123 Like
2 Dislike
春泥
2019-12-07 21:17:25
次次見到大量女手足一條友行
真係陰公
弱質纖纖、跑得慢,好易俾大狼狗咬走
游大輝
2019-12-07 23:33:55
女手足真係要萬事小心
春泥
2019-12-08 00:38:29
這麼轟動的事件當然又成為各大傳媒爭相報導的新聞,很多傳媒亦追訪我們,讓自強會這個組織出現在各大小媒體上。
相熟的蛇果記者金碧韻再次訪問我,訪問結束後我和她閒聊。
金碧韻道:「成皇志,依排無喺娛樂版見你,原來你上咗港聞版,對於自己繼8座事件後,再次上港聞版,你有咩感覺啊?」
我苦笑道:「大家咁熟,唔好玩啦!上親港聞版次次爭啲連命都無,我真係唔幸啊!係呢?我見你地蛇果獨家拍到嗰日元朗嘅相,你地都好厲害。」
金碧韻遲疑了半晌才道:「依件事講嚟有啲奇怪,嗰日我走入韓家村諗住偷偷入礦場到偷拍,但係唔成功。之後到咗市中心,嗰班黑社會周圍打人,咁我就偷偷影相,到咗後嚟成街都係黑社會,嗰陣我先識驚,正當我慌到唔知點算嘅時候,我嘅手提電話突然有訊息指示我點走,當時我六神無主,唯有跟住指示走,結果真係順利搵到路走,無俾人發現。」
「咁奇怪?係咩人咁厲害?」
「依層我都唔知道啊?對方係用太空卡架。」金碧韻道:「係呢?嗰個王炳…係咪榮仔殺架?」
我曾經向榮仔問過相同的問題,但他沒有回覆我,雖然我很難相信只有十四歲的他殺了王炳,但是其他人都看到他刺傷了王炳的大腿,當時又只剩下他和王炳在場,而且我看到他身上的衣物有不少血跡,他的嫌疑相當大;然而我嘗試說服自己就算是榮仔殺了王炳,他亦只是自衛,王炳年紀比他大這麼多,一定是受到王炳的攻擊,他在無可奈何的情況下,為求自保才殺了王炳,王炳這些黑社會,幹了這麼多傷天害理的事情,死了也是活該。
想法歸想法,我卻道:「榮仔得十四歲點可能殺人啊?今次依件事太恐怖喇!布正麗同佢返咗台灣。」
春泥
2019-12-08 00:38:40
元朗黑夜發生後翌日,我見布正麗與榮仔只是受了輕傷,我怕榮仔會惹上麻煩,便要他倆回去台灣。
金碧韻點頭道:「嗯,我都好難想像一個小朋友會殺死一個壯漢。係呢?嗰個開鎗殺死史子義同韓軍嘅人,你有無頭緒啊?」
「你地啲報導唔係話劉帆輸咗鄉郊所嘅主席,搵人買兇殺死韓軍咩?」
金碧韻搖頭道:「報導還報導,我覺得咁樣做太著跡喇!韓軍畀人鎗殺,個個都會懷疑係劉帆做,而且劉帆點解要殺埋湯伯符同史子義呢?」
我搖了搖頭,道:「依啲留番畀警察去查啦!我依啲小市民都係食下花生算喇!」
金碧韻又道:「成皇志,你有無諗過唔做娛樂圈改去從政?依家你個自強會越嚟有規模,啱啱喺元朗黑夜依件事入面,更加多人知道你嘅組織,你可以試下參加區議會選舉,甚至成為立法會議員都唔係無可能。」
我笑道:「依層我真係無諗過,而且我都唔係做議員嘅料。」
「你仲打算喺娛樂圈發展?」
我點頭道:「我唔係好甘心,因為一啲事而令我本來條路斷咗,我真係想試多次。」
金碧韻打量著我,道:「睇真啲,你個樣又唔係屬於好靚仔嗰種,但係就覺得你好似散發出一種吸引人嘅特質,初識你嗰陣唔係好覺,但依家越嚟越感覺到,你身上有一啲大明星嘅特質。」
「吓!真係咩?」
「我做記者,同咁多明星打交道,直覺唔會太差,我覺得你將來會好出名,上兩次港聞頭版嘅明星,唔係好多個架!」
我苦笑道:「妳似奚落我多啲。」
工程自古空餘恨
2019-12-08 15:14:16
巴打之前住 石梨 8 座
?
