306 Like
2 Dislike
趕故書生
2017-03-16 02:08:40
加速篇5
「你咁講,我又何嘗唔係呀?我比你更加唔想長大。」好認真,我都好認同架。
「做男人更加大壓力,咩都要靠自己,起碼你有個好嘅屋企,唔洗為三餐走嚟走去。」
「我好多嘢都要靠自己,我淨係要處理根本需求都成問題,衣食住行,樣樣都要諗,依家我係唔洗面對姐,但將來我點都要面對。」
我真係諗都唔敢諗,我將來可以點算。
考到大學又點?出到嚟做嘢有好好多咩?又未必見得,反而上到大學負擔更加大。
「所以我都想你讀好啲書。」Kitty語重深長咁講,呢一次係我哋第一次傾到咁深入嘅問題。
「呀水,我信你得架!」Kitty好肯定咁講。
「其實你唔係差架,你又唔係蠢,你肯努力嘅,其實好多事都會成功。」
無嘢俾Kitty嘅肯定更令我感到自豪,想要發奮。
一個毒撚,有人鼓勵佢,終有一日,佢唔會再係毒撚!
「但我讀書真係唔掂喎。」我真心地說,臨考DSE,自己有幾多斤兩,自己唔知咩?
「一個人成唔成功,唔係用佢讀書嘅成績嚟衡量;而係睇佢擁有幾多。」
Kitty嘅呢一番說話,令我暗暗係山腰度發誓,「我一定要發奮!」
就算最後不如理想,至少自己努力過。
更加唔想俾自己後悔,但同時間,唔知點解我覺得Kitty好似離我越嚟越遠咁……
一但愛情入面插入咗現實嘅元素,就好容易令一段關係越走越遠。
九千萬西瓜
2017-03-16 02:13:09
趕故書生
2017-03-16 02:53:12
-加速篇6
我送埋Kitty返屋企,然後返去嘅時候諗咗好多嘢,關於將來嘅事。
到咗我last day嗰日,啲同學好似癲曬咁,玩得就玩,喪得就喪。
我見住啲fd去捉住個男老師,corner鳩佢,笑到我同呀楊仆街。
個呀Sir仲要好唔忿氣咁四圍捉啲學生返嚟,諗住報復返,但最後都係徒勞無功。
我件純白嘅校服,寫滿咗密密麻麻嘅字,有啲唔係好熟嘅朋友,都走埋嚟問你要簽名,大家簽俾大家咁樣。
呢一日,真係好開心,好青春。
呀楊同關晴就拖住手,明目張膽咁係學校入面四圍走,睇嚟佢哋都預咗今日係拍拖架啦!
放學嘅時候,好多人都留係學校唔捨得走,係呢個時候,我收到Kitty嘅電話。
「喂!呀水,我到咗你學校啦。」Kitty把聲好興奮咁。
佢終於嚟到啦!琴晚已經諗咗好多將來嘅嘢,難得一起身可以忘記唔開心嘅事,再諗返起今日last day,就開心返曬。
聽Kitty把聲都一樣,嗰種成熟嘅面孔又俾佢收埋咗,又換返以前Kai Kai地嘅佢。
我用九秒九嘅速度跑落去,遠遠已經見到Kitty係門口等緊我。
今日嘅佢身穿便服,穿得十分之平民,唔同上次聖誕節嘅佢。聖誕節嗰日,一睇就知Kitty係悉心打扮過啦。
Kitty上身一份白色puma帽T,下身一條簡單嘅藍色牛仔褲,加對superstar。
真係銅鑼灣常見嘅打扮,但反而咁樣嘅Kitty,更加親民。如果我唔知Kitty係有錢女嘅話,我一睇就會覺得佢只係一個普通嘅靚女。
然而咁樣都無減低佢清純嘅氣質。
第一艦長
2017-03-16 03:07:57
繼續出啦
MegaMegaMac
2017-03-16 03:17:16
其實是咪已經無人睇
你唔寫點睇?
講笑,寫多幾篇加速啦
嵐生愛食屎
2017-03-16 03:21:16
加速
油麻地軒達臣
2017-03-16 07:19:47
其實是咪已經無人睇
你唔寫點睇?
