《溝女的聖地──補習社》(2)

等你呀樓主

加速篇2
我哋係補習社放咗學之後，無咁快離開，反而留低係度，懷念一下。

呢半年嘅時間，我哋一如既往咁坐係一開始見面嘅地方。

仲記得當日懵懂嘅我，見到Kitty呢個貌美如花嘅女仔，係幾咁怕醜，幾咁失禮。

當日坐我隔離嘅狗公，已經消失無蹤……

到咗依家，我都係仍舊識得怕醜嘅男仔。

「呢間補習社俾我嘅回憶真係多…」Kitty抬高頭，望住天花板。

我無出聲，只係沉醉係回憶當中，回憶就好似一道菜咁，間唔中煮返出嚟食，又別有一番風味。

「係呀。」良久我先回應返佢。

Kitty笑了笑，無出聲。呢種感覺好美好，大家唔講嘢，但卻唔覺得尷尬，反倒感到輕鬆愉快。

唔知點解，我想捉住Kitty嘅手，因為依家大家嘅心意，係相連。

我輕輕觸碰Kitty嘅小手，佢無反抗到，反而好似知我想做咩咁，順勢捉住咗我隻手。

成個動作一氣呵成，好自然。

我哋不約而同地望住大家，相視而笑。

係枱底下嘅雙手，十指緊扣著。

我哋無表白，無話正式一齊，無紀念日，唔知算唔算係情侶。

但可以有咁美好嘅回憶，留係自己嘅青春入面，我頓時覺得無咩所謂。

我慢慢大個，回頭望返，先覺得呢刻嘅光陰，真係千金難買。

有好多情侶有男女朋友之名，卻無男女朋友之實，只係掛住情侶個名，但感情上，存在著無數嘅空洞。

我寧願無情侶嘅身份，但彼此嘅感覺係靠近嘅。

最尾個兩段好中

等你

追到live

台北北學生lm
你朋友冇事嗎？
我上個假期去左台南玩朋友都撞車
等冇咩事先出故啦

好多謝大家嘅支持同關心
我朋友都無事啦 我都放下心頭大石
我身邊嘅朋友都平平安安就好
我今晚返去會出一篇先 聽日會正常返
去到周未會盡可能地加速加速再加速
呢個故仲無咁快完架 鐘意嘅希望可以留言多多支持
唔想留言嘅都可以留個 俾我知你支持緊

台北北學生lm
你朋友冇事嗎？
我上個假期去左台南玩朋友都撞車
等冇咩事先出故啦

係台灣抄車真係可大可小 我之前都有啲學長抄車好嚴重 所以我真係驚
我自己渣車都好小心

加油

RIP

台北北學生lm
你朋友冇事嗎？
我上個假期去左台南玩朋友都撞車
等冇咩事先出故啦

係台灣抄車真係可大可小 我之前都有啲學長抄車好嚴重 所以我真係驚
我自己渣車都好小心

26定46?
Btw

台北北學生lm
你朋友冇事嗎？
我上個假期去左台南玩朋友都撞車
等冇咩事先出故啦

係台灣抄車真係可大可小 我之前都有啲學長抄車好嚴重 所以我真係驚
我自己渣車都好小心

26定46?
Btw

似係46
26炒應該會冇哂聲氣

台北撚等緊

我同Kitty係補習社影好多張相，都係搞怪嘅多啦，事關我哋都有共識，唔好影啲親密相，點都係有避忌咁。

除咗學校嘅座位，帶俾我最好回憶嘅就係補習社呢個位。

我尾隨著Kitty出補習社，到最後，Kitty好似放低咗心中不捨咁，係補習社門前開懷地笑。

反而我就好依依不捨。

「我哋仲有機會見架嘛，咁唔開心做咩姐？」Kitty一嘢就睇穿咗我。

「係就係姐，但呢度始終係我哋相識嘅地方。」望住Kitty，佢同啱啱相識嘅佢一樣，都無變過。

一樣咁靚，性格一樣咁善良。

我仲記得Kitty當初開門嘅一剎那，佢係我見過最靚嘅女仔，無之一。

「成個老餅咁！」Kitty取笑我，「好啦，我走啦，last day見啦。」

就係咁，我道別咗我同Kitty嘅補習社。

每一個開始，都有結束嘅一日。但我哋條路仲好長，我同Kitty嘅路，亦都兜咗好耐，先返嚟正軌。

到咗Kitty last day嗰日，我一放咗學，就直飛去Kitty間學校，我仲要係坐的士去。

因為同佢相處嘅時候真係太少啦，如果俾多啲錢，換嚟同Kitty相處嘅時光，我覺得係值得。

因為你將來有錢，都未必買得到。

到咗Kitty學校，見到門口嗰度已經有好多學生出緊嚟，佢哋比我哋早放學。

我撥個輪俾Kitty，聽到佢好開心嘅聲音，可見佢今日玩得好開心啦。

佢叫我等陣，依家落嚟搵我。

我懷著興奮嘅心情等緊佢落嚟，個腦入面不停地幻想呢一日點樣同佢過最後一日。

無幾耐，就見到Kitty衣衫不整咁行嚟學校門口。上衫嘅校服無攝到入面，飛曬出嚟；校呔亦唔似平時咁整齊；對襪鬆到跌落鞋度。

同平時整齊嘅佢，好不一樣。

聽日再出 應承大家周末加速

台北北學生lm
你朋友冇事嗎？
我上個假期去左台南玩朋友都撞車
等冇咩事先出故啦

係台灣抄車真係可大可小 我之前都有啲學長抄車好嚴重 所以我真係驚
我自己渣車都好小心

26定46?
Btw

似係46
26炒應該會冇哂聲氣

46 我會分3日出 真係會打死人
我會趕返啲進度

希望唔好幾日無出文啲人潮就散咗啦
我仲係度架

高雄學生等出文

都幾多人係台灣讀書
台中撚

臨瞓有文睇

台妹好正

Take care

終於等到喇

台妹幾時出場