後生仔有公屋但為幾皮嘢去死?十幾皮都唔使死啦,係唔係搞笑?
永遠都有塘邊鶴懶醒咁冷嘲熱諷
人地淨係為咗幾萬想死咩
佢係睇唔到前景同未來呀
成日開口埋口後生仔 扮老屎忽
你年紀大唔代表講嘢有point
講後生仔就扮老屎忽?冇話年紀大就講嘢有point,想講死同唔死係個人選擇,我只係提出自己觀點,絕冇冷嘲熱諷/扮老屎忽,唔啱聽算
係學費都廿幾萬借左
生活費由中6之後自己一星期打兩份工搵既
一grad就得六千收入,仲要計劃未來
扣你食飯搭車,夠同朋友見下面定夠儲錢買樓?
無錯係個人選擇,但一畢業就出黎捱,到底為乜?
舊屋都住得係樣衰,點解要住另一間要裝修
然後開曬工係公司話要人人都俾錢?
唔通又真係捱幾年又一條好漢?
睇你上面冇乜提過家庭有磨擦,你自己計下條數,捱幾年住公屋做返條好漢好,定係好似上面所講儲錢買樓好?我自己就覺者係可行,再唔係到時先再諗死都唔遲
首先本身我住緊果到本身我唔需要俾任何錢
但屋企人想要新屋搞裝修
仲要迫我夾錢,原先無提過裝修要出錢
等於我住公屋都要俾錢,一家人要計到咁
仲要係冇自己空間一間房,自己排左四年既單身公屋因爲佢哋要呢間屋無左,而所謂嘅新屋係冇空間俾我
我錢又要比空間又無,仲要自己未來一個保障都無左
學費又係借既,生活費就自己瘋狂打工賺嘅
個感覺係我欠左我媽
我唔明生我出嚟有乜用
係上面睇得出你係有能力生存嘅人,自己人生自己負責,有d野係冇得勉強嘅
咁講啦,差別待遇
我係女,屋企有兩粒仔
我係最細果個
我媽有新屋就會諗定兩個仔如果第時冇能力結婚搬出去點點點
所以點解我會無房無空間就因為留俾仔
當年我哥讀左好幾年直資日校
因為無法原校升讀中五
好多野比我感覺唔係俾唔到我
而係俾仔而犧牲我,上面有位絲打都話重男輕女既屋企
我內心都無數次有攬住個仔過世啦你既念頭
而且,我都未做野已經諗住我要比裝修錢俾家用乜乜物物。無諗過我有其他支出
講真,我諗生存能力係人都有,只係係香港你可以點生存,視乎你嘅生存模式
中學時我媽話我讀到大學會俾生活費
結果反轉豬肚就係屎
當然我唔係覺得老馮要俾,我同意大學生自己part time
但唔係上餐煩下餐。我知屋企未窮到咁
但真係一毫子都無俾我,亦唔會關心我到底乜一回事
有提出過一星期兩份工,連返學7日都無一日有得抖
咪當你鳩嗡,覺得你搵到錢自己
佢到依家都覺得養大我咪算係咁
第時養返佢係應份。佢唔係一個壞人,但我真係唔會想俾家用佢