講笑,寫多幾篇加速啦
睇緊
于晏女友
2017-03-16 07:23:17
日日禁入黎架樓主
君悅灣
2017-03-16 09:07:44
有睇
金毛琳
2017-03-16 09:25:05
係紙言到追開
真心幾好睇
樓豬加油
股神孔乙己
2017-03-16 10:33:33
睇緊
我只係一隻棋
2017-03-16 10:42:25
日日上高登
2017-03-16 10:50:28
趕故書生
2017-03-16 11:35:04
「嚟咗好耐啦?」對住Kitty,總好似第一次見面咁,如此動人。
「點會嚟咗好耐呀?我先無咁好耐性。」Kitty笑道,然後走咗入學校。
有時我覺得Kitty除咗靚之外,更有幾分霸氣。有霸氣之餘,仲可以有幾分小鳥依人嘅感覺。
各種性格嘅轉換,有時都令我反應唔切,但同時又會俾佢吸引住。
我哋好似琴日咁,一上到我哋嗰種,好多對男性雙眼,不停係Kitty身上遊走。
佢哋望我嘅眼神,係又羨又恨。
羨慕我呢個毒撚可以帶條咁高質嘅女上嚟,恨就恨點解嗰個唔係我!
我明嘅,半件前嘅我,都經歷過呢種感覺。放心啦,我會祝福你哋,搵到個好女仔!加油呀!
但啲女仔就投以唔係咁友善嘅目光。
佢哋望得超明顯!
本來班仔係度打打鬧鬧,一見到Kitty,就停曬手,雙眼不停咁上下來回掃視。
一啲都唔誇張,男人就係咁嘅動物。
而且可以令到一個男人回頭望你,為你停曬手咁,可想而知Kitty靚嘅程度係去到邊。
一入到去班房,又係好似頭先嘅動作。
「欸!Kitty!」關晴係老遠見到Kitty就跑過嚟,完全不顧儀態。
算啦,佢今日真係玩到好癲,關晴見校服衫,解開咗上衫嘅兩個扭扣,露出一條深深嘅溝。
伴隨住佢跑過嚟嘅氣勢,雙峰上下搖晃,令人眼花繚亂,跟唔上佢嘅節奏。
「關晴!」又嚟呢種重逢嘅情節。
「你又會嚟嘅?」關晴好開心咁問。
「嚟探你呀嘛!」Kitty講道。
心諗,假到你呀,咁嘅說話都講得出?女人真係虛假嘅動物。
趕故書生
2017-03-16 11:35:48
係紙言到追開
真心幾好睇
樓豬加油
多謝支持
估唔到寫寫下都就快兩個月
奶奶不行了
2017-03-16 12:10:23
加油樓進
繼續出文
奶奶不行了
2017-03-16 12:11:18
加油樓主
繼續出文
趕故書生
2017-03-16 14:35:27
加速篇7
佢哋係度噓寒問暖嘅時候,呀楊神不知鬼不覺地出現係我隔離。
佢驚訝嘅表情令我覺得佢十分之滑稽,忍唔住笑咗出嚟。
「做咩呀你。」呀楊佢好奇怪咁望住我。
「佢......佢就...就係...你係補習社識嗰個...女仔?」佢講嘢將啲識拉長咗,講到勁奇怪。
「係呀。」唔知點解,我心裡面有點自豪。
「哇!」呀楊不停咁搖我雙肩,「點解!點解你咁好彩識到個咁正嘅女?」
呀楊佢有啲失控,佢成個人散發出好強烈嘅酸味。
「噓,細聲啲啦,你唔驚關晴聽到咩?」
我再望一望佢哋兩個,Kitty同關晴佢哋完全無打算理我哋。
「唔理佢哋啦!」呀楊嘅舉動令我感到開心,因為我都覺得自己好好彩,識到Kitty。
「又係你叫我去補習社嘅。」
「屌!」呀楊大聲咁屌咗出嚟,「早知就唔介紹你去啦!」
「有早知呀,呢個世界無乞衣啦!」好彩你有介紹我去,哈哈。
呀楊好唔忿氣,但又唔知嬲乜好,好鬼好笑,哈哈哈。
「我都有同你講過Kitty靚架。」
「但你無同我講會係咁靚架嘛!」呀楊再望多幾眼,「真係越望越正!」
然後呀楊拉咗我去班房角落,細細聲問我,「咁你真係同佢錫過?」
佢咁樣一問,我又回想起嗰日係我屋企,我錫Kitty嘅畫面。
「係呀...」諗返起真係回味無窮。
「屌!」呀楊又屌出嚟,繼而一聲嘆氣,「唉...曬咗呀......」
J.Henderson
2017-03-16 16:16:44
我是個西伯利亞人
2017-03-16 16:48:34