樓主,其實好多人仲係到
唔好寫甘sad睇到訓覺都sad緊
btw,其“實”,打錯字
樓主,其實好多人仲係到
唔好寫甘sad睇到訓覺都sad緊
btw,其“實”,打錯字
「兩個人只要鐘意就得啦,好多嘢都做到,都可以捱過去架!!!」我好肯定咁講,而我堅信呢樣嘢係無錯。
「呀水......唔好咁啦好無?」Kitty別過面去,好明顯佢唔想我見到佢傷心。
「唔試過又點知姐?」TVB對白都出埋嚟,只係想留低佢。
「我唔想咁辛苦,我只係想拍拖可以開開心心。」
「我之所以會鐘意你,係因為同你一齊我好開心。」
「但如果同你一齊變得唔開心嘅話,咁我仲係咪鐘意你呀?」Kitty不自覺將佢嘅音量提高。
我亦都明白佢想講嘅嘢......我知佢依家想要啲咩,我明白佢嘅心情。
Kitty所講嘅,亦都算係我嘅感受。
但佢無得阻止我嘅決定,就係繼續愛佢...
「等我哋都留個美好回憶呀,好無?」Kitty降低聲線,柔聲道。
未等我回應,已經衝咗上嚟攬住我。
攬得我好實好實,過咗一陣,本來係心口嘅一道悶氣,好似釋放曬出嚟咁,心頭一軟。
我都好好哋回敬佢,攬住佢。
Kitty成個人壓埋嚟,令我感受到佢雙峰嘅型狀。
但呢種感覺一閃即逝,好快Kitty就放開咗我,然後係我臉上留下一個唇印。
係我耳邊講咗句:「再見。」
就頭也不回咁走咗........
而我,只能夠望住佢遠走嘅背影,咩都做唔到。