咁布正麗住邊座?
今日去開葵涌區,睇下撞唔撞到正麗
春泥
2019-12-08 16:30:00
布正麗應該住石x樓
春泥
2019-12-08 16:49:25
出咗嚟未
工程自古空餘恨
2019-12-08 18:05:34
布正麗 係真有其人?
但佢1999 年唔係應該住係舊石梨 x 座?
石x 樓係新和諧式 wo
咁巴打以前係住 x 座定x 樓?
春泥
2019-12-09 01:07:34
每個女主都有原形嘅
有幾條石梨村
再上少少有啲90年代初已經落成
我以前住石逸樓
講埋都唔驚
工程自古空餘恨
2019-12-10 22:53:01
布正麗竟然有原形
咁原形2019年都係3x 歲?
巴打你住過好多地方wo
你有冇食石梨粉仔?
春泥
2019-12-11 00:15:26
布正麗與榮仔回去台灣後,楊鳳瑤與呂靜宜亦說要提早離開香港,恰巧她倆亦是在同一天離開,楊鳳瑤乘搭的航班要比呂靜宜晚上兩個小時。
我來到機場送別她們,我問道:「出年暑假,妳地係咪會再返嚟啊?」
呂靜宜笑了笑道:「一返嚟香港去轉元朗就發生啲咁嘅事,真係要諗下先喇!」
楊鳳瑤亦笑道:「每次同你一齊都經歷啲咁危險嘅事,下次又唔知會遇到啲咩事喇?」
呂靜宜笑道:「咪係囉!其實我地唔返嚟香港,你都可以搭飛機過嚟搵我地架!」
我笑道:「妳地一個喺日本,一個喺英國,來回機票都唔平架!而且我地自強會咁多會員,你地返嚟香港可以見晒我地咁多個吖嘛!」
楊鳳瑤垂頭輕輕地罵了聲傻瓜。
呂靜宜瞥了楊鳳瑤一眼,道:「我差唔多夠鐘喇!要入閘喇!」
我瞧著呂靜宜,上次她到英國讀書,我只是敢躲在一旁偷偷地向她道別,現在我終於可以光明正大去送別她。
我走上前當著呂世伯、呂伯母面前,輕輕擁著呂靜宜,她在我懷中抖了一下,並沒有把我推去,我在她耳邊輕聲道:「一路順風啊!呂靜宜,去到英國,都要加油努力啊!」
我把上次沒有當面對呂靜宜說的話,現在都對她說,彌補了上次的遺憾,人生並不是做什麼也有第二次機會的。
我鬆開了手,她點了點頭,道:「嗯,我走喇!就算我去到英國,你都可以打電話俾我,又或者用ICQ同我聯絡架!」
「好啊!」
呂靜宜走進了禁區,瞧著她漸遠的背影,雖然依然有些離愁別緒,但感覺與上次並不一樣。
呂靜宜離開後,呂世伯、呂伯母亦與我和楊鳳瑤道別。
楊鳳瑤離上機還有一段時間,於是我陪她在機場四處行行逛逛。
春泥
2019-12-11 00:15:41
元朗黑夜那天楊鳳瑤血流披面的樣子,真的挺嚇人,幸好她入院經診斷後,沒有大礙,只是受了皮外傷,額頂的位置縫了四針。自強會的其他成員大多已經出院,傷得最重可算是萬季常和朱思遠,二人都在元朗黑夜的一役骨折,不過慶幸的是兩人只是需要休養一段較長的時日,並不影響往後的生活。
楊鳳瑤見我瞧著她出神,她有點尷尬道:「你仲咩咁望住我,我幾日無洗頭喇!係咪有味啊?」
我搖頭道:「咁又無味,其實妳又未好返晒,點解唔留多幾日,等好返先走啊?」
「尋日都拆咗線,好得八八九九啦!我最近識咗個移民咗去日本嘅香港女人,佢話可以幫我惡補日文,我諗住快啲返過去惡補下。」
我道:「哦!原來係咁,咁都好嘅,妳諗住喺嗰邊升學,自然要識日文。」
楊鳳瑤刻意用手撥頭髮,以髮絲掩蓋額上的傷疤。
