國了，臨別前仍表示會支持義輝，至於同行既前信濃守護 - 小笠原長時，就選擇逗留京都，得閒傳授小笠原家既獨門弓騎術。當長尾景虎離去後，足利義輝、六角義賢與三好長慶議和，重返京都並修補關係。
呢個時候我地稍為講下內政，武田信玄對北信濃做了兩件事：第一，在1559年命令高坂昌信修建海津城，作為北信濃前線基地；第二，就係將善光寺供奉既「善光寺如來」本尊搬到甲斐國。
我地稍為講下後者，善光寺如來係仿照如來佛像，又稱為「一光三尊阿彌陀佛像」，自鎌倉時代已經在日本各地製作，係日本歷史上最古老既佛像，川中島戰場既「信濃善光寺」剛好有一尊，但因為川中島戰事而摧殘，長尾景虎在善光寺奪取佛像，帶到越後如來堂供奉。然而，長尾家既佛像只係老翻，真正既佛像響武田信玄手中，1558年武田信玄將佛像帶返去甲斐國，下令收建甲斐善光寺，然後宣稱甲斐善光寺先係「傳統正宗」，偷完唔緊要，偷完仲要打正牌先夠可惡。
甲斐善光寺
善光寺如來 概念圖
跟住我地就講下信玄時代既大型建設 - 信玄堤了，雖然有關記載於1560年代才初次出現，但實際工程早在十幾年前已經開始，話說本據 - 甲府城被兩條河流 - 笛吹川、釜無川包圍，經常飽受洪水滋擾，於是武田信玄就在旁邊既釜無川、御勅使川匯流點 - 龍王岩修築堤防，以改變兩川流向，並開墾農田。
信玄堤既運作模式就係故意建立不相連既堤防，分流洪水衝擊，減少災害程度，洪水結束後引分流水回到河流，利用上游既豐富資源灌溉，令土地更肥沃。除此之外，仲響兩川引流放置巨石，減輕洪水衝擊。最終，甲府城一帶洪水問題減輕，大幅提高甲斐國糧食生產，係武田信玄著名既內政。
信玄堤 運作模式
輪到關東既回合，而家講下北條家內政，1558年北條氏康在國內設置「傳馬制度」，如果有睇主線既應該明白「德川傳馬制」，即係響路上設置各個驛站，驛站內養馬，方便在各站間替換馬匹，快速傳遞訊息、運送貨物等。
1559年，關東、越後國爆發大飢荒，由於發生在永祿年間，被稱為「永祿大飢荒」。響之前，我地就講下「小冰河時期」，話說1550年開始，地球進入小冰河時期，土地貧瘠並嚴重影響植物生長，大幅減少糧食產量，全世界陷入容易發生飢荒、瘟疫既不安時代。有一套講法係戰國時代因為小冰河時期，全國陷入糧食危機，幕府無力控制地方，引致戰亂頻生，目的係為爭奪糧食資源，從此日本陷入史無前例既戰亂時代，甚至應仁之亂都係小冰河時期所催生，有關詳細講法請參閱附註2。
小冰河期、戰爭、飢荒關係示意圖
1559年，由於梅雨季節時降雨量少（空梅現象)，令糧食生產大幅減少，結果關東一帶陷入大飢荒，不少民眾餓死並引致瘟疫流行，北條氏康唯有再度推行「德政令」，豁免領內各項債務，以及減稅，甚至免除當年既稅收。
另外，北條氏康改革貨幣制度，其實與後來織田信長既統一貨幣令相似，就係規定只能用永樂通寶、宋錢等為合法貨幣，禁止私鑄貨幣，但由於禁絕困難，所以北條家亦允許少量惡錢流通；然後，北條家統一度量衡，方便商業活動及稅收。
同年，北條氏康將家督退讓給北條氏政，自己在背後繼續參政，開創北條家既「雙頭政治體制」。
