加速篇31
DSE好快就過,中間都無咩時間俾我諗起Kitty,無時間俾到係度叫春,因為自己嘅將來更加重要。
呢段期間,我有時間休息嘅話,會上網睇下啲故事,或者係港女語錄。
對於仲係愛情新手嘅我,覺得入面有啲嘢講得幾啱。
之前Kitty係我全世界,但依家...我會識得為自己諗,我會開始為自己打算。
DSE之後,我做咗好多日廢青,終日係屋企打機。
時間就好似靈藥咁,將我之前嘅心結解開咗。
係屋企度,我已經無好似之前咁辛苦,慢慢睇得開咗。
直到關晴叫我出去,我個心又再復活過嚟。
「喂!好耐無見呀!」考緊DSE嘅時候都無點樣同呀楊佢見面,關晴自然亦少咗。
但關晴卻好似一幅悶悶不樂咁。
唔通佢同呀楊鬧交?
我見關晴臉色唔對路,我都收起咗平時嬉皮笑臉嘅模樣。
「咩事呀?搵我出嚟?」我打探一下,唔敢細問。
我哋約出嚟食個lunch,諗唔到食咩就求其話食m記...
「我有啲嘢想同你講...」關晴嘅語氣好沈重。
「關於呀楊嘅?」我好小心咁講。
「唔係...係關於Kitty。」佢板起臉孔,好認真。
「咩.......咩事?」我有一種不祥嘅預感。
「Kitty佢要離開香港。」
垃圾臭西語錄