我安慰道:「楊鳳瑤,其實妳唔駛太過擔心,條疤痕好快會變淡,唔係好覺眼,如果妳仲係擔心,日本整形科技咁先進,遲啲妳可以考慮整一整。」
楊鳳瑤氣結道:「你話我需要去整容?咁係咩意思啊?話我生得醜樣啊?」
「我唔係話妳唔靚要去整容,只係我見妳好似好擔心咁,妳地女仔貪靚,唔接受身體一啲瑕疵,只係提議妳可以去磨疤啫!」
楊鳳瑤突然噗哧一笑,我奇道:「有咩咁好笑啊?」
楊鳳瑤道:「無,諗起之前識你嗰陣,你又係跌親個頭,包到個頭成個印度阿星咁,當時你個頭真係有陣味。」
楊鳳瑤所說的事,是我們在中四學期初時發生的事,當時柳豔學姐在圖書館和我們補習,不過是三年前發生的事,回想起真的恍如隔世,現在楊鳳瑤在日本留學、我則在娛樂圈浮浮沉沉、失憶的學姐在台灣生活。
我笑道:「都差唔多三年前嘅事喇!妳都唔肯放過我。」
楊鳳瑤道:「咁又三年喇!依三年真係發生咗好多事啊!」
春泥
2019-12-11 00:15:52
楊鳳瑤的說話勾起了我的回憶,讓我想起當初在意亂情迷下,兩次親吻她的經歷。
我從回憶回到現實,看到楊鳳瑤在瞧著我,不知她是不是和我一樣,回憶著同樣的事情。
這一刻楊鳳瑤的眼神變得很溫柔,她道:「成皇志,其實…我一直都鍾意你。」
楊鳳瑤此言一出,讓我愣住了,她見我現出這樣的神情,她再次開口時,並沒有推說剛才只是說笑而已,她說時間夠了,她要離開了。
楊鳳瑤比我勇敢多了,她把心底話說出,而我一直只是把對她們的感情放在心底,明明我都是一樣,為何並不敢於面對真正的自己呢?
瞧著楊鳳瑤漸漸離我而去的背影,我道:「楊鳳瑤,其實我都一樣,我都鍾意妳。」
楊鳳瑤回頭瞧著我,我們互相看著大家,可是我們彼此也繼續保持這個距離,沒有向對方踏出一步。
楊鳳瑤向我笑了笑,她道:「夠鐘喇!我要返日本喇!」
我向她揮手,沒有挽留,道:「再見喇!楊鳳瑤,妳要加油啊!」
我目送楊鳳瑤離去,我們互相表白,但並沒有牽手、擁抱、親吻,我們這一刻知悉彼此的心意後,下一刻就是離別,沒有向對方作出任何承諾。
這是愛情?還是友情?這也很不好說,又或者某天我們的未來緊扣在一起也說不定。
這天,我送別了兩位我喜歡的女孩離去,然後我自己也孤身一人離去。
梅拿湯馬士
2019-12-11 00:40:56
後宮志
春泥
2019-12-11 00:42:07
年齡可能有出入
石梨粉仔係咪推車仔𠴱啲?
2’OLE’GEND
2019-12-11 00:48:51
諗起幾個讀書時期辜負過嘅女仔
游大輝
2019-12-11 01:06:57
諗到個場面都覺得慘
派膠後防
2019-12-11 01:25:08
你唔恨得咁多
學吓忍屎先啦
春泥
2019-12-11 01:27:45
好慘
大輝篤屎明明救場
Maelstrom
2019-12-11 06:51:28
明明係你寫到佢咁
快樂的SA
2019-12-11 07:33:30
MVP
好難忍
2019-12-11 08:57:54
布甸 咩都冇講過就走左
新手初心者
2019-12-11 09:20:04
看完有種傷感,可能是時間或者是什麼令到有這遺憾吧!
這段很好,我很喜歡
春泥
2019-12-11 09:41:39
大輝依啲有義氣、專一、無機心、直率,除咗腸胃麻麻之外,都算好仔,傻人有傻福嘅
春泥
2019-12-11 09:42:20
好快會返嚟